Miquéias 3:2 - Kaxinawá Bíblia (BR)

² Hakia haska shinãma pepa danãkĩ txakabu mã betxipaikubaĩmiski. Enabũ bitxi dashpeshũ hawẽ nami besti bikĩ keyushũ hawẽ shau henebaina keska mã hatu txakabuwakubaĩmiski.

Miquéias 3:2 Referencias Cruzadas

1 Reis 21:20

kemakĩ Acabẽ yuikĩ: —Nũ sinatai danananãrabeairã, haskakĩ ea benabaũkĩ mĩ ea betxishumẽ?— aka Eliasĩ kemakĩ yuikĩ: —Haa, ẽ miki nukushuki. Senhor Deusũ berubi ha betxipaiama txakabuhaira mĩ akubaĩmiski.

Salmos 15:4

tsuãra txakabuwamis duawama danãtã tsuãra Senhor Deus kẽwãmis besti hatu duawakĩ kẽwãmis inũ, tsubura yubakatã bikabiakẽ menemisbu inũ,

Amós 4:1

Mã Samaria anua aĩbuaibu hawẽruabu mã Basã anu ina awa yushã shuarãwã keskabuũ, ea nĩkakãwẽ. Nuitapabiaibu hatu bika tenemakĩ hawa hayamabiabũ mã hatu itxakawakubaĩmisbuki. Hanushũ paenũ ishũ matũ benebũ hau uva vinho matu bishũtanũbũ mã hatu yunukubaĩmisbuki.

Amós 5:15

Danãkinã, txakabu besti akubaĩkãwẽ, pepa besti betxipaikinã. Ha inũ, habũ pepa inũ txakabu unãti wanikabũ hau ana matu itxakawama matu pe bestiwẽ manakushũkubainũbũ hatu uĩrakubaĩkãwẽ. Hamẽ mã haskaibu mã Israelĩ enabu nortekiria matu teshewabainimaburã, Mekenika Deus kushipahaira dasibi binu keyua Senhor Deus matuwẽ ana nuikĩ matu merabewatirumẽkaĩ.

Miquéias 2:8

Uatiã enabu ibiashina shinã betsa watã natiã mã eki sinataii. Habu detenametani txĩtũbirãkĩ hatũ tari pepa karuhaira beaibu mã hatu mebĩmiski, tsuã matu ana metiruma dabanẽ shinãkinã.

Miquéias 7:2

Habiaska keskariai mai hirabi anu huni pepabu inũ nuikipabũ Deus txibaĩbu eãri ẽ betxiamariki, tsua ana hayamakenã. Hakia pubeĩ detename bestikĩ txakabuwanũ ishũ dasibibu manakanãkanikiki. Betsabu tibibe txakabunũ ika biruã keska maniabuki, manakanainã.

Miquéias 7:3

Hatũ shanẽ ibubunã, eska hatu wakanikiki. Hatu dayashunũ, iwanã, shanẽ ibu beshmasbũ pei hatu yukakĩ hawena wakubainaibũ shanẽ ibu betsa unãti wanikabũ hune hatu pewakĩ pei bikĩ hatũ txakabuwẽ hatu kupisbumaki. Kushipabũ haska akatsis ikai akubaĩkĩ, maewã hirabi atimapa wakĩ hau txakabu bestinũbũ yusĩkubaĩmisbuki.

Lucas 19:14

hanushũ hawẽ mae pakea anushũ hawenabũ ha shanẽ ibu beshmas danãkĩ abuabumawẽ taeshũ hawenabu betsabu yunukĩ yuikĩ: “Shanẽ ibuhaira binuatũ hiwe anu kashũ ha huni hau nukũ shanẽ ibu iyamashanũ yuitãkãwẽ”, hatu wa buimashũ haki nukutã yuiabu

João 18:40

dasibibũ hui kuxipawẽ yunukĩ: —Ha nuku ashũama ha huni betsa Barrabás yumetsubiakẽ nuku ha kaĩmashũwẽ— akaibũ

Romanos 1:32

Ha inũ, haskai hiwea hau hawẽ besti mawanũbũwẽ, Deus ibianikẽ haska unãhairabiai ana hawaki meseama habias txakabuwakubaĩkĩ betsabũ habias akaibu uĩ benimakubaĩmisbuki, habu huni txakabu tibirã.

Romanos 12:9

Ẽ betsabu inũ ẽ puibuũ, yura betsabuwẽ nui abukĩ tsua parãma txanima kayabi uĩmakĩ hatu merabewakubaĩkãwẽ. Haska inũ, hawara pe besti beya wakĩ hawara txakabu akama henekĩ danãkubaĩkãwẽ.

2 Timóteo 3:3

Yura betsabu duawatikiri xinãma inũ, hawa hatuki nuitimakiri xinãma inũ, yuãnanãti besti xinaĩ inũ, hatũ hiwea mekekĩ pewama pubẽ besti xinãkĩ hawara pepa Deusũ abumis danaĩ haki sinatashãkanikiki.