Números 13:26 - Kaxinawá Bíblia (BR)

²⁶ Parã hanu tsua hiweabuma anu mae betsa hawẽ kena Cades anu Moisés inũ Arão inũ Israelĩ enabu dasibibu hanushũ hatu manai maniabu anu hatuki ana nukutã haska ha mai pakea anu uĩbaũshinabu dasibibuki txanikĩ bimi pepa hanua beshiãbu hatu uĩmabaũkĩ keyutã

Números 13:26 Referencias Cruzadas

Gênesis 14:7

hari txĩtũtani bekĩ Quedorlaomer inũ habũ merabewaibu En-Mispate hawẽ kena betsa Cades anu hikitã tsuara Amaleque nawabuki nukutã hatu dete keyutã Hazazom-Tamar mai pakea anushũ tsuara Amorreu nawabukiri nukutã haturi dete keyunibukiaki.

Números 13:25

hanua 40 shaba mai pakea hirabi uĩbaũkĩ keyutani ana txĩtũbirani

Números 13:3

haska Senhor Deusũ Moisés yunushina keska huni kushipabu hatu katubaũshũ hanu tsua hiweabuma Parã anu ishũ Moisĩ hatu yunua Canaãkiri kai hikitã

Números 20:1

Bukubauni ano bena hawẽ ushe ha dukũ kaiaĩtiã hanu tsua hiweabumanu hawẽ kena Zim anu hikishũ mae Cades anushũ hatũ tari hiwe pũtebauna hanu hiweyuabũ hanua Moisĩ pui Miriã mawa habianuri maiwanibukiaki.

Números 20:14

Ana betsatiã Edom nawabu, Jacó betsa Esaú enabu ma pakubiranaibu anu hatũ shanẽ ibu hau yuishũtanũbũ Cades anu hikitã Moisés hawenabu betsabu hatu yunua bui Edom nawa shanẽ ibuhaira anu hikishũ Moisés yuishũkĩ: “Mĩ betsabu Israelĩ enabũ mia yukakatsis ikanikiki. Eskaki, mia yuinũ nuku nĩkawe: Haska bika tenei nũ hiwekũkiranai mĩ unãhairaii.

Números 20:16

Haskakẽ hau Senhor Deusũ nuku merabewanũ hãtxa kushipawẽ nuitapakĩ nũ ea akubaini hãtxai nĩkatã hawẽ nai tsuma Senhor Deusũ yunua Egito anua hawẽ nai tsuma kushipatũ nuku tashnimabirani ma natiã nenu Cades mae anu hikishĩshũ hanua mĩ mai pakea kesukauna anushũ nũ manayuaii.

Deuteronômio 1:2

Mati Horebe hawẽ kena betsa Mati Sinai anua bui Seir baiwẽ 11 dia kai mati tibi dũkeatãbaini mae betsa Cades-Barnéia anu hikinibukiaki.