Neemias 4:2 - Kaxinawá Bíblia (BR)2 nukukiri hawẽ haibuaibu inũ Samaria anu detenamenikabu Sambalatẽ hatu yuikĩ: “Ha Judá enabu pitiuma mawabiairã, haskara shinaĩ dayai ikanimẽkaĩ? Hawẽ mekenika Deus kẽwãkĩ inabu nami ana menushunaibu nũ hatu nematiruma dabanẽ haska shinaĩ ikanimẽkaĩ? Hawẽ kene benawakĩ shaba bestitxai keyutirubu shinãkanimẽkaĩ? Mishki datsa kene pewanibu menunibu anua hawẽ mishpu bena watirubumẽ?” hatu waya Ver Capítulo |
“Judá enabu anua Ezequias shanẽ ibuhairakĩ hatu yunukubainaitiã mae betsa Moresete anua yumeni Deusũ hãtxa yuishunika Miquéiasĩ Judá enabu Senhor Deus hãtxashũkĩ: Eska Senhor Deus kushipahaira dasibi binuatũ matu yuikiki. Nĩkakãwẽ: ‘Mati Sião betsairã, hanu dayati bai besti ishanikiki. Jerusalém tekei keyui di ika hanus hawẽ mishki mania ikũkaĩshanikiki. Templo mati anurã, txaka besti benei besheshanikiki’, hatu waya,
Haskakẽ tsuabura: “Ẽ huni pepawẽ taeshũ Deusũ ea katuniki”, iwanã, xinãyamakubaĩkãwẽ. Unanepabu hawauma wakĩ dakewanũ, iwanã, Deusũ ha matu tatima waibu matu katumiski. Kuxipabu hawauma wakĩ dakewanũ, iwanã, tsuabura babubu habu hakiri petxitã yuãkĩ: “Mitanumabuki”, hatuki imisbu Deusũ matu katukubaĩriaikiki. Tsuabura yurabũ matu danãkĩ pe xinaĩsbumarã, Deusũ matu katukubaĩmiski. Dasibibu binunũ, iwanã, tsuabura yurabu haki petxitã xinaĩsbumarã, Deusũ matu katuriamiski. Haskakẽ nukũmebi nũ pepaumabiakẽ Deusũ matu katuniwẽ taea nukũ pepakiri Deus yui tsua hamebi hawa kẽtirubumaki.