Neemias 4:15 - Kaxinawá Bíblia (BR)

¹⁵ hatu nemanũ ika ma dasibi nũ pei keyuabũ ha inũ habu haska nukuki sinataibu yubakaibu Deusũ hatu itimaska wakĩ keyua habũ nuku nĩkatã hatũ mae anua beabumawẽ taea nukubũ mae mishki kenebauni hanu bestibu tibi nũ dayashinabu anu nũ ana taeaibũ

Neemias 4:15 Referencias Cruzadas

2 Samuel 15:31

Aitofel unanepatũ Davi merabewakubainima ana merabewama hakia natiã Absalão merabewaya Davi yuiabu hau Aitofelĩ haska shinaĩ Absalão amakatsi merabewakubainai hau haska amakatsi ikai Senhor Deusũ kanemashanũ Davĩ Senhor Deus dayuikĩ ea akaya

2 Samuel 17:14

haska wa nĩkatã Absalão inũ Israelĩ enabu anibu unanepabu yuinamei: “Aitofelĩ nuku yusiaĩ hãtxa pebia Arqueu nawa Husaĩ nuku yusiaĩ hãtxawẽ Aitofel binumakĩ pewaikiki”, inibukiaki. Absalão txakabuwamakatsi ikama Aitofelĩ yusiã hãtxa pepa Senhor Deusũ hatu txibãmakĩ amama inikiaki.

Neemias 4:16

ẽ hatu haska wa ẽ hunibu namakis betsabu ana dayakubainaibũ habiatiri hatũ detenameti mabuya hatũ hashi inũ hatũ yura nemati mane turuakea inũ, pia inũ, hatũ mane tari saweshũ dayaibu mekea mapubaunabũ Judá enabu shanẽ ibu beshmasbũ hatu merabewakubainaibũ

Provérbios 21:30

Unanepa inũ, tapinika hãtxa inũ, yubakai penikã habũ Senhor Deus yuibiakĩ binukĩ maematirubumaki.

Isaías 44:25

Ha inũ, huniburã, ẽ hatube hãtxamabia haskashanai txanimisbũ hãtxaibu nĩkakĩ unãtã hatũ shinã ẽ nemamiski. Habu unanepai txanimisbu hatũ shinã ẽ hawama wamiski. Huni unanepakĩ yusiaĩbu ẽ hatu hamakiri yuimamiski, unanepakĩ atirububiakẽ hatũ hãtxa inũ hatũ shinã hamẽ wãkinã.

Isaías 8:10

Mã nukukiri yubakabia mã akama ishanaii. Haska betxipaikĩ mã katushũ yuibia mã nuku akama iriashanaii, Deus nukube nashui itã nuku mekeawẽ taearã.”

Marcos 13:34

Haska inũ, huni txai kakĩ hawẽ tsumabu hawẽ daya tibi hawẽ hiwe anu yunuakeaketã hiwe beputi keshemis yunutã bumisbu keska wakĩ ẽ matu yunubaĩkĩ akawaii.

Romanos 12:11

Ha inũ, hawara nukũ Shanẽ Ibũ abuai dayashũkĩ ibubis txikixama hamapai tibi xinãkĩ huĩtinĩ xinaĩ benima paewẽ ashũkubaĩkãwẽ.

1 Tesalonicenses 4:11

Hakia haska nũ matu yusĩkĩ nũ matu uĩmatanima mã nuitapaibukiri xinãma txikixama ea iki daketapama matũ mekenẽ dayakũkaĩkĩ matũ hamapai bikubaĩkĩ unãnuma hiwekĩ hatu yuãmayamakãwẽ, mã haskaibu ikũwãbumã matukiri pe uĩkĩ hawa txakabuuma hau xinãnũbunã.