Provérbios 17:17 - Kaxinawá Bíblia (BR)

¹⁷ Hawẽ haibu kayabitũ hawa heneama betxipaimisbuki. Hawẽ betsa kayabi keska wakĩ hanu bika teneaitiã merabewakubaĩmisbuki.

Provérbios 17:17 Referencias Cruzadas

2 Samuel 1:26

Jônatasã, mĩ ẽ betsa keskawẽ taea mia manui ẽ huĩti ẽ nishmahairaki. Hawarawẽ beparãkĩ ea huneama mĩ ea duawakubaĩkĩ aĩbuaibũ ea betxipaiaibu hatu binukĩ pepawakĩ mĩ ea haibuhaira wakubaĩshinaki.

2 Samuel 15:21

kemakĩ Itaĩ shanẽ ibuhaira Davi yuikĩ: —Mĩ mekenika Senhor Deus inũ mĩ ẽ shanẽ ibu matu dabe ikũwãkĩ ẽ matu txibaĩwẽ taeshũ ẽ mia yubaii. Hanira mĩ kaya mĩ dayarui ẽ mibe kaii. Mĩ hiwekẽ ẽ mibe hiweshanaii. Mĩ mawaya ẽ mibe mawariashanaii— aka

Provérbios 16:28

Huni atimapa hawẽ hãtxa txakabuwẽ ha imisbuki. Txani yui yuananãkĩ hatu sinatamamisbuki, hawẽ haibube hatu sinatanamemakinã.

Provérbios 18:24

Huni haibu itxapa hayabia habũ hawaira itxakawatã henebaĩtirubuki. Hakia hawẽ haibu hatiribũ hawẽ betsa kayabi binumakĩ duahairawatirubuki.

Provérbios 19:13

Tsuãra huni bake hawa unãma unaĩsmapatũ hawẽ epa bika tenemakubaĩmisbuki. Aĩbũ hawẽ bene ha a txakayamakĩ hiwe txakamamisrã, hiwe shui anu ui tuis tuis ikũkaĩmis keskaki.

Provérbios 19:7

Tsuara hawa hayamawẽ taeshũ hawẽ betsabũ danaĩbũ txanima haskawẽ taeshũ hawẽ haibuaibũri henebaĩmisbuki.

Hebreus 2:11

Dasibibũ nũ Deus abukĩ txibaĩburã, nukũ Epa Deus meribitũ nuku hawẽ bakebu wakĩ nuku meribi wamiski. Haskawẽ taea hawẽ bake Jesus Cristo nukuki dakeama nuku kenakĩ: “Ẽ betsabuki”, ikĩ nukukiri yuimiski.

Rute 1:16

nĩkamas Rute kemakĩ yuikĩ: —Mia dapashkakĩ ẽ mia henebaĩtanũ ana ea yunuyamawe. Mĩ hanu kai anu ẽ mibe kaii. Hanu mĩ hiweai anu ẽ mibe hiweriashanaii. Minabu enaburi ishanikiki. Mĩ mekenika Deusrã, ẽ Deus iriashanikiki.

1 Samuel 18:3

Hanua Jônatas inũ Davi betxipainamerabei putanametimai haibunaĩ yubakarabenibukiaki, Jônatasã hawẽ yura betxipaiai keska wakĩ Davikiri shinãkinã.

1 Samuel 19:2

Davi anu kashũ hawẽ epã hãtxa banabimakĩ yuikĩ: —Ẽ epã mia tenãkatsis ikikiki. Haskakẽ meshukiri penama bai anu hune ka hari iruyutãshãwẽ.

1 Samuel 19:3

Hari mĩ ka anu ẽ epabe ẽ kashanaii. Haskara mikiri ea yuimẽkaĩ. Tapĩtã mikiri ẽ habe hãtxashanaii. Ẽ epa ma kakẽ haska ea yuishu ẽ mia yuishanaii— abaini kaya