Provérbios 17:10 - Kaxinawá Bíblia (BR)

¹⁰ Hunĩ hawaira tapĩmis pewakĩ: “Mĩ ma kaneaki”, akĩ shanẽ ibũ yuia ibubis hawaira shinãkĩ pewamiski. Hakia unaĩsmapa pewanũ, iwanã, 100ki kusha kusha abiabu hawa tapĩtirumaki.

Provérbios 17:10 Referencias Cruzadas

Provérbios 13:1

Hawẽ bake unanepatũ hawẽ epã nemati hãtxa nĩkashũ txibãkubaĩmiski. Hakia bake habiaska beyai nĩkaismatunã, hawẽ epã nemati hãtxa danãkĩ hawa txibaĩsbumaki.

Provérbios 15:5

Hatũ epã hatu nemakĩ pewamis hãtxa ha unaĩsmapabũ nĩkaisbumaki, danãkinã. Hakia unanepatũ hatũ epã hatu nemakĩ pewamis hawẽ hãtxa nĩkakĩ shabakabi hatu uĩmakubaĩmisbuki.

Provérbios 17:11

Shanẽ ibu kaya kushanũ ishũ huni txakabubũ hawara txakabuwai benamisbuki. Hakia habũ txakabuwaibu hau hatu kupitanũ tsuara mẽtsisipahaira Deusũ yunushanikiki.

Provérbios 17:9

Hawẽ haibũ kanebiashĩkẽ hakiri yuibaunama huneshũkĩ hawẽ haibu betxipaimamiski. Hakia hawẽ haibũ kaneshina huneshunama txanikaũkĩ hawẽ haibu danãmakĩ putamamiski.

Provérbios 19:25

Ẽhẽ iki yura betsabuki kashemisbu hatu kupiaibũ ha bebũkiri pe shinaĩsmatũ uĩkĩ hatuwẽ hawenakiri tapĩkubaĩtirubuki. Hakia nemakanã bestiaibu nĩkakĩ unanepabũ tapĩmisbuki.

Apocalipse 3:19

Ha inũ, dasibi mã enabuwẽ nuikĩ matu merabewa bestinũ ishũ hãtxa kuxipawẽ matu ha akĩ ẽ matu yusĩshuwẽ taeshũ ẽ yusĩa nĩkakĩ pewatã matũ xinã betsa watã xinã txãkãhaira bestikũkaĩkatsis ikirã, Deus anu berikãwẽ.