Provérbios 17:19 - Kaxinawá Bíblia (BR)

¹⁹ Tsuara itxakanikakatsis ikĩ betxipaimisrã, detenameari betxipaimiski. “Eã besti ibubis ẽ unãhairaii”, ikĩ shinãkubaĩmisrã, ibubis hawẽ kushipa benushanikiki.

Provérbios 17:19 Referencias Cruzadas

2 Samuel 15:1

Jerusalém anu Davĩ huni bake betsa Absalão hiwekũkaini ibubis shinã txakai keĩ shanẽ ibushanũ, iwanã, hawẽ cavalo tarãti pepa inũ cavalo kushipabu bitã 50 detenamenikabu katukĩ hatu tsumawatã ma hatu yunukubaĩmis

1 Reis 1:5

Habiatiãri Davĩ aĩ Hagitẽ hawẽ huni bake Adonias, iyuamabia hawẽ epã shãtukũ ea shanẽ ibuhairanũ ika ibubis benikauã hatu yuikĩ: “Earã, Israelĩ enabũ shanẽ ibuhaira ẽ matu ishũshanaii”, ikũkaĩkĩ detenamenikabu cavalõ tarãbaĩti betsa betsapa hawẽ ibuana katukĩ itxawakubaĩkĩ detenamenikabu cavalo katsaumemisbu katukĩ habũ meketi wakĩ 50 hunibu hawena wakĩ katutã hiwekũkaĩkĩ

Provérbios 16:18

Ha dukũ kanei ibubis kẽkũkainaiwẽ taearã, txipu txakabu dasibi hukĩ beshte keyushanikiki.

Provérbios 17:14

Hene bai mata txakayamakĩ huni betsã bai atxi keyumisrã, txakabuki. Haska keskanũ ika tsuara ha iki taeaiburã, txakabuki. Hau pikuyamanũ ha iki taeaibu anua hawa yuiama hatu henebainarã, haska pehairaki.

Provérbios 18:12

Ha dukũ kanei ibubis kẽkũkainaiwẽ taearã, txipu ana hawa hayama keyushanikiki. Hakia ibubis keĩsmarã, txipu hawẽ hamapai hawẽruawai shabakabishanikiki.

2 Coríntios 12:20

Ha inũ, tsuabũra ẽ hãtxa mã habũ danaĩ mã haskarara ẽ matu uĩ kashanai inũ, matũri haskarara mã ea uĩshanai matuwẽ ẽ dateaii, eska mã hiweamẽkaĩ ikarã, mã danãnanãbukuaĩwẽ inũ, huni betsa ikaiwẽ uĩ mã hatuki sinatamiswẽ inũ, mã pubeaĩwẽ inũ, mã ibubis keĩ binũnãnaĩwẽ inũ, hune mã yuãnanaĩwẽ inũ, mã shabakabi txitenamemiswẽ inũ, “Eã besti ẽ hatu binuaki”, mã ikaiwẽ inũ, mã merabenameismawenã.

Santiago 1:20

Hamẽ yura betsa ha aki sinatakinã, haska Deusũ abuai keska aki mã pepatirumaki.