Miquéias 6:1 - Kaxinawá Bíblia (BR)

¹ Eska Senhor Deusũ matu yuikiki. Nĩkakãwẽ. “Benitã mati keyatapatũ matu nĩkatiru keska shinãkĩ mã hawa txakabu hayamakiri hatu yuikĩ mati yurabu keska shinãkĩ matũ hui hatu nĩkamakãwẽ.

Miquéias 6:1 Referencias Cruzadas

Isaías 1:2

Nai inũ maiĩ, matũ Senhor Deusũ matu yuiai nĩkakãwẽ. “Matũ bakebu ẽ hatu yumewabia habu huni ewatã hakia habũ ea danaĩ eki sinatakanikiki.

Amós 3:1

Matũ shenipabu Egito anua Senhor Deusũ hatu tashnimabiranishũ mã Israelbu matu yuiairã, nĩkakãwẽ:

Miquéias 1:2

Mae tibi anu hiweabu inũ nukũ mai pakea hirabi anu hiwebaunabuũ, na eska hãtxa matu yuinũ nĩka peirawakubaĩkãwẽ. Senhor Jeová hanu haki nukuti Templo meribi anushũ haska txakabuwakĩ mã kanekubaĩmis matu txitekĩ matu yuikubaĩshanikiki.

Miquéias 5:15

Yura shukuabu tibitũ ẽ hãtxa nĩkakĩ txibãkatsi isbuma hatuki sinata paepakĩ ẽ hatu kupihairashanaii.

Miquéias 6:2

Mishkipawã anu hanu mati tsaua anu mati tibibuũ, nĩkakãwẽ. Senhor Deusũ hawenabu pewakĩ hatu ha akikiki. Israelĩ enabu txakabubu hatu unãmai nĩkakubaĩkãwẽ”, itã

Lucas 19:40

Jesusũ hatu yuikĩ: —Txanima eki txiti ikabu neseaibũ na mixkipã ea kẽwaĩ sai itirubuki— hatu wabaini

Deuteronômio 4:26

Eskawẽ shinãti shabakabi ẽ matu waii. Nai inũ mai habu txanitirubu keska wakĩ ẽ matu unãti wamaii. Na ẽ matu hãtxa wai danãkĩ mã txakabuwakĩ Senhor Deus sinatamai hauri mã kashanai anua mã debui keyushanaii. Hari mã hiwei txaipama itiruki, yamai keyuirã.

1 Samuel 12:7

Haskawẽ taeshũ matũ shinã pewakĩ ea nĩkahairakubaĩkãwẽ. Senhor Deusũ nuku nĩkaya haska wakĩ matũ shenipabu inũ maturi Senhor Deusũ duawakubirãmiskiri yuikĩ ẽ matu shabakabi washunai ea nĩkakãwẽ.

1 Samuel 15:16

nĩkakatsi ikama nemakĩ Samuelĩ hawaira yuikĩ: —Haska ana yuiyamawe. Peswe. Eska Senhor Deusũ meshu merã ea yuishinai mia yuinũ nĩkawe— aka —Ẽ mia nĩkai ea yuiwe— aka