Miquéias 7:9 - Kaxinawá Bíblia (BR)

⁹ Kanekĩ txakabu wakĩ Senhor Deus ẽ pashkaima eki sinataya: “Enaki”, ishũ hawẽ sinata ẽ teneshũkubaĩshanaii. Ẽ haska wakubaĩmis unãti watã ea pepa wakĩ Senhor Deusũ ea hatu kupishũshanai ariamakẽ hĩ hĩ ikama ẽ manayukubainaii. Hatu maemakĩ ea uĩmakĩ hawẽ kushipa shabakabi Senhor Deusũ ẽ txakabu unãti wakĩ ea unãmashanikiki, bĩ dekua keska anu ea iyukinã.

Miquéias 7:9 Referencias Cruzadas

Salmos 37:6

Mĩ kaneama inũ mĩ pe hiwekũkainairã, bari mananãbi bari peshea txashamis keska mia washanikiki.

Salmos 43:1

Ẽ shanẽ ibu Deusuũ, mĩ yunuti kushipawẽ ea unãtihaira wawe. Ma mĩ ea unã ẽ minakẽ ha habũ mia ikũwãbuma ea nemashũkĩ ea merabewawe. Huni txakabu txanitxakaibu anua ea pashawariwe!

Isaías 42:16

Beshushbu hatu iyukinã, bai tanamabaĩkĩ hanu uĩ buisbuma anu ẽ hatu iyushanaii. Meshu anu buaibu hatu bebũshũ bĩ hatu txashawashũkĩ mai txakabu pãpa wakĩ bebũkiri hawamawakĩ ẽ hatu pewashũshanaii. Na habu haska tibirã, hawa yupatirubuma ẽ hatu ashũshanaii.

Isaías 42:7

Haska wakĩ beshushbu mĩ hatu uĩmashanaii. Bitxiti hiwe merã hatu bitxiyamabu mĩ hatu tashnimashanaii, tsuabura meshu anu hiwea keska hatu tashnima keska wakinã.

Isaías 46:13

Eã ẽ matu tashnimabirãshanairã, ma kemaikiki. Mekekĩ hawairakirã ẽ matu piskumashanai ma txaimaikiki. Sião mekea haya wakinã, eã ẽ ashanaii. Haska watã Israelbu ẽ kushipa ẽ hatu anu buteshanaii”, itã,

Malaquias 3:18

Haskakẽ habũ mã ea ikũwaĩbu duawakĩ hanua habũ ea nĩkaisbuma yupukĩ ẽ matu haska waitiã mã betsahaira uĩshanaii, hanu ekiri shabakabi unãkinã. Hakia natiã ẽ matu haska washanai mã tapĩriabumaki”, itã,

1 Coríntios 4:5

Hanu unãtiwati iriamabiakẽ matũmebi nuku tibi unãti wakĩ ha akĩ nuku txiteyamakubaĩkãwẽ. Hanu nukũ Shanẽ Ibu huaitiã mananãkãwẽ. Hatũ besti dasibi hune nũ amis shabakabi tashnimashanikiki, na haska huĩti merã nũ haya nuku bepẽshũ uĩmakinã. Hanushũ Deusũ nukũ daya unãkĩ betsa kẽhairawakĩ betsa beshmas kẽwãkĩ ikũwaĩbu tibi Deusũ kẽwãkeakeshanikiki, manakukinã.

2 Timóteo 4:8

Natiã ẽ dayashũkũkaĩmiswẽ taeshũ haska hayanũ ika ẽ imis ẽ maiti manakuti pepa Deusũ ea mekeshũkubaĩmis bari hawẽ heneaitiã hãtxa pewanika duapatũ Jesus Cristõ ea inãshanai ẽ manaii. Haska wakinã, ea besti inãma dasibi habũ Jesus Cristo ana txĩtũkirãshanai abukĩ manaiburi hatu inãshanikiki.

Apocalipse 18:20

haskaya hui betsa kaĩ txani: “Nai anuabu inũ, mã Deusunabu meribibu inũ, mã hawẽ hãtxa yuishunikabu inũ, mã Jesusũ kuxipayaburã, Deusũ na mae ewapa txakabuhaira kupikĩ matuwẽ dabanã shũska sinatakĩ ashanaiwẽ taea maturã, benimai xinã txãkãkubaĩshãkãwẽ”, ikai nĩkatã ẽ matu keneshunaii.

1 Samuel 24:15

Haskawẽ taeshũ nuku dabe shinãhairakĩ hau Senhor Deusũ nuku unãti wanũwẽ. Ẽ hawa txakabuma Senhor Deusũ unãkĩ hau mĩ ẽ shanẽ ibu ea nemashũkubainũwẽ— akĩ

1 Samuel 3:18

Senhor Deusũ hãtxa Samuelĩ Eli banabimakĩ huneama dasibi yui keyua, Elĩ nĩkatã yuikĩ: —Aa, mĩ ea peirawawa! Txanimaki. Nukũ Shanẽ Ibu kayabiki. Hawenaki. Haska betxipaiai keska hau anũwẽ— aka