Miquéias 6:16 - Kaxinawá Bíblia (BR)

¹⁶ Samaria anu shanẽ ibukĩ Onrĩ hatu yunukubaini inũ Acabẽ enabũ txakabuwakubainibu hatũ beya tapinishũ txibãkĩ mã habiaskari wakubainaii. Haskawẽ taeshũ matũ maewã txakabuwakĩ yamawakĩ hanu hiweabũ matuki kashekĩ hau matu dakewakĩ datenũbũ ẽ hatu yunushanaii. Haska enabũ mã ea dakewakubiranibuwẽ taeshũ eãri ẽ matu dakehairawashanaii.”

Miquéias 6:16 Referencias Cruzadas

1 Reis 18:4

Senhor Deusũ hãtxa yuishunikabu hau hatu tenanũbũ Acabẽ aĩ Jezabelĩ hatu yunukĩ taewaitiã 100 Senhor Deusũ hãtxa yuishunikabu Obadiasĩ hune hatu itxawashũ pashkakĩ 50 tibi shuku dabe watã mai kini shui ewapa dabe anu hatu hunekĩ aruimashũ ushe itxapa misi inũ ũpash besti hatu pimakĩ inãkubainaya

1 Reis 9:8

Ha dikabi mã ea heneshanai na kẽwãti hiwe hawẽruabia ibubis di iki hanus maspua manikẽ dasibibũ daĩbaini e iki haki kashei tsuara yuka iki: ‘Na yurabu inũ hatũ kẽwãti hiwe txakabuwakinã, haskakĩ Senhor Deusũ haska wanimẽ?’ ikaya

Salmos 1:1

Huni pepa benimai shinã txãkainã, tsuabũra hamapai txakabuwakĩ hatu yusĩ txakaibu hatũ yusiã danaĩ inũ, habũ bai txakabu tanama inũ, habũ Deus itxai haki kashemisbuwẽ taea habube mapuisbumaki.

Jeremias 7:24

Ẽ hatu haska wabiani ẽ haska betxipaiai akĩ ea benimawama ẽ hãtxa danãkĩ hatũ huĩti kushi watã ea nĩkama hatũ txakabu putama haska besti shinãkĩ akatsi iki hiwekubainibuki. Ea anu ana txĩtuĩ bekatsi ikama txakabu henekatsi ikama eki petxinibuki.

Miquéias 2:6

Paranananikabũ yuikĩ: “Haska txakabu hushanai hau nukuki ana txani beyamanũbũwẽ. Ha txakabu hatũ nuku dake watiru huama ishanikiki”, ikaibũ

Miquéias 6:13

Mã hatu haska wamiswẽ taeshũ matũ txakabuwẽ kupikĩ matu yamawakĩ ẽ taewabainaii.

Apocalipse 2:20

Mã haskabiai eska besti matu anu hayaki. Ha aĩbu mã Jezabel wamis hatũ txakabuwaikiri mã nemaisma ha bestikiri matu yuinũ nĩkakãwẽ. Ha Jezabelĩ matu parãkĩ yuikĩ: Eãri Deusũ hãtxa ẽ yuimiski. Ea nĩkakãwẽ, matu watã mã ẽ tsumabu bestibu matu itxawashũ yusĩkĩ yuikĩ: Aĩbu mĩ aĩmabe mĩ txutanamearã, peki. Huni mĩ benemabe mĩ txutanamearã, periki. Hamapaibe txutanamearã, periki, akĩ pitikiri matu yuikĩ: Ha yushĩ dami betsa kẽwãti nami inãmisbu mã piarã, hawa txakabumaki, iwanã, matu parãkĩ matu txakabuwamakubaĩmiski.