Mateus 25:1 - Kaxinawá Bíblia (BR)

¹ hanushũ miyui betsawẽ nuku ana yusĩkĩ yuikĩ: —Deus shanẽ ibui haskashanaikiri matu ana yusĩnũ nĩkakãwẽ. Txipaxbu mekẽ dabetibũ hatũ bĩ dekutã hatũ haibu beneyai anu haki habe nukui kakatsi hawẽ bene huai haki nukutã iyushunũ ika bai putxinĩ haki nukui ka maniabu keskanu Deus shanẽ ibushanikiki.

Kashinawa : Diosun Jesúswen taexun yuba bena yiniki

¹ januxun miyui betsawen nuku ana yusinkin yuikin: —Dios xanen ibui jaskaxanaikidi matu ana yusinun ninkakanwen. Chipashbu meken dabetibun jatun bin dekutan jatun jaibu beneyai anu jaki jabe nukui kakatsi jawen bene juai jaki nukutan iyuxunun ika bai puchinin jaki nukui ka maniabu keskanu Dios xanen ibuxanikiki.

Mateus 25:1 Referencias Cruzadas

Isaías 54:5

Mia hatũ dami wanitũ natiã ana miki nukukĩ mia aĩwãkĩ akawatã mia haska duawakĩ dasibi mĩ hiwea betsahaira washanikiki, hawẽ kena Dasibi Kushipa Binuhaira Senhor Deusũnã. Mĩ mebikinanika Israelĩ Deus meribi ha dasibi mai hirabi dami wani Deusũnã, mia haska washanikiki.

Daniel 2:44

Ha shanẽ ibubũ yunukubainaibutiã shanẽ ibubu betsabu keskama nai anu hiwea Deusũ shanẽ ibu betsa katukĩ yununika kayabi wakẽ tsuã hawẽ shanẽ ibu maema taskama ikũkaĩshanikiki. Shanẽ ibu betsabũ kushipa keyuaya na yununika kayabi niti ikama shanẽ ibupakeshanikiki.

Mateus 13:24

Hanushũ ana betsatiã miyui betsawẽ yurã kaiã Jesusũ yusĩkĩ: —Deus shanẽ ibui haskamiskiri ana betsa matu yusĩnũ nĩkakãwẽ. Huni betsa hawẽ bai anu kashũ shekiwã heshe pepa banabaini kakẽ

Mateus 13:31

ana miyui betsawẽ hatu yusĩkĩ: —Deus shanẽ ibui haskamiskiri miyui betsa nĩkakãwẽ. Hunĩ hawẽ bai anu mostarda heshe hawẽ mibã tibi banaima anua hatube ha mostarda heshe pesheixtahairabia ewakĩ mibã betsa binumai pũyã ewapabuxina hawẽ mebiki peiyabu tsauwa haki huĩrukũmisbuki. Deus shanẽ ibuirã haska keskaki— itã

Mateus 13:38

Bairã, mai hirabiki. Heshe peparã, habũ Deusũ hãtxa nĩkakĩ pewamisburã, habu enabuki. Hakia heshe txakaburã, habũ ẽ hãtxa nĩkama Satanásã hãtxa besti txibãmisburã, hawenabuki.

Mateus 13:47

ana nuku yuikĩ: —Deus shanẽ ibui haskamiskiri ana betsarã, nĩkakãwẽ. Huni betsabũ iãnẽwã anu hisĩ ewapa pũtebaũshũ baka betsa betsapa hikia

Mateus 20:1

ana nuku yuikĩ: —Deus shanẽ ibui haskamiskiri ana matu yusĩnũ nĩkakãwẽ. Deus shanẽ ibuirã, bai ibuã dayakapabu katutã hatu yunupakemis keskaki. Penai taeaya hawẽ bai anu hau uva tsekashũtanũbũ dayakapabu katushũ

Mateus 22:2

—Haskai Deus shanẽ ibumiskiri ana matu yusĩnũ nĩkakãwẽ. Shanẽ ibuhairatũ hawẽ huni bake aĩyãwãkatsi hawenabu shanẽ ibu betsa betsapa hau habe nawai besi benũbũ, iwanã,

Mateus 25:7

dasibi bestẽbaũ hatũ bĩ ma nuka kemai bĩ hene manenũ, iwanã,

Mateus 5:16

Bĩ txashamis keskai hawa huneama merabenaĩ hiwekubaĩshãkãwẽ, matũ hãtxa nĩkakĩ mã pepaibu xinãkĩ habũri hau Epa Deus kẽwãshanũbunã— iwanã,

Mateus 9:15

Jesusũ hatu yuikĩ: —Huni aĩyaĩ nawaibu anu hawẽ haibuaibu pashkariama manunamei hatũmebi piama itxakanikatirubumaki. Hakia hatu shunũbaini kakẽ manui hawẽ haibuaibu samakei piama ipaketirubuki. Ea iyuabũ habiaskariai ewẽ nui ẽ haibuaibũ piama iriashãkanikiki— iwanã, ana hatu yuikĩ:

João 18:3

hari hatu iyui Deusbe nukunabu hãtxashunika shanẽ ibubu inũ fariseububetã hatu yunuabu hatiri Templo mekenikabu inũ Romano soldadobu shuku betsa Judasĩ hatu iyua hatũ detetiya mesebaini bĩ dekutã txasha dakabainaibũ

João 3:29

Ha inũ, hunĩ txipax bitã aĩwanã, ha besti hawẽ beneki. Hakia hawẽ bene benimai hawẽ aĩbe hãtxai nĩkatã hawẽ haibuaiburi benimatxakayamamisbu keskai eãri Jesus haskai nĩkatã ẽ benimahairariaii.

Hechos 20:8

hari dĩtu ewapa hiwe keyatapa manaũri anu bĩ itxapa hari haya, harishũ dekuabu anu nuku itxawakẽ

1 Coríntios 11:2

Ẽ matu yusĩtani habi txibaĩ mã txĩtuãmawẽ taeshũ benimakĩ ẽ matu kẽwaiĩ.

2 Coríntios 11:2

Haska matukiri xinaĩ nui ẽ matu yauximisrã, ibubis ẽ yurawẽ matu yauxiama haska Deusũ matu abuai ea matu amamiski. Matu haska wakatsi ikĩ hawenabũ Cristo mã hawa heneyamashanũbũ ẽ haska matu yuiaii. Huni betsã hawẽ bake txipax tsuã pesariama huni betsa yubamis keska wakĩ eãri Cristokiri matu yusĩkinã, hawa txakabu hayama keska Cristo ẽ matu beismakatsis ikĩ ẽ matube yubakayamaki.

2 Timóteo 4:8

Natiã ẽ dayashũkũkaĩmiswẽ taeshũ haska hayanũ ika ẽ imis ẽ maiti manakuti pepa Deusũ ea mekeshũkubaĩmis bari hawẽ heneaitiã hãtxa pewanika duapatũ Jesus Cristõ ea inãshanai ẽ manaii. Haska wakinã, ea besti inãma dasibi habũ Jesus Cristo ana txĩtũkirãshanai abukĩ manaiburi hatu inãshanikiki.

Tito 2:13

Haska hiwekũkaĩkĩ nukũ Deus binua inũ nukũ mekenã pepa kuxipa Jesus Cristo shanẽ ibuhairai ana nuku txĩtũshũkirãshanai manai nũ benimaii.

Apocalipse 14:4

Ha nawakĩ Deus inũ hawẽ bake txashuwã besti duawakĩ kẽwãkubainũbũ Deusũ habu ha dukũ inãkuĩ keska wakĩ habu dukũ katuniki. Haska Deus inãkuĩmisbu keska wakĩ habũ hatũ yura Deus inũ hawẽ bake inãbu hatu mekenibu habũ aĩbu betsabu txutabaunabuma pepa besti Deusũ txashuwã bake hanira kai anu habu hatxũ bushãkanikiki.

Apocalipse 19:7

Aĩbu hawẽ bene huaibe hiwenũ, iwanã, hawẽ hamapai pewakĩ akawai Jesusunabu habe hiwekatsis ikanikiki. Ha haskarã, Jesus Cristo txashuwã bakẽ hawenabu niti akama habe hiwemashanikiki. Haskakẽ benimai xinã txãkaĩ tse ikĩ Deus kẽwanãkãwẽ.

Apocalipse 21:2

Hanushũ ana betsa tashnikiranai uĩkĩ aĩbũ huni benewanũ, iwanã, hawẽ beneki nukui kanũ ika hawẽruai keskamis Jerusalém maewã bena ma dasibi iruya pepaya Deusũ nai anua buteaya

Apocalipse 21:9

Hanushũ sete nai tsumabũ ha sete Deusũ yurabu hawẽ henea kupiti mese kẽtxa betsa mata tsuma eki nukushũ ea yuikĩ: “Txashuwã bakẽ aĩyãshanai yusĩkĩ mia kayatiwamanũ nerishũ uĩyuwe”, iwanã,

Apocalipse 4:5

Deus hanu tsauwa anua kana bakatã tĩ ikaini dãka ikainaya Deusũ besuuri hawẽ merabenã yushĩ sete nãparina bĩ dekua nitxĩbauna txasha keskabuki.

Apocalipse 8:10

hanushũ nai tsuma ha terceirõ hawẽ trombeta txã akaya hene inũ txatxa mai pakea betsa tibi anu bixiwã here hi iki bĩ dekua keska txashahaira nai anua kawani terça parte mai anu inũ hene betsa anu inũ txatxa anu tĩ iki kawanaya