Provérbios 14:17 - Kaxinawá Bíblia (BR)

¹⁷ Tsuabura shinãma hawaira sinatakĩ txakabuwakubaĩmisbuki. Hakia tsuabũra bebũkiri pe shinãtã hawaira sinataisbumaki.

Provérbios 14:17 Referencias Cruzadas

2 Reis 5:12

Damasco anu nukũ hene dabe Abana inũ Farpar Israelĩ enabũ mai pakea anua keskamaki. Nukuna pehairaki, dasibi hatuna binuarã. Shushanũ ika nukũ hene dabe anu ẽ nashitirumamẽ?— ikaini sinatahairatã hanua kaya

Ester 3:6

“Mardoqueu Judeu nawakiaki”, iwanã, ma yuiabuwẽ taeshũ Mardoqueu besti kupikatsi ikama hakia hanu Assuerõ hatu yunubaũmis anu hiweabu Judeu nawabu dasibi tenãkĩ hatu keyushanũ, iwanã, Hamãnẽ hatukiri shinãkĩ taewaya

Provérbios 12:16

Huni unaĩsmapabu hawaira sinatakĩ hawa huneama shabakabi hatu uĩmamisbuki. Hakia unanepabu hatu yuaĩ hatuki kashebiabu nĩkabiakĩ hatu dabaĩsbumaki.

Provérbios 12:2

Huni duapa pepabuwẽ taeshũ Senhor Deusũ hatu duawakubaĩmiski. Hakia yusĩti pe shinãma parananãkĩ txakabu besti yui dakeisbumarã, Senhor Deusũ danãkĩ hatu kupishanikiki.

Provérbios 14:16

Unanepabu txakabuwẽ datekĩ henekubaĩmisbuki. Hakia unaĩsmapabu txakabuwẽ dateama nashui ika mapumisbuki.

Provérbios 14:18

Huni betsã bebũkiri pe shinaĩsmarã, hawẽ unaĩsmapawẽ taea hiwei peismaki. Hakia huni betsã bebũkiri pe shinãmisrã, unanepai hiwea dasibibũ uĩtirubuki.

Provérbios 14:29

Tsuara hawa hĩ hĩ ikama unãshubira hãtxakĩ hawẽ unanepa hatu uĩmakubaĩmisbuki. Hakia tsuara hĩ hĩ iki hawaira hãtxakĩ hawẽ patapa hatu uĩmakubaĩmisbuki.

Provérbios 15:18

Hawaira sinatai hãtxakĩ hatu pubẽmamisbuki. Hakia tsuabũra pe shinaĩ hawaira sinatama hawẽ hãtxa pewẽ hatu nemamisbuki.

Provérbios 16:32

Hĩ hĩ ikama hamapai tenetã manamistunã, mẽtsisipabu hatu binuhairaki. Hawara txakabu binukĩ tsuãra matũ yura mã mekemisrã, habũ maewã atxikĩ hatu maemamisbu mã hatu binuaki.

Provérbios 20:3

Ha ikeakeaibu nĩkabiai hatube kemanameisbumarã, huni pepabuki. Hakia huni unaĩsmapatunã, txakabu teneabu hatũ hatu tuekĩ taewashũmiski.

Provérbios 6:18

hawẽ hatu txakabuwanũ ika huni betsaki yubakamisbu inũ, hamapai txakabuwaibu hatu merabewanũ ika kushibaĩmisbu inũ,

Isaías 32:7

Ha yurabu atimapai daya peisbuma matxupakĩ hatu parã bestikĩ hawarawẽ kemuti watã hatu hawẽ atximisbuki. Nuitapaibu hatu parã paepa watã ana hatu txakabuwamisbuki. Hawa hayabuma: “Yunuti kushipawẽ ea merabewakĩ ashũwẽ”, ibiaibũ hatu parã bestimisbuki.

Santiago 1:19

Ẽ betsabu inũ ẽ puibuũ, ẽ matuwẽ nuiaikirirã, eskaki, xinaĩrakãwẽ. Hawara Deusũ matu dasibi yusĩkatsis ikai menã hawaira nĩka peirawakubaĩkãwẽ. Hakia hawara yuii mã hãtxakatsis ikai unãshubira hatu yuikãwẽ, hawa hatuki sinatamarã.