Provérbios 14:19 - Kaxinawá Bíblia (BR)

¹⁹ Huni txakabubũ huni pepabu bebũ dãti iki beti itã hatu kẽwãshãkanikiki. Huni pepabũ hiwe hikiti shui anushũ huni txakabubũ hatu ea ashãkanikiki.

Provérbios 14:19 Referencias Cruzadas

Gênesis 42:6

José Egito mai pakea hirabi shanẽ ibukĩ hatũ besti peiwẽ taeshũ shekiwã hatu inãyã hawẽ betsabũri binũ ishũ yukai bua haki nukutã hatũ beya txibaĩ José namã beti ikabu

Gênesis 43:28

ha namã beti ishũ yuikĩ: —Mĩ tsuma nukũ eparã, pe nuku hiweshũyuaki— akabu

Êxodo 11:8

Ha dikabi mĩ merabewanika shanẽ ibubu dasibi eanu beshũ eki dãti itã ea ea akĩ: “Haskakenã, nukũ mai pakea hirabi anua kariwe, minabũ mia nĩkamisbu iyuirã”, ea wariabuma ẽ katirumaki— akĩ Faraó yuitã Moisĩ sinatahairai Faraónẽ hiwe anua kaĩkaĩkẽ

Êxodo 8:8

haska wabu heu mirimahairatũ hatu bika tenemaibũ Moisés inũ Arão hatu yuima beabu Faraónẽ hatu yuikĩ: —Ea inũ enabu anua heũ nuku bika tenemai hau nuku nemashunũ matũ mekenika Senhor Deus ea yukashũkãwẽ. Senhor Deusũ ea haska washunaya minabũ matũ mekenika yushĩ kẽwaĩ buaibu ẽ ana hatu niti akamaki— aka

Provérbios 11:29

Hawenabube hiwea merabewakĩ hatu pe mekeama pashkakainima hawa hayama ishanikiki. Hanua unaĩsmapaburã, unanepabũ hatu tsuma wakubaĩmisbuki.

Provérbios 14:18

Huni betsã bebũkiri pe shinaĩsmarã, hawẽ unaĩsmapawẽ taea hiwei peismaki. Hakia huni betsã bebũkiri pe shinãmisrã, unanepai hiwea dasibibũ uĩtirubuki.

Isaías 60:14

Habũ matu itxakawapaunibũ bakeburã, matuki mesei matu bebũ beti iki beshãkanikiki. Habũ matu danãhairabiapaunibu matũ tae namã dãti ishũ yuikĩ: ‘Mã Senhor Deusũ maewãki. Siãonã, Israelĩ Deus meribitũ maewãki’, akĩ matu kenashãkanikiki.

Malaquias 4:3

Ha shabatiã ẽ matu pewashũkubainai huni txakabubu mã pema pema akubaĩshanaii, mai mishpu pema keska wakinã.

Hechos 16:39

haska hatukiri nĩkabirani beshũ daewakĩ hawẽ bitxiti hiwe anua kaĩmatã nitxĩkĩ Paulo inũ Silas yuikĩ: —Matu haska wakĩ nũ kanexinaki. Nukũ txakabu xinãma unãnuma burikãwẽ, nukũ mae henebainirã— hatu wa

Apocalipse 3:9

Ha inũ, judeubu betsabu haska Deusũ abuai akamabia hãtxawẽ besti yuikĩ: Nũ judeubuki, ibiakĩ Satanás txibãkĩ haska abuai ashuĩ hiwemisbu judeubu kayabibumarã, ẽ matu abuhairamis hau unãnũbũ hatu babu watã matũ tae namã ẽ hatu dãti imashanai manayukãwẽ.

1 Samuel 2:36

Minabu tesheni eskarabes hiweabũ hatũ piti binũ ika pei heshe bestitxai benai inũ misi ture besti binũ ika daya benai ebe hãtxashunika shanẽ ibu bena anu bushũ dãti itã yukashãkanikiki’ ”, akĩ Deusũ hãtxa yuishunikã Eli yuibaini kakẽ