Provérbios 15:18 - Kaxinawá Bíblia (BR)

¹⁸ Hawaira sinatai hãtxakĩ hatu pubẽmamisbuki. Hakia tsuabũra pe shinaĩ hawaira sinatama hawẽ hãtxa pewẽ hatu nemamisbuki.

Provérbios 15:18 Referencias Cruzadas

2 Samuel 19:43

ha ikĩ Israelĩ hunibũ kemakĩ yuikĩ: —Matunabubia mã haska shinãmakẽ nukũ shanẽ ibũ nuku dasibi mekemiswẽ taea nukũ dukũ ikatsi nũ shinã taewashinaki, 10 shukua nũ matu binuabunã. Maturã, mã shuku bestitxaiki. Haskakĩ mã nuku danaĩ? Davi shanẽ ibuhairawanũ, iwanã, ana iweti shinãkĩ nuku dukũtũ nũ shinãshinaki, matu dukũmarã— hatu wabu txanima shinã pewabiai ha ibukuni Israelĩ hunibu binukĩ hãtxa kushipawẽ Judá hunibũ hatu ha a txakayamanibukiaki.

Provérbios 10:12

Dananãkũkaini sinatanamei detenamemisbuki. Hakia huni nuikipanã, hawara txakabuwashinabu hatu daewatã hatũ txakabu hakimawatirubuki.

Provérbios 14:29

Tsuara hawa hĩ hĩ ikama unãshubira hãtxakĩ hawẽ unanepa hatu uĩmakubaĩmisbuki. Hakia tsuara hĩ hĩ iki hawaira hãtxakĩ hawẽ patapa hatu uĩmakubaĩmisbuki.

Provérbios 15:1

Hãtxa pewẽ hatu kemakĩ pewakinã, sinataibu hatu daewamisbuki. Hakia hãtxa kushipawẽ kũyã akĩ yuikinã, ana hatu sinatahairamamisbuki.

Provérbios 15:19

Txikishĩ hiwearã, hawẽ hiwea bairã, mushã kaiã besheaki. Huni pepabũ hiwearã, bai hashpa hawa tã akama shũpĩ anu mapua keskabuki.

Provérbios 16:14

Habũ shanẽ ibuhaira sinatamakĩ yunukĩ beruaburã, ma habianu shanẽ ibũ hatu tenãmatiruki. Hakia unanepabũ shanẽ ibuhaira sinatai daewatirubuki.

Provérbios 16:28

Huni atimapa hawẽ hãtxa txakabuwẽ ha imisbuki. Txani yui yuananãkĩ hatu sinatamamisbuki, hawẽ haibube hatu sinatanamemakinã.

Mateus 5:9

—Ha inũ, tsuabura duapa unãnuma hatube hiwekatsi yura betsabu sinataibu hatu daewamisbu Deusũ hawẽ bakebu wakĩ hatu kenamiswẽ taea benimapaketi xinaĩ benimakubaĩkanikiki.