Miquéias 7:16 - Kaxinawá Bíblia (BR)

¹⁶ Nawa betsa betsapabu: “Ẽ kushipaki”, ibiamisbu hau mĩ kushipa uĩ dakekubainũbũ haska mĩ hatu ashuni habias dami atimaska akĩ hatu uĩmariashãwẽ, hau huyu inũ pata keska mapushũ uinũbunã.

Miquéias 7:16 Referencias Cruzadas

Isaías 52:15

Haska uatiã nawa shukuabu tibi inũ hatũ shanẽ ibubũ hawa uĩsbuma na habiatiã uĩkĩ nĩkai hakiri tapĩkĩ hawa hãtxa yuitiruma e iki hawẽ dateshãkanikiki”, ikaya,

Miquéias 3:7

Deusũ hãtxa yuishunika inũ haskashanai unãtirubu dasibi hamẽshãkanikiki. Hatũ shinã benushinabũ hatuki kasheaibũ Deusũ hatu kemamawẽ taea dakei pes manishãkanikiki, hawa yuiamarã.

Miquéias 5:8

Haskabiaibũ yuinaka shukua inu betsa leãonẽ hatu atxitiruki. Ina txashuwã shukuaburi hatu atxiriakĩ hawa betsa heneama tetsã akĩ tenãmisbu keskai yurabu shukuabu betsa betsapa mirima anu Jacó enabu hiwebaunabu habiaskariai kushipariashãkanikiki.

Romanos 3:19

Haskakẽ Moisés inũ Deusũ hãtxa yuishunikabũ yusĩni unãhairabianibu: “Mã pepaki”, akĩ Deusũ hatu haskakiri xinãkĩ yuiamaki. Hakia haska yura dasibi mai hirabi anuabũ txakabuwakĩ nũ kanemis nuku unãti washanai dasibibu Deus bebunua nũ hawa hãtxatirumaki.

Apocalipse 11:18

Ha dukũ mai hirabi anuabũ mia abuama mia danã paepawai miki sinatakubainimabuki. Hakia miari natiã hatuki sinatariai hanu hatu kupinũ ika mĩ ma tashniaki. Hanushũ mawabu bestẽwãtã hatu unãti wakĩ mĩ tsumabu mĩ hãtxa yuishunikabu inũ, minabu wakĩ meribi mĩ hatu wani habu dasibi shanẽ ibubu inũ shanẽ ibubumã mia txibãkĩ mia kẽwãkubaĩmisbu habũ pepawẽ mĩ hatu manakushanaii. Hakia habũ hawara mai anushũ pepa yamawakĩ mia txibãkubainama mia danãmisbu habũ txakabuwẽ hatu unãti watã manakuriakĩ habũ txakabuwẽ miãri mĩ hatu yamawai kaii”, akaibu ẽ nĩkaya