Mateus 1:20 - Kaxinawá Bíblia (BR)

²⁰ xinãkubaini usha namaya Deusũ nai tsumã yuikĩ: “Joséẽ, miarã, mĩ Davĩ babaki. Mia yuinũ nĩkairawe. Deusũ Yushĩ Pepatũ Maria bake naneimawẽ taea hawẽ datei hawa dakeama aĩwãshãwẽ.

Kashinawa : Diosun Jesúswen taexun yuba bena yiniki

²⁰ shinankubaini uxa namaya Diosun nai tsuman yuikin: “Joséen, miadan, min Davidin babaki. Mia yuinun ninkaidawe. Diosun Yushin Pepatun María bake naneimawen taea jawen datei jawa dakeama ainwanxanwen.

Mateus 1:20 Referencias Cruzadas

Gênesis 46:3

hanushũ Deusũ yuikĩ: —Earã, ẽ Deuski, mĩ epa Isaque mekenika Deusrã. Mĩ Egitokiri kairã, dateama katãwẽ. Harishũ minabu ẽ mia hatu pa washũshanaii, mirimahaira hatu wakinã.

1 Reis 17:13

Eliasĩ kemakĩ yuikĩ: —Dateama ẽ hãtxa nĩkawe. “Israelbũ Deusũ ma nuku pewashinaki. Mai anu Senhor Deusũ ui ana imariamakẽ mĩ shekiwã duru shumu merã inũ mĩ piti sheni shumu betsa merã mĩ hayarã, netsuama ikũkaĩshanikiki.” Haskawẽ taeshũ dateama ea bawashũtãwẽ. Ha dukũ mĩ haya misi hatiuma washũ ea beshũwẽ. Haska watã txipu mina inũ mĩ bakena misi betsa mĩ bawatiruki— aka

1 Reis 3:5

mae Gibeão anu meshu merã Salomão usha daka namaya Senhor Deus hushũ Salomão yuikĩ: “Hawara mĩ ea yukakatsis ikai ea yukawe, ẽ mia inãshanairã”, aka

Provérbios 12:5

Huni pepabũ hawara pepa besti akatsi ikĩ ha besti shinãkubaĩmisbuki. Hakia txakabubu parananã bestikatsi shinãkubaĩmisbuki.

Isaías 7:13

hanushũ Isaíasĩ ana yuikĩ: “Davi shanẽ ibuhairani anua hawẽ bababuũ, ea nĩkakãwẽ, matu yuinunã: Ẽ hunĩ mia yunubia danãkĩ mĩ ea bika tenemaii. Hakia ẽ Deus ana danãhairakĩ ẽ Deus mã bika tenemariaii.

Isaías 7:2

Haskaibutiã tsuãra shanẽ ibuhaira Acaz inũ hawenabu anu hatu banabimakĩ: “Síria nawabu Efraim enabube dasitã matuki yubakakanikiaki”, hatu wa hanua Acaz inũ hawenabũ haska nĩkatã datebauni huĩti bene bene iki hi shukua niwẽ hatu bubi bubi amis keskaibũ

Joel 2:28

Senhor Deusũ ana hatu yuikĩ: “Na eska binukainayarã, ma bari hawẽ henei kaya ẽ Yushĩ Pepa yura dasibi hiwebaunabu anu ẽ hatu yunua hatu atxishanikiki. Matũ huni bakebu inũ matũ aĩbu bakebu ekiri hãtxabaũshãkanikiki. Mestebu inũ yushabubu namawẽ haska ishanai uĩshãkanikiki. Berunãbu inũ txipashburi nama keskawẽ haska ishanai ẽ Yushinẽ hatu uĩmashanikiki.

Números 12:6

Senhor Deusũ ana harishũ hatu yuikĩ: “Eska ẽ matu yuiai ea nĩka pewakãwẽ. Matu anua ẽ hãtxa ea yuishunika katutã usha namai inũ betsa watã haska ishanai bebũkiri ẽ matu unãmamiski.

Mateus 1:18

Jesus Cristo kaĩ eskanikiaki. Matu yuinũ nĩkakãwẽ. Hanua Maria aĩwãkatsi ikĩ hawẽ epa Josẽ yukaima bimariamakẽ Deusũ Yushĩ Pepatũ huni bake naneima Mariã unãyã,

Mateus 2:12

haska watã bua usha namaibũ Deusũ nai tsumã hatu yuikĩ: “Shanẽ ibu Herodes anu ana txĩtũbaĩyamakãwẽ”, hatu wa hawaira bestẽtã bai betsawẽ inũ bunibukiaki.

Mateus 2:13

Bixi unãnikabu ma inũ buabũ habiatiãri José usha namaya Deusũ nai tsumã yuikĩ: “Joséẽ, hawaira bestẽwẽ. Shanẽ ibu Herodesĩ bakeixta detenũ, iwanã, hatu benamayuikiki. Hawaira bestẽtã ha bake hawẽ ewabe iyukĩ Egito anu hatu pashawaritãwẽ. ‘Iwewe’, iwanã, ẽ mia yuiriama habiari hiweyushãwẽ”, aka

Mateus 2:19

Hanua Herodes ma mawaxĩkẽ Egito anua José usha namaya Deusũ nai tsuma ana hushũ yuikĩ: “Joséẽ, hanũ bestẽwẽ. Habũ ha bake detenũ ika ikimaburã, ma mawaxinabuki. Hanu Israelbũ mai pakea anu ha bake hawẽ ewabe ana hawẽri iyuriwe”, aka

Mateus 2:22

hanushũ betsabũ yuikĩ: “Herodesĩ bake Arquelau shanẽ ibuikiki”, akabu Josẽ nĩkatã datei Judéia anu kariama hanua ana usha namaya Deusũ nai tsumã nemakĩ yuia bestẽtã Judéia anu ana kama Galiléia mai pakea anu mae betsa hatiuma Nazaré anu hikitã hanu hiweyunibukiaki. Ha mae anu iyukinã, bebũkiri Deusũ hãtxa yuishunikabũ Jesuskiri kenekĩ: ‘Nazaré anuaki’, ashanaibu hakiri kenenibu menekĩ hari iyuimashũ hiwetanibukiaki.

Mateus 27:19

hanu Pilatos governador tsauti anu tsauriakẽ hawẽ aĩnẽ hãtxa bumakĩ yuikĩ: —Jesuswẽ taea ẽ nama txakaxinaii. Haskawẽ taeshũ ha huni pepa hawa hatubetãs hakiri txakabu yuikĩ hawa yunuyamawe— aka hushũ hawẽ tsumapã yuishũbiaya

Mateus 28:5

hanushũ nai tsumã aĩbu dabe beabu yuikĩ: —Jesus mastaxinabu mã benai hua ẽ unaiĩ. Dateyamakãwẽ.

Lucas 1:19

nai tsumã yuikĩ: —Earã, ẽ Gabrielki, nai tsuma shanẽ iburã. Deus dayashuni ẽ hãtxashũmiski. Ẽ mibe hãtxanũ na kakape Deusũ ea yunushuki.

Lucas 2:4

José hawẽ mae Nazaré mai pakea hatiuma betsa Galiléia anu hiwebia Davĩ babawẽ taea

Hechos 5:19

hanushũ mexu merã Deusũ nai tsuma hushũ habũ mekeabu hatu unãmamatã bitxiti hiwe beputi bepẽtã hatu kaĩmatã yuikĩ:

Apocalipse 19:7

Aĩbu hawẽ bene huaibe hiwenũ, iwanã, hawẽ hamapai pewakĩ akawai Jesusunabu habe hiwekatsis ikanikiki. Ha haskarã, Jesus Cristo txashuwã bakẽ hawenabu niti akama habe hiwemashanikiki. Haskakẽ benimai xinã txãkaĩ tse ikĩ Deus kẽwanãkãwẽ.

Juízes 13:3

hanua Senhor Deusũ nai tsuma kushipa ha aĩbu anu tashnishũ yuikĩ: “Mĩ bake bitirumabia natiã mĩ bake naneshanaii. Ha bake mĩ biairã, huni bake mĩ kaĩshanaii.