Miquéias 7:18 - Kaxinawá Bíblia (BR)

¹⁸ Nukũ mekenika Senhor Deusuũ, minabu eskarabes tesheniwẽ nuikĩ mĩ hãtxa danãkĩ nũ txakabuwaima tere akĩ mĩ ana shinaĩsmawẽ taea Mekenika Yushĩ mia keska betsa tsua hayamaki. Nukuki sinatapakeama maĩtã haska mĩ nuku betxipaiai mĩ nuku uĩmamiski, nuku duawakubaĩkinã.

Miquéias 7:18 Referencias Cruzadas

Gênesis 4:7

yuikĩ: —Ẽ mia yusiã nĩkai mĩ benimashanaii— atã ana yuikĩ: —Ẽ yusiã danaĩ mĩ pepamakẽ txakabu miki hikia sinata paẽ mia atxitã kanemakatsis ikikiki, inu pubeĩ keskairã. Hakia mĩ txakabũ mia maemapaya mĩ txakaburã, nemashãwẽ— aka

Salmos 65:3

Nukũ txakabu tibitũ nuku tsumashũ bika tenemabiaya miã ha txakabu betxipaiama nuku buashũkĩ mĩ ana shinaĩsmaki.

Salmos 65:4

Haratura yura mĩ hiwe meribi anu mia dapi hiwemakĩ katushũ mĩ iyua benimakũkaĩmiski. Betsa betsapa pehairawẽ mĩ hatu duawarã, mĩ hiwe meribi anua nũ pe hiwekatsis ikaii.

Êxodo 15:11

Ẽ Shanẽ Ibu Senhor Deusuũ, mekenika yushĩ betsa mia keska tsua hayamahairaki. Meribi pepahairakĩ dasibi mĩ binu keyuaki. Hamapai sharabu wakĩ: ‘Habaa!’ imakĩ mĩ hatu datemamiski. Haskabia hau mia kẽwãshanũbũ mĩ pepa ikũkainaii.

Êxodo 34:9

yuikĩ: —Senhor Deusuũ, miarã, Senhor Deus Mimebi mĩ Hiweaki! Ẽ mia benimawamiswẽ taea txanima nukube kashãwẽ. Ha enabu huĩti kushibuki. Haskabiakẽ nukũ txakabu nuku buashũtã ana minabu nuku wariwe— aka

Isaías 1:18

Senhor Deusũ ana matu yuiai nĩkakãwẽ: “Matube hãtxakĩ matũ hiwea ẽ matu pewakatsis ikai nenu ea anu bekãwẽ. Matũ txakabu huni dama tenã himi shana biri ikai keskabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii. Mã txakabumis atimapahairabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii.

Isaías 33:24

Haskaibutiã ha maewã anu hiweabu betsa taska: “Ẽ isĩ tene hayaki”, iwanã, yuiama ishãkanikiki. Jerusalém anu hiweabu txakabumisbu Senhor Deusũ hatũ txakabu ana shinãma hatu buashũshanikiki.

Isaías 40:18

Matubũ Deus mã unãti wakĩ shinanã, haratu keskamẽ? Haratu dami besu keskamẽ?

Isaías 40:25

Deus meribitũ hunibu yukakĩ: Matubunã, ẽ tsua keska mã ea shinaĩ? Tsua ea keska itirumẽ?

Isaías 43:25

Mã pubẽ sinatapabubiakẽ ea ẽ matũ Deus matuwẽ nuikĩ matũ txakabu ana tanakatsi ikama matu tere ashũtã ẽ ana shinãma ishanaii.

Isaías 44:22

Eanã, haska txakabukĩ mã ea nĩkaisbuma matũ txakabu ẽ ma matu pua ashunaki, nai kuĩ dunua pua ibaini yamabaĩmis keska wakinã. Ẽ ana ma matu mebikinaĩ ea shinaĩ txĩtũribirãkãwẽ, ea anu beirã”, ikaya

Isaías 55:7

Huni txakabubũ hau hatũ hiwea txakabu inũ hatũ shinã txakabu henetã hau Senhor Deus anu benũbũwẽ. Mã haskaibuwẽ taea Senhor Deus matuwẽ nuishanikiki. Matũ txakabu henetã Deus anu txĩtũribirãkãwẽ. Harã, matuwẽ dabanã ikĩ matũ txakabu matu buashũshanikiki.”

Isaías 64:9

Senhor Deusuũ, ana nukuki sinata txakayamama inũ hawẽtsaĩs ana nukũ txakabu tibi shinãyamakubaĩwẽ. Uĩwẽ. Nukuburã, nũ minabuki!

Isaías 65:19

Jerusalém ibubis ẽ bena washinawẽ taea ẽ benimahairashanaii, hanu enabu shinã txãkaĩ ea hiweshũshanaiburã. Ha mae meranuarã, ana hawa kashai inũ bibiski iki bika teneaibu ana tsuã hatu nĩkama ishanikiki.

Jeremias 31:34

Ẽ hatu haska waiwẽ taeshũ hatũ haibuaibu inũ hatunabu inũ yura betsabũ ma ea unaĩbuwẽ taeshũ: ‘Ikũwãkĩ Senhor Deus unãwẽ’, iwanã, hatu ana yusiãma ishãkanikiki. Ma yununika shanẽ ibubu inũ, yununika beshmasbu inũ, dasibibũ ea unaĩbuwẽ taeshũ eã hatũ txakabu ana shinãma hatu buashũtã ẽ ana hatukiri yuiama ikũkaĩshanaii. Ea ẽ Senhor Deusũ ẽ hãtxa ẽ mestẽwaiĩ”, akĩ hatu yuinikiaki.

Jeremias 38:8

shanẽ ibuhairatũ hiwe hawẽrua anua Ebede-Meleque kaĩkaini Zedequias anu kashũ hune basheshẽ yuikĩ:

Ezequiel 18:23

Hunibu txakabu hatũ txakabuwẽ mawaibu ẽ betxipaiamaki. Hakia shinã betsa wakĩ hatũ txakabu henetã hiweaibu ẽ kupitiwẽ hawa dateama hau hiwekubaĩshanũbũ ẽ betxipaimiski. Ea Senhor Deusũ ẽ hãtxa txanimawẽ ẽ mestẽwaiĩ.

Joel 2:32

hanushũ tsuabũra: “Ẽ Shanẽ Ibu Senhor Deus kushipaki”, ikĩ ea dayuiaibu habu besti pashakĩ hatũ hiwea ikibi ika bishãkanikiki, mawa kayabi anu kamarã. Haska Senhor Deusũ hatu yubanirã, Mati Sião inũ Jerusalém anu hanu piskuti hayaki. Hanua tsuabura Senhor Deusũ ma hatu katuni hiweriakubaĩshãkanikiki, hawẽ kupiti mawa bika teneabumarã.

Amós 1:11

Hanushũ Senhor Deusũ ana betsakiri yuikĩ: “Edom nawabũ mai pakea anu hiwebaunabũ txakabu betsa betsapa akubainibuki. Haskawẽ taeshũ hatu kupikĩ ẽ heneama ishanaii. Israelbu hawenabu kayabibia hatuki sinatahairai tsuã hatu nematiruma ibubis hatukiri shinaĩ hatuki daetiruma hatuwẽ nuiama nupe txaipa kenuhairawẽ detekĩ txibãbaĩkĩ hatu itxakawanibuwẽ taeshũ hatũ maewã Temã kuakĩ hatũ shanẽ ibũ maewã Bozra anu shanẽ ibubũ hiwe hawẽrua tibi txiwẽ ẽ hatu yamawamashanaii”, ikĩ Senhor Deusũ yuiniki.

Amós 7:8

Senhor Deusũ ea yukakĩ: —Amósĩ, ẽ mekẽ anua hawa mĩ uiaĩ?— ea wa eã kemakĩ yuikĩ: —Hawẽ nitxĩ yushtumawati unãti mĩ hayaki— ẽ wa hanushũ ea yuikĩ: —Na nitxĩ pemẽkaĩ, iwanã, unãtiwẽ enabu Israelburã, haska hatũ shinã pewẽ hiwekubaĩkanimẽkaĩ, iwanã, ẽ hatu unãti wakubaĩshanaii. Hatũ txakabu tere akĩ ẽ ana hatu buashunama ishanaii.

Amós 8:2

Senhor Deusũ ea yukakĩ: —Amósĩ, mĩ hawa uiaĩ?— ea wa eã kemakĩ yuikĩ: —Kukiki bimi hushĩhaira mata tsaua ẽ uiaiĩ— ẽ wa Senhor Deusũ ea yuikĩ: —Israelĩ enabu hatũ txakabuwenã, ma bimi hushĩhaira keskabuki. Hatũ txakabu tere akĩ ẽ ana besti wakĩ hatu buashũkatsi ikamahairaki.

Jonas 4:2

habe hãtxakĩ yuikĩ: —Uiã. Senhor Deusuũ, ẽ mae anu eki nukushũ Nínive anu mĩ ea yunua hatuwẽ nuikĩ mĩ hatu kupiama ishanaiwẽ taea eska shinaĩ ẽ hawaira Társis anu pashai ẽ hunekaĩkatsis ikimaki. Mia mĩ mekenã Deus pepa tsuabura hatuwẽ dabanã ikĩ mĩ hawaira sinataisma kupikatsi hatu banabimabiatã tsuaburawẽ nuihairakĩ mĩ shinã mĩ betsa watiru mĩ ea uĩmaii.

Miquéias 2:12

Senhor Deusũ ana hatu yuikĩ: “Itxakanikabu hatu kupi keyutã Jacó enabu dasibi ana hatu itxawakĩ ha Israelĩ enabu txai hatu iyunibu hatira itxapama teshenibu ẽ hatu itxawashanaii. Txashuwã kenekauana anu mapuabu inũ basi mirima anu mapuabu keska ẽ hatu itxawaya yurabu mirima benimai hãtxa txakayamashãkanikiki.

Miquéias 5:3

Haskabiashanaya natiã nawabũ matu itxakawakĩ hau matu kupinũbũ Senhor Deusũ ana matu mekeama Israelĩ enabu Senhor Deusũ matu ma heneaki. Hakia aĩbu tuyakẽ hawẽ huni bake kaiaĩ manaibũ Israelĩ enabu txaihaira anu hatu iyunibu hatũ matu txĩtũwãbirã ana matunabube matu dasiwashanikiki.

Miquéias 7:14

Mai pepa kesua anu hi shukua anu txashuwã huĩrukũmisbu keskai minabu hau tari hiwekubaĩshanũbũ mĩ aniki. Senhor Deusuũ, ha minaburã, hatu mekeshũ uĩrakubaĩshãwẽ. Mae Basã inũ mae Gileade anu basi pepa anu hatũ shenipabu mĩ hatu iyuni keska wakĩ pepas anu hatu ana iyushãwẽ.

Números 23:21

Jacó enabu anua tsua parã hãtxa hayamaki. Israelĩ enabu anushũ txakabuaibu tsuã uĩsbumaki. Hatũ mekenika Senhor Deus hatube ikũkaĩmiski. Hatũ mae anushũ Senhor Deus kẽwãkĩ: ‘Nukũ Shanẽ Ibuhairaki’, akĩ ha yurabũ kẽwãmisbuki.

Lucas 15:32

Haskabiakẽ mĩ betsa mashku mawa keska ixiã ma ana hiwea keskaki. Uatiã benuxina ikis nũ ma betxiawẽ taea benimai nũ beyusi nawai pehairaii”— hatu watã

Lucas 24:47

Haskawẽ taeshũ hawẽ kuxipawẽ hatu yusĩshãkanikiki, hau hatũ txakabu Deuskiri txakabumisbu hau henetã habũ xinã betsa waibu Deusũ buashũshanikiki. Nawa shukua tibi nĩkashanaibu yuini matũ Jerusalém anushũ taewakĩ

Romanos 11:4

aka Deusũ Elias yuikĩ: “Dateyamawe. Mĩ mimestimaki. Enababu betsa habu ẽ hatu mekea 7.000 hayabuki, habũ ea txibaĩ txĩtuãbuma ha yushĩ betsa Baal dami ha namã dãti itã habũ kẽwãbumarã”, akĩ Elias yuiniki.

Santiago 2:13

Deusũ nuku eska washanikiki. Matu yuinũ nĩkakãwẽ. Tsuabura nũ hatuwẽ nuisbuma Deusũri nuku unãti wai nuiama ishanikiki. Hamẽ tsuabura nũ hatuwẽ nuikubaĩmisburã, hanu kupikĩ unãti waitiã hawa nuku itxakawama hatu binumakĩ nuku pasha wakĩ binumashanikiki.