Miquéias 4:12 - Kaxinawá Bíblia (BR)

¹² hakia haska Deusũ shinaĩ yubakakũkainai ha yura shukuabũ unãbumaki. Shekiwã tsekashũ hanus bushukuashũ tsumabaina keska wakĩ habũ hawenabu itxakawaibu Deusũ hatu itxawashanai habũ unãma Deuskiri hãtxa txakabukanikiki.

Miquéias 4:12 Referencias Cruzadas

Isaías 55:8

Senhor Deusũ ana hatu yuikĩ: “Ẽ shinanã, matũ mã shinãmis keskamaki. Ẽ haska amisrã, matũ mã amis keskamariki. Nai keyatapa nenumahairatũ mai binua keska ẽ shinãmis inũ haska ẽ amistunã, matũ shinã ẽ binuaki”, ikĩ Senhor Deusũ hawẽ hãtxa txanima mestẽwaniki.

Jeremias 29:11

Eanã, ẽ matu unãhairaii. Haska matu wakatsi ẽ yubakanirã, haskawẽ taea ana txakabuwẽ matu yubama dasibi hiwea pe matu inãtã hawẽ matu benimahairawakĩ ẽ matu hiwemakubaĩshanaii. Ea ẽ Senhor Deusũ ẽ hãtxa ẽ mestẽwaiĩ.

Joel 3:2

Ẽ mai pakea anua enabu hatu atxitã pashka akeakekĩ peiwẽ hatu inãkĩ haikaimas yura betsa betsapabu anu hatu yunuakeakenibuki, mai hirabi anurã. Hatu eska wakinã, hawẽ hamapai unãti shau meshte númeroya putakĩ unãtã enabu pashkashũ huni bakebu inũ aĩbu bakebu dayaru escravo hatu amakĩ peiwẽ taeshũ hatu inãbaũtã, txipu hatuwẽ taeshũ pei bishiãwẽ hawẽ uva vinho bikĩ inũ aĩbu hininipabu txutakubainibuwẽ taeshũ ha nawa tibibu ẽ hatu itxakawashanaii. Hatu haska watã Josafá Pashku Napaku anu hatu iyushũ Israelbu enaburã, habũ ea hatu itxakãwanibuwẽ taeshũ unãti watã hatu manakushũkĩ ẽ hatu kupiriashũshanaii.

Lucas 3:17

Haska inũ, shekiwã bimi ta keyushũ pepa aruti anu arutã hawẽ shepa mã kuamis keska wakĩ dasibi hawenabuma danãkĩ hawa txi nukaisma anu urẽshũ kuanũ, iwanã, manakubainikiki— iwanã,