Marcos 9:50 - Kaxinawá Bíblia (BR)

⁵⁰ Tewerã, nami txaputima wati inũ nami meketibia payukui keyumiski. Matubunã, Deusũ hãtxa mã unaĩbuwẽ taeshũ matunabu yusĩ mã tewe batawẽ meketi keskabuki. Hakia haskai tewe hawẽ bata keyu bumis ana meketiruma keskama Deusũ hãtxa nĩkakĩ pewatã ea txibaĩbube merabenaĩ unãnuma hiwekubaĩshãkãwẽ— hatu anikiaki.

Kashinawa : Diosun Jesúswen taexun yuba bena yiniki

⁵⁰ Tewedan, nami chaputima wati inun nami meketibia payukui keyumiski. Matubunan, Diosun jancha man unainbuwen taexun matunabu yusiin man tewe batawen meketi keskabuki. Jakia jaskai tewe jawen bata keyu bumis ana meketiduma keskama Diosun jancha ninkakin pewatan ea chibainbube medabenain unanuma jiwekubainxankanwen— jatu anikiaki.

Marcos 9:50 Referencias Cruzadas

Salmos 34:14

Txakabu betsa betsapa danãkĩ pe besti akubaĩkãwẽ. Haratura hawẽ unanuma kati bai betxitã ha txibãkubaĩkãwẽ.

Mateus 5:13

—Hamẽ maturã, hawawẽra Deus benimawati yurã kaiã mã yusĩtirurã, Deusũ hau hatu mekeshanũ mã hawẽ meketi tewe bata keskaki. Tewewenã, hawẽ nami txaputimawatiki. Mã ma nami teweya wabia ha tewe payukui hawẽ bata keyu kakẽ tsuã ana mekekĩ bata watirumaki. Mã haska keskaibu tewe batauma hemaĩtĩ putabu haki paimisbu keska mã itirubuki, uĩrashãkãwẽ.

Marcos 9:34

bai tanabirani hãtxai yuinamekubirani: —Jesusbe shanẽ ibukĩ nukunã, haratu betsã nũ matu binũshanimẽkaĩ? En eamẽkaĩ?— iki yuinamekãshu dakei hawa yuiama pes maniabũ

Marcos 9:49

Txi keskawẽ mã ikũwaĩbu tibi txushakĩ akawakĩ matu bika tenemashãkanikiki. Matu haska wabiabu Deusũ hawẽ kuxipawẽ matu mekea mã kuxipashanaii, tewẽ nami mekemis keskairã.

Romanos 12:18

Ha inũ, yura betsabu duawanũ, iwanã, dasibi pepa mã akubaĩtirubu besti aki hatube unãnuma hiwei pekatsis mã ikairã, dasibibu daewakubaĩkãwẽ.

2 Coríntios 13:11

Ẽ betsabu inũ ẽ puibuũ, matu keneshũkĩ ma ẽ keyuai nĩkairakãwẽ. Epa Deusũ duawakĩ merabewakĩ unãnuma matu hiwemakatsi ikaya matũ huĩti benimakĩ hawara Deusũ matũ hiwea matu pewamakatsis ikai arikãwẽ. Ha inũ, punu nuka pesburã, hau merabenãkĩ matu benimawanũbũ Deus hatu yukashũkãwẽ. Mã haskai hiweabu Deusũ matu abukĩ matu unãnuma hiwemai matube hiwekũkaĩshanikiki.

Gálatas 5:22

Hamẽ betsarã, heshe pepa banabu pepa hukũmis keskai tsuabura Deusũ Yushĩ Pepatũ mekeshũ amakĩ hatu pe hiwemabainairã, eska shabakabi hatu anua tashnimiski, abunamei hawenabuwẽ nuirã, benimakĩ Deus kẽwaĩnã, unãnuma hiwea tsuki sinatamarã, hĩ hĩ ikama hawara teneirã, hatu txikixwabu kũyã akamarã, hatu duawairã, yauxiama hawara pepa hatu inãkubainirã, hawara yubakashũ kaneama akirã,

Efésios 4:29

Haska inũ, ana hãtxa txakabu yuiama hãtxa pepawẽ besti hãtxakĩ matunabu ana kuxipa wakĩ ikũhairawamakĩ merabewakĩ hatu benimawakubaĩkãwẽ, habũ matu nĩkaiburã.

Filipenses 1:27

Natiã mã hiweairã, Deusũ hawẽ bakekiri kakape unaĩ haska hiwekũkaĩtikiri benai na keska bestiwẽ hiwekubaĩkãwẽ. Haska ẽ matu uĩkatsis ikai inũ matu anu ẽ kamakẽ matukiria matũ kaka huai ẽ matukiri nĩkakatsis ikaii, haska mã txĩtuãma inũ mã ma dasi keyushũ bika tenebiai heneama matũ xinã kuxipawẽ ikũwaĩ mã Jesus Cristo txibaĩbunã.

Colosenses 3:12

Haskakẽ Deusũ matu abukĩ hau hawenabu meribi tari mã inũbũ matu katunikenã, matũ xinã pepa kaĩmakinã, tari bena sawea keska wakubaĩkãwẽ, yura betsabuwẽ nuirã, pepairã, babutã keãmarã, duapairã, hĩ hĩ ikama manakairã.

Colosenses 4:6

Haska inũ, hatube hãtxai hãtxa duapa inũ hãtxa pepa bestiwẽ hãtxakãwẽ, haska yura tibibũ bika teneaibu hatu merabewakĩ hatu kemai hãtxai peirã.

2 Timóteo 2:22

Haskawẽ taeshũ berunãbu hamapai tibiwẽ kemumisbu keska henetã hanua ana haska hiweama pashakũkaĩwẽ. Eska bestiwẽ hiweti pepa benakubaĩwẽ, hawa txani txakama inũ, Jesus Cristo ikũwaĩ inũ, nui abunamei inũ, unãnuma hiwei dasibibu huĩti shũpĩbubetã nukũ Shanẽ Ibu kẽwãkubaĩkinã.

Hebreus 12:14

Ha inũ, tsuabura dasibibube mã unãnuma hiwekatsis ikairã, nuikipakĩ dasibi nukũ Shanẽ Ibũ yusĩa txibaĩ pepa besti hiwekubaĩkãwẽ. Hamẽ mã pepai hiweismarã, haskatã nukũ Shanẽ Ibuki dasitã mã hiwetirubumaki.

Santiago 1:20

Hamẽ yura betsa ha aki sinatakinã, haska Deusũ abuai keska aki mã pepatirumaki.

1 Pedro 3:8

Haska tibi ẽ matuki txanishurã, haska bestiwẽ hiwekĩ Jesus ikũwaĩbu tibibube habias xinãwãtã hatuki dasia binunãnãma pepai babu keskatã keãma abunamekubaĩkãwẽ.