Miquéias 1:3 - Kaxinawá Bíblia (BR)

^3-4 Hawẽ hiwe anua kaĩkirani mati matipa mamaki niakiranaya hawẽ tae paitã hutsekekainai anua mati tibi payukui keyushanikiki, yawa sheni bĩ txi dapi tsauã payukumis keskairã. Napãpa pebia hene wakĩ mai tuash arabeshanikiki. Ui itxakayamai bai matai kushibiranai keskakĩ hawẽ kushipawẽ haska washanikiki.

Miquéias 1:3 Referencias Cruzadas

Jó 40:12

Tsuabura ibubis keĩ hãtxamisbu hatu uĩ bestikĩ di akawakĩ hatu beshtewe. Hanira hunibu txakabu mĩ hatuki nukuairã, hatu txusha keska wakĩ dake wakĩ hatu beshtewe.

Salmos 115:3

“Nukũ Deusrã, nai anuki!” Nukũ Deusũnã, haska betxipaiai keska dasibi dami waniki.

Ezequiel 3:12

hanushũ Deusũ Yushĩ kushipatũ ea benitã ea dũtãbainaya ea katxũ Senhor Deusũ shãtu anua hawẽ kushipa txasha txasha iki benikainaya mai patxa sakui keskai unãshubima dãka ikaĩkaini keska ẽ nĩkaya

Amós 4:13

Senhor Deusũ mati matipa wamis inũ, niwe shũku imamis inũ, haska yubakani yurabu unãmamis inũ, shababiakẽ hatũ betsa wakĩ meshu maewamis inũ, mai dasibi anu mati keyatapahaira tibi anu nikaũmisrã, hawẽ kenarã, Mekenika Deus kushipahaira dasibi binu keyua Senhor Deuski.

Amós 9:5

Mekenika Deus kushipahaira dasibi binua Senhor Deusũ mai mea mai payukui babuaya ano tibi Egito anu hawẽ henewã ewapa Nilo bai matai ewatã netsutãtãmis keskai mai manaũri inakaina ana shekei butuaya hanua dasibi yurabu hiwebaunabu datehairai kashakubaĩshãkanikiki.

Habacuque 3:19

Ẽ shanẽ ibu Senhor Jeovaã, ea kushipa inãkĩ ni txashu hawaira kaĩmis keska ẽ kishi ea wa mati keyatapa hanu pashati anu Senhor Deusũ ea iyukĩ mapemashanikiki”, inikiaki.