Números 6:24 - Kaxinawá Bíblia (BR)

²⁴ ‘Senhor Deusũ matu duawakĩ mekekĩ hau matu putayamakubaĩshanũwẽ.

Números 6:24 Referencias Cruzadas

Gênesis 28:15

Mibe putanameama hanira mĩ kaya merabewakĩ ẽ mia mekekubaĩshanaii. Na mai pakea anu mĩ ana hiweshanũ ẽ mia ana nenu iweshanaii, txĩtũwãkinã. Ẽ mia yuishu ẽ mia ashũriama hakimama ẽ mia heneama ipakeshanaii— aka

2 Samuel 7:29

Mĩ tsuma mĩ duawashanai hakiri shinaĩrawe. Miki txiti ikaibu mĩ hatu kesheshũ duawaya hau hiwepakeshanũbũwẽ. Senhor Deusuũ, mĩ ma ea yubashuki, mĩ hatu pepa waya enabu shanẽ ibui hau benimai pepakubaĩshanũbũwẽ, heneamarã”, anikiaki.

Salmos 91:11

Deusũ hawẽ nai tsumabu mia anu yunushanikiki, habuã hanira mĩ kai hau mia mekekubainũbunã.

Isaías 42:6

“Ea Senhor Deusũ ẽ mekẽnẽ mia metsũshũ ẽ mia kenaniki, hau mia ikũwaĩ mĩwẽ taea ea anu piskushanũbunã. Mia haska wamakatsi mĩwẽ ẽ yubakaniki, nawa shukuabu tibi unãti wati bĩ peshea keskakĩ mĩ hatu txasha washanunã.

João 17:11

Natianã, ma mia anu ẽ mibe iki kaii. Na mai anu ẽ ana hatube hiwekũkainamaki. Hakia enaburã, na mai anu hatube hiweyukubaĩkanikiki. Haskawẽ taeshũ Epa meribi pepa bestituũ, mĩ kena kuxipawẽ ea hatu mekeshũshãwẽ, ha kena kuxipa mĩ ea inãniwenã, nũ pashkama keskariai hau haburi pashkamari iriakubaĩshanũbunã.

1 Coríntios 14:16

Deus kẽwãkĩ matũ yushĩ bestiwẽ mã akayarã, yura betsabu matube itxashũ matũ hãtxa nĩkamawẽ taeshũ matubetã Deus kẽwãpaibia hawa yuitirubumaki.

Efésios 6:24

Haska inũ, tsuabũra nukũ Shanẽ Ibu Jesus Cristo abukĩ betsa waisma hau Deus hatuwẽ nuikĩ duawakubainũwẽ. Hatiski, ẽ hãtxarã. Paulo

Filipenses 4:23

Nukũ Shanẽ Ibu Jesus Cristõ hau matu duawakĩ xinã txãkãwãkubainũwẽ. Hatiski, ẽ hãtxarã. Paulo

Filipenses 4:7

Mã haska waibu Deusũ unãnuma matu hiwemakĩ haska tsuã xinãkĩ nĩkatirumawẽ Deusũ hawẽ unãnumawẽ matũ huĩti inũ matũ xinã mekekubaĩshanikiki, Jesus Cristo nĩkakĩ mã txibaĩwẽ taeshunã.

1 Tesalonicenses 5:23

Nukũ Shanẽ Ibu Jesus Cristo huaitiã dasibibu mã tsua txakabuuma Deus hamebi unãnuma hiweatũ matu meribi pepahairawakĩ matũ hamapai txakabu putamakĩ matu mekekubaĩkatsi matũ xinã inũ matu yushĩ inũ matũ yura hawa txakabuma hau matu pe bestiwakubainũwẽ.

1 Pedro 1:5

Matũ xinãwẽ mã Deusũ kakape ikũwãkubainaiwẽ taea Deusũ hawẽ kuxipa paewẽ matu mekekubaĩkĩ haska yubakani hanu bari hawẽ heneaitiã haska matu pewashuni mã unãkubaĩmis ibubis hanu haki nukukĩ mã uĩshãkanaii.

Judas 1:24

Nukũ Epa Deus ha besti nukũ merabenã yushĩ dasibi kuxipa hayatũ matu kuxipa wakĩ matũ xinã txakabũ ana matu kanematiru nemashũkubainaya hawẽ bake shanẽ ibuhaira huaya yura dasibibu unãkĩ hatu kupiaitiã maturi ha bebũ hawa txakabu mã hayama hawẽ besuuri matu nitxĩtã benima pae matu inãyã mã benimahairashanaii. Haskakẽ nukũ Shanẽ Ibu Jesus Cristowẽ taeshũ Epa Deus duapa pepa inũ, hatũ besti kuxipa binu keyua inũ, yunuti kuxipa pae hayahaira iki taeni inũ natiã haya inũ ipashanai haya kẽwãkubainãkãwẽ, heneamarã. Haskakirã. Hatiki, ẽ hãtxarã. Judas

Rute 2:4

habiatiãri Belém anua Boaz hui hawẽ bai anu hikitã hawẽ beya txibãkĩ tsekaibu hãtxa duapawẽ Deuskiri hatu hãtxa wakĩ: —Senhor Deusũ hau matu merabewanũwẽ— hatu wa habũri kemakĩ yuikĩ: —Senhor Deusũ duawakĩ hau mia pepawarianũwẽ— akabu

1 Samuel 2:9

Hawẽ kushipawẽ tsuã ibubis binutirubumawẽ taeshũ hawẽ hãtxa txibaĩ txĩtuĩsbuma Senhor Deusũ hatu mekekubaĩmiski. Hakia tsuara txakabukĩ nĩkaisbuma hatũ txakabuwẽ mawakubaĩmisbuki, meshu meranua debua keskairã.