Neemias 4:17 - Kaxinawá Bíblia (BR)

¹⁷ hanua habu dayakĩ mishki benibaunaibu habũ mabu hatu iashunaibu mekẽ betsawẽ hatũ matxatu txaipa tsumatã hanua mekẽ betsauri mishki inũ mabu betsa hatu bishũtãtanaibũ

Neemias 4:17 Referencias Cruzadas

Neemias 4:13

taeshũ hau habũ nuku uĩshunũbũ mishki kene uke merã hiwe ibu tibi hawenabu hunibuyabi hatũ matxatu txaipa kenuhaira inũ, hatũ hashi txaipa inũ, hatũ pia itxapaya hanu kene txãpa anu inũ beshpa anu hau mapubaunũbũ ẽ hatu yunua

Neemias 4:16

ẽ hatu haska wa ẽ hunibu namakis betsabu ana dayakubainaibũ habiatiri hatũ detenameti mabuya hatũ hashi inũ hatũ yura nemati mane turuakea inũ, pia inũ, hatũ mane tari saweshũ dayaibu mekea mapubaunabũ Judá enabu shanẽ ibu beshmasbũ hatu merabewakubainaibũ

Neemias 4:18

habũ mishki kenebauni dasibi dayaiburã, hatũ matxatu txinesheketiki usuã dayakubainaibũ hanua ha hatũ trombeta nuku txã ashũtiru ebe nikũkainaya

Joel 2:8

hawa betsa tu ikama bestibu tibi habias bai besti txibaĩbu hatukiri pia mirimahaira bishku bishku abiabu hawa dateama ha shukubainaibu hawa pua iki pashkama

1 Coríntios 16:13

Kuxipai hawaki teama Jesus txibaĩ txĩtuãma hamapai txakabu danaĩ mestẽnepakubaĩkãwẽ, niti ikamarã.

1 Coríntios 16:9

Éfeso anushũ Jesuskiri kakape yuii ẽ dayai itxapabũ ea nemai eki sinatabiaibũ Deusũ hãtxa betsabu ẽ yusĩkubainaya itxapabũri ea nĩkakanikiki.

1 Coríntios 9:12

Yauxiama yusĩnã betsabu mã pakamiski. Nukũ dukũ Jesus Cristokiri nũ matu yusĩaĩ mã ikũwaĩmawẽ taeshũ itxapa mã nuku devepakemiski. Na haskakiri nũ matu haska wa matũ yuikĩ: “Nuku yusĩmisshũ nukũ pei bikĩ nuku pakamakĩ taewaikiki”, iwanã, nukukiri mã xinãtxakayamanũbũ hawara mã nuku devea hawẽ nuiama Cristõ kakape besti mã txibanũbũ hawara mã nuku devea matu yukama nũ habiaska hiwekũkainaii.

2 Coríntios 6:7

Ha inũ, Deusũ kuxipa nuku merã nũ hayawẽ taea kaka txanima nũ yuimiski. Habias Deusũ kuxipa pepawẽ unãmakĩ nũ hatu atximamiski. Ha inũ, habiawẽri hakiri txakabu yuibiaibũ nũ hatu nemamiski.

Filipenses 1:28

Habu matuki sinataibuki e iki dateyamakubaĩkãwẽ. Habu matuki haskabiaibũ mã pe hiwekĩ hatu uĩmakubaĩmiswẽ taeshũ Deusũ hanu shabakabi hatu kupikĩ habiatiãri matu besti mekeshanikiki. Deusũ haska wakĩ shabakabi hatu unãti wamashanikiki.

2 Timóteo 2:3

Hamẽ mia ikirã, soldado keskai hiwewe. Haskakĩ ẽ ikai keska hiwekĩ Jesus Cristo mĩ ikũwãyã mia itxakawabiabu Jesus Cristõ tsuma pepai nuitapabiai bika tenei hiwekũkaĩwẽ.

2 Timóteo 4:7

Earã, Jesus Cristõ soldado pepa detenamekĩ hatu binumis keskakĩ habũ ea itxakawaibu ẽ binuaii. Kuxibaĩkĩ hatu maemakatsis imisbu keskakĩ haska ewẽ Deus yubakani hawa txĩtuãma ẽ ma ishuãki. Ikũwanishũ hawẽ kakapekiri yusĩ bikabiakĩ ẽ hawa heneama ikũkainaii.