Números 13:29 - Kaxinawá Bíblia (BR)

²⁹ Mai tsusĩ anu sulkiri Amaleque enabu itxapa hiwebaunabuki. Heteu nawabu inũ, Jebuseu nawabu inũ, Amorreu nawabu mati matipa anu hiwebaunabuki. Ianẽwã ewapa kesha anu inũ Hene Jordão keshabukũ Canaã nawabu mirima hiweriabuki— hatu waibũ

Números 13:29 Referencias Cruzadas

Gênesis 14:7

hari txĩtũtani bekĩ Quedorlaomer inũ habũ merabewaibu En-Mispate hawẽ kena betsa Cades anu hikitã tsuara Amaleque nawabuki nukutã hatu dete keyutã Hazazom-Tamar mai pakea anushũ tsuara Amorreu nawabukiri nukutã haturi dete keyunibukiaki.

Êxodo 3:17

Habiatiãri Egito anushũ matu bika tenemaibu matu merabewakĩ pashawatã hanu Canaã nawabu inũ, Heteu nawabu inũ, Amorreu nawabu inũ, Ferezeu nawabu inũ, Heveu nawabu inũ, Jebuseu nawabu hiwebaunabu anu iyukĩ mai pakea pepa anu piti inũ nushuti mirimanu Deusũ matu iyushanikiki”, akĩ hatu ea yuishũtãwẽ.

Êxodo 3:8

Egito nawabũ hatũ kushipawẽ hatu tsumawani hatu mebĩbaĩkĩ eã Egito mai pakeanua hatu pashawakĩ iyunũ ika ma ẽ butuaki. Hari ha mai pakea betsa pepa ewapa anu unanuma hiweshanaibu anu piti mirima hamẽ ikai anu ẽ hatu iyushanaii. Hanu Canaã nawabu inũ, Heteu nawabu inũ, Amorreu nawabu inũ, Ferezeu nawabu inũ, Heveu nawabu inũ, Jebuseu nawabu ikis hiweabu anu hatũ mae tibi ẽ hatu mebĩma akeakeshanaii.

Números 13:30

haskaibu Calebe hatube kashũ uĩriatãshĩshũ yurabu inũ Moisés bebunua ha ibaunaibu hatu hãtxa nesewatã hatu yuikĩ: —Kushipatã ha mai pakea hatu mebinãshãkãwẽ. Hatũ mae tibi atxitã nũ ibuwatirubuki— hatu waya

Números 14:25

Haskawẽ taea ana hariri mã buaibukiri napãpa ewapanu Amaleque nawabu inũ Canaã nawabu hiwebaunabuwẽ taea ana hari buama meshukiri ana hawẽri hatu txĩtuãbaĩkĩ Ianẽwã Tashipakiri hanu tsua hiweabumanu hatu ana iyutãwẽ— akĩ

Números 14:43

Habu dukũtũ matu manakakanikiki, Amaleque nawabu inũ Canaã nawabunã, matube detenamekĩ matu tenanũ ikarã. Senhor Deus merabewanika mã heneshina ana matubemaki— hatu aka

Números 14:45

hanua Amaleque nawabu inũ Canaã nawabu ha mae anu hiwebaunabu hanus ma itxatã butubirãkĩ hatu detekĩ taewakĩ maemakĩ hatu txibãkubirãkĩ Horma anushũ hatu maemakĩ yamawakĩ keyutã hatũ mae tibi anu txĩtũbainibukiaki.

Números 24:20

Amaleque nawabũ maekiri uĩkĩ haska ishanaibu hatukiri Balaão huiwẽ nawakĩ: “Amaleque enabũ shukubauna kushipahaira hatu binukĩ keyubiabũ Israelĩ enabũ hawaira hatu dasibi yamawakĩ keyushãkanikiki, betsa teshe heneamarã

Josué 3:10

hatu yuikĩ: “Uĩkãwẽ. Mai hirabi hatũ dami wani hawẽ ibu hatube yubakani hãtxa aruni bau matu bebũ bebũkiri Hene Jordãokiri pukui bukanikiki. Ha bau iabaini bui Hene Jordão anu Deusbe matu hãtxashunikabu pukutanaibũ hene dami hamebi pashkai ha hene manãkiria kushibirani niti ika pes daka uĩkĩ Senhor Deus hiwea matube nia kakũkainai mã uĩshanaii. Hanushũ hatũ matu merabewakĩ Canaã nawabu inũ, Heteu nawabu inũ, Heveu nawabu inũ, Ferezeu nawabu inũ, Girgaseu nawabu inũ, Amorreu nawabu inũ, Jebuseu nawabu matũ berubi nitxĩkĩ hatũ mae tibi matu mebĩshũkĩ matu ibuwamashanai mã uĩshanaii. Haskakẽ mã shukua tibi anua huni bestitxai tibi katukãwẽ, 12 huni kushipaburã. Ebe buaibu daya betsa ẽ hatu yunushanaii”, hatu wa

Josué 5:1

Israelĩ enabu hau Hene Jordão pukenũbũ Senhor Deusũ nemakĩ hatu netsushũshĩkẽ bari hikiaikiria Amorreu nawabu shanẽ ibubu inũ Ianẽwã Mediterráneo kesha anu hiwebaunabu Canaã nawabu shanẽ ibubu dasibibũ hatukiri nĩkatã mẽtsisipa detenamenikabubia hatũ huĩti nishmai Israelĩ enabuki datei punu nukai ana kushipa hayabuma Israelĩ enabube detenamekatsi ikama inibukiaki.

Juízes 6:3

hanu hatũ yunu banaibu tibitiã Israelĩ enabũ bai washũ yunu banaimabu ma hushĩ kaniaya Midiã nawabu inũ Amaleque nawabu inũ nawa betsa bari huaikiria beshũ yumetsukĩ hatu detenũ ika bebirã bebirãpaunibukiaki.

1 Samuel 14:48

Saulũ hawẽ detenamenikabu hatu itxawatã iyushũ Amaleque nawabu maemakĩ keyunibukiaki, nawa tibi dasibirã, Israelĩ enabu yumetsubirãbirãmisbu hatu nemashũkĩ keyukubaĩkinã.

1 Samuel 7:14

Filisteu nawabũ maewã dabe Ecrom inũ Gate namakis hatũ mai pakea kesha dapi Israelĩ enabũ mae inũ hatũ bai kesua betsa betsapa hatu mebĩkĩ keyubianibu ana ibuwakĩ Israelĩ enabũ Filisteu nawabu hatu nitxĩkĩ putakĩ keyutã ha dikabi Amorreu nawabu hatu nematã Israelĩ enabu ana hatube detenameama unanuma hatube hiwenibukiaki.