Miquéias 2:13 - Kaxinawá Bíblia (BR)

¹³ Deus bebukaĩkĩ hawẽ bai bepẽbainaya habũ txibaĩ maewã kenebaunibu hikiti shui hawẽ beputi anua tashni ishtxubaĩbaĩshãkanikiki. Dasibi hatu bebũ ẽ hatũ shanẽ ibu Senhor Deus kaya ea itxũ bushãkanikiki”, iwanã, ea yuimaki.

Miquéias 2:13 Referencias Cruzadas

Êxodo 14:19

nai kuĩ buru tsaua kayãbis Israelĩ enabu bebũ kai Deusũ nai tsumapã hawaira hatu betsa washũkĩ bebũ kai maewakĩ

Isaías 42:7

Haska wakĩ beshushbu mĩ hatu uĩmashanaii. Bitxiti hiwe merã hatu bitxiyamabu mĩ hatu tashnimashanaii, tsuabura meshu anu hiwea keska hatu tashnima keska wakinã.

Isaías 52:12

Habu mã kaĩbaĩshanaiburã, Israelbũ Senhor Deusũ matu keshea akekebainaiwẽ taea kairã, hĩ hĩ iki hawaira kaĩbainama inũ hunebaini pashayamashãkãwẽ.

Isaías 55:4

Ẽ haibu Davi ekiri txanikaũti eã ẽ nawabu unãti wamaniki, shanẽ ibukĩ hau habu ekiri tapĩmashanunã.

Daniel 2:44

Ha shanẽ ibubũ yunukubainaibutiã shanẽ ibubu betsabu keskama nai anu hiwea Deusũ shanẽ ibu betsa katukĩ yununika kayabi wakẽ tsuã hawẽ shanẽ ibu maema taskama ikũkaĩshanikiki. Shanẽ ibu betsabũ kushipa keyuaya na yununika kayabi niti ikama shanẽ ibupakeshanikiki.

Miquéias 2:12

Senhor Deusũ ana hatu yuikĩ: “Itxakanikabu hatu kupi keyutã Jacó enabu dasibi ana hatu itxawakĩ ha Israelĩ enabu txai hatu iyunibu hatira itxapama teshenibu ẽ hatu itxawashanaii. Txashuwã kenekauana anu mapuabu inũ basi mirima anu mapuabu keska ẽ hatu itxawaya yurabu mirima benimai hãtxa txakayamashãkanikiki.

Miquéias 3:1

Israelĩ enabu shanẽ ibubu inũ yununikabuũ, natiã ea nĩkakãwẽ. Yunuti kushipa peparã, matunamakẽ mã unãkatsi ikamamẽ?

Hebreus 6:20

Nai anu haskai buaibu ha dukũtũ bai wai nuku bai bepẽshuni tsua bebui hikiriama ha nukũ Deusbe hãtxashunika binua ipakeshanai Melquisedeque dayapauni keska nuku ishuĩ kaniki.

Josué 3:6

hatube ushashini bestẽkauã Deusbe hawenabu hãtxashunikaburi Josué yuikĩ: “Nukũ mekenika nukube yubakani hãtxa aruni bau iabaini nukunabu bebũ matu dukũ pukui taebaĩshãkãwẽ”, hatu wa ha hatube yubakani hãtxa aruni bau hi dabe haya hawẽ iabaini hatunabu bebushuni henekiri bui taeaibũ

Apocalipse 17:14

txashuwã bakebe detenameshãkanikiki. Hakia txashuwã bake Jesus Cristo dasibi shanẽ ibubu inũ dasibi yununikabu binukĩ keyumiswẽ taeshũ habu Deusũ katushũ hatu kenani txĩtuĩsbumabetã ha dez shanẽ ibubu maemashãkanikiki, nukũ Shanẽ Ibu Jesus Cristobetanã”, ea watã

Apocalipse 7:17

Ha inũ, txashuwã bake Deus shanẽ ibu haki tsauti namakis niatũ ũpash paisma pehaira txatxa hene hawẽ hiwemati haya anu hatu iyushũ amai hatũ mekenã ishanikiki. Hanushũ ha kashamisbu Deusũ hatũ beru beũ hene dasibi tashka washanikiki”, ea wa