Marcos 9:9 - Kaxinawá Bíblia (BR)

⁹ hanua mati keyatapa butebirãkĩ Jesusũ hatu yuikĩ: —Ẽ matũ Hutxi Kayabi Iuwa matu mawashũtã ẽ ana matu bestẽshũriamakẽ hawara na haska mã uĩshurã, tsua yuiyamayushãkãwẽ—

Kashinawa : Diosun Jesúswen taexun yuba bena yiniki

⁹ janua mati keyatapa butebidankin Jesúsun jatu yuikin: —En matun Juchi Kayabi Iyua matu mawaxuntan en ana matu bestenxundiamaken jawada na jaska man uinxudan, tsua yuiyamayuxankanwen—

Marcos 9:9 Referencias Cruzadas

Mateus 12:19

Hãtxa kuxipawẽ huni betsa ha akama mae tibi anushũ hawẽ hui kũyã ikai nĩkabuma ishãkanikiki.

Mateus 12:40

Nínive anu kashũ hau hatu yusĩtanũ Jonas yunua nĩkama hari kama mae betsa anu pashai kai iãnẽwã merã pukuabu hasapanã bakawã ewapatũ sheaxina shaba dabe inũ besti mexu habiatiri kaya maxĩ mapeketã bakawã hanã Jonas besteniki. Earã, matũ Hutxi Kayabi Iuwa habiaskariai mawa mai anu daka shaba dabe inũ besti mexu habiatiri ka ẽ ana bestẽriashanaii.

Mateus 16:21

hanua Jerusalém anu ka haska washanaibu nuku yusĩkĩ taewakĩ: —Eki sinatakĩ ea itxakawakĩ judeu shanẽ ibubu inũ, Deusbe nukunabu hãtxashunikabu inũ, Deusũ hãtxa kenenibu yusĩnanãmisbũ ea danãkĩ itxakawakĩ ea hatu tenãmabu shaba dabe inũ bestitiã ẽ ana bestẽshanaii— akĩ

Mateus 27:63

yuikĩ: —Shanẽ ibuũ, ha huni txani txakakĩ mawariama hãtxai nũ nĩkamisrã: “Mawa shaba dabe inũ besti kaya ẽ ana bestẽshanaii”, ixiã nuku yuixinabu nũ xinaiĩ.

Mateus 8:4

Jesusũ nemakĩ yuikĩ: —Ẽ mia yuiai nĩkairawe. Hawara ẽ mia ashukiri tsua yuiyamayukubaĩtãwẽ. Ha dukunã, Deusbe nukunabu hãtxashunika anu mĩ yura mĩ ma kayashu hatu uĩmatãwẽ. Haska mĩ ma kayashu hau habũ mikiri unãnũbũ habiaskari inãkuĩ Moisés yununi hatu anu buritãwẽ. Mĩ haska buaya mĩ ma kayashu habũ mia unãshãkanikiki— abainikiaki.

Marcos 5:43

hanushũ Jesusũ hatu nemakĩ hau tsuki txaniyamayunũbũ ana yuikĩ: —Matũ bake pimakãwẽ— hatu wabainikiaki.

Marcos 7:36

Jesusũ hatu anu ana iyushũ hatu nemakĩ: —Tsua yuiyamayutãkãwẽ— hatu wabia kashũ yurabu betsa betsapa hatu banabimakeakeabu

Marcos 9:10

hatu wa tsua yuiama hatũmebi yuinamekĩ: “Mawatã ana bestẽshanairã, haskaramẽ?” ishũ

Marcos 9:8

samama beru beru ikĩ uĩ ha habe mapukãshu ana niama Jesus besti nia uĩaĩbũ

Lucas 24:46

hatu yuikĩ: —Ekiri kenenibu matu yuinũ nĩkakãwẽ. Deusũ Katua Messias merabenã yumãtã mawa shaba dabe inũ besti kaya ana bestẽshanikiki.

Lucas 9:36

hakimamari samama beru beru ikĩ Jesus besti nia uĩnibukiaki. Hanushũ haska hune uĩbiranimashũ tsua yuiyama iyukubainibukiaki.