Provérbios 15:32 - Kaxinawá Bíblia (BR)

³² Tsuãra txakabuwai nemabiabu hatũ nemati hãtxa nĩkama hatumebi danananãmisbuki. Hakia tsuãra hatũ nemati hãtxa nĩkakĩ tapĩkubainirã, beshtekei unanepamisbuki.

Provérbios 15:32 Referencias Cruzadas

Provérbios 1:7

Senhor Deus duawakĩ haki datekĩ hawẽ hãtxa nĩka pewakĩ unanepakĩ tapĩ taewabaĩtirubuki. Hakia tsuara unaĩsmapabũ unanepati inũ yusĩti hãtxa pepa danãmisbuki.

Provérbios 10:17

Tsuãra kaneaibu pe hatu yusiãbu nĩkamisburã, pe hiweshãkanikiki, hawa benuamarã. Hakia pepa hatu yusiãbu danãkĩ nĩkaisbuma hatũ hiwea benushãkanikiki.

Provérbios 13:18

Hawẽ merabewati yusĩti hãtxa tsuãra danãmisrã, yumaĩ dakekubaĩshãkanikiki. Hakia merabewati yusĩti hãtxa tsuãra nĩkamisbu yurabũ hatu kẽwãshãkanikiki.

Provérbios 15:14

Huni shinã unanepatunã, ana tapĩhairanũ ishũ shinã bena nĩkakubaĩmisbuki. Hakia unaĩsmapabũ hawa pepa unãma atimapa besti shinãkĩ yui hiwemisbuki.

Provérbios 15:21

Bebũkiri pe shinaĩsma patapaburã, patapa bestinũ ika benimakubaĩmisbuki. Hakia habũ hawaira tapinikabunã, ibubis hatũ hiwea pewakubaĩmisbuki.

Provérbios 15:31

Tsuãra txakabuwai unanepabũ hatu nema hatũ hãtxa nĩkai unanepabu ibuwatã hatube tsaushãkanikiki.

Provérbios 15:33

Senhor Deusũ nemati hãtxa tsuara hawẽ datekinã, hawẽ unanepakĩ tapĩkubaĩmisbuki. Txipu matu kẽwãshanaiburã, ha dukũ ibubis keãma pe hiwekũkaĩtiki.

Provérbios 15:5

Hatũ epã hatu nemakĩ pewamis hãtxa ha unaĩsmapabũ nĩkaisbumaki, danãkinã. Hakia unanepatũ hatũ epã hatu nemakĩ pewamis hawẽ hãtxa nĩkakĩ shabakabi hatu uĩmakubaĩmisbuki.

Provérbios 17:16

Peiwẽ unanepa hãtxa binũ ika ha unanepa tapĩtirumabia haskai unaĩsmapa peiya huimẽkaĩ?

Provérbios 18:15

Unanepa tapinikabunã, unanepa hãtxa sharabu benakĩ ana tapĩkubaĩmisbuki.

Provérbios 19:20

Mia yusiãbu nĩkakĩ nemati hãtxa tapĩkubaini huni ewai mĩ unanepashanaii.

Isaías 1:5

Maturã, haskai mã danananaĩ sinatai henekatsi ikamamẽ? hawẽ ea kupi sharawe, ikarã. Matũ yurarã, tsuã hani matu ana kushati hayamaki. Matũ bushka ma matu makush makush akabu mã isĩ teneaii. Haskawẽ taea matũ kushipa benui mã ma babui keyuaki.

Hebreus 12:15

Tsuabura Deusũ inãkuĩ pepa danãma hau hayai keyunũbũwẽ. Hamẽ haskama tsuara mã huĩti sinayarã, sika tatxa paepa keskatũ hatu daũkĩ akawakĩ yurabu mã hatu danãmatiruki. Uĩrakubaĩkãwẽ.

Santiago 1:22

Deusũ hãtxa Cristokiri kakaperã, bemakis besti nĩka bestiama haska hãtxa mã nĩkai keska ha hãtxa nĩkatã akubaĩkãwẽ. Hamẽ haska mã hãtxa txibãmarã, nĩkabiai ibubis mã parananã bestitirubuki.

Apocalipse 3:19

Ha inũ, dasibi mã enabuwẽ nuikĩ matu merabewa bestinũ ishũ hãtxa kuxipawẽ matu ha akĩ ẽ matu yusĩshuwẽ taeshũ ẽ yusĩa nĩkakĩ pewatã matũ xinã betsa watã xinã txãkãhaira bestikũkaĩkatsis ikirã, Deus anu berikãwẽ.