Provérbios 15:24 - Kaxinawá Bíblia (BR)

²⁴ Deusũ bai nai anurã, hanu unanepabu butirubuki, txakabu mawa hanu hatu kupishanai anu buama piskuirã.

Provérbios 15:24 Referencias Cruzadas

Salmos 139:24

Haratu baiwẽ ẽ kai uĩkĩ ẽ bai txakabuwẽ kai unãtã ea pekiri iyukĩ mĩ hiwea bai ikibi ikakiri ẽ hawẽ kanũ ea mekekubaĩwẽ.

Salmos 16:11

Mĩ hiwekuiã kati bai mĩ ea unãmakubainaii. Mibe nia ẽ benimahairaya mĩ ea duawakubainaii.

Provérbios 2:18

Ha aĩbu hininipatũ hiwe anu tsuara kairã, ha baiwẽ yura mawai bumis keskabuki.

Provérbios 4:18

Huni pepabu hawẽ hiwea hawẽruai penai shabai taeitiã bari kaĩkirani bari mananãbi daka txasha txasha itxakayamai keskai ana pehairakubaĩmisbuki.

Provérbios 5:5

Ha aĩbũ hatu iyukinã, hau habe mawai kanũ hatu iyumiski, hawa hatu niti akama hanu mawa maiwamisbu anu hatu iyukinã.

Provérbios 6:23

Txanima ha yunuti hãtxa inũ ha yusĩti hãtxarã, mĩ kai anu bĩ ewapa dekua txasha keskaki. Mĩ kaneai nemakĩ mia pewaibu inũ hawẽ shinãmati hãtxa mia yusiaĩbu txibaĩ hiwea kayabi mĩ hayashanaii.

Provérbios 9:8

Habu kashei hawaira sinatamisbu nemakĩ mĩ hatu tapĩmapaia miki sinatakĩ mia danã bestishãkanikiki. Hakia huni unanepa nemakĩ mĩ tapĩma shinã pewatã miwẽ benimatiruki.

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

Filipenses 3:20

Hakia nuku ikirã, nũ haskamaki. Nukũ mae kayabi nai anuki. Haska nũ manakaiburã, nukũ mekenika nukũ Shanẽ Ibu Jesus Cristo ana hushanai nũ manakakubainaii.