33 Ha dikabi Anaque enabu keyatapa ewapa pakubainaiburi nũ uĩriashinaki. Nũ hatube nia tananamearã, nũ hatu namã shini tiubuki. Habũ nukuri habiaskari nuku uĩshinabuki— hatu wabu
Habiatiãri yurabu keyatapa kushipa ewapahaira hiwerianibukiaki. Habunã, Deus kẽwanikabũ aĩbuaibu habũ Deus kẽwãbuma hatu aĩwãtã txutanameakeakekĩ hatu bake wa bake itxapa kaiã ewatã hanua habu dukũ shenipabui bebũkirihaira shanẽ ibu kushipabu unanepa hirabibũ unãkĩ hatu kẽwaĩbu hiwepaunibukiaki.
Nukũ Deusrã, naĩ mai atxia mamaki hawẽ shanẽ ibu hanu tsauti hayaki. Hari tsaushũ hunibu uĩkinã, shini keska hatu uĩkiki. Naiwẽ hatu atxi keyukĩ hawẽ hatu bepu keyuaki. Tari hiwe txumia hatu pũtea keska wamiski.
Hakia ha yurabu hanu hiweaburã, kushipahairabuki. Hatũ mae ewapahaira mishkiwẽ kenekauana keyatapahairaki. Hanua hatube detenamenũ ika tsua hikitirubumaki. Ha dikabi, Anaque enabu keyatapa ewapabu pakubainaibu nũ uĩriashinaki. Nũ hatuwẽ dateshinaki.
ha mai pakea hirabi hiwebaunabu mese uĩtani txaniaibu nĩkai datei kashai biski iki meshu txai tanai kashashini
Israelĩ enabũ ha Golias uĩ hawẽ taea datei pashanũ ika txishtekiri hukirã
unuria Davi uĩkĩ huni berunã hawẽ yura hawẽruahaira inũ hawẽ beru hawẽruari haskabe detenametima Filisteu nawã Davi yuikĩ: —Earã, ẽ kamã dabanẽ mĩ hi mestẽtiwẽ mĩ ea kushanũ ika huai?— akĩ hawẽ yushibũ kenawẽ Davi yuputã: —Haskakenã, neri huwe, mĩ namirã, peiyabu inũ pianãbu ẽ mia hatu inainã— aka