Marcos 9:2 - Kaxinawá Bíblia (BR)

² Hanua ana seis dia binuaya Pedro inũ, Tiago inũ, João Jesusũ katubaĩkĩ hatu iyui kakĩ mati keyatapahaira mapeketã hanua hatu bebũ Jesus dami

Kashinawa : Diosun Jesúswen taexun yuba bena yiniki

² Janua ana 6 día binuaya Pedro inun, Santiago inun, Juan Jesúsun katubainkin jatu iyui kakin mati keyatapajaida mapeketan janua jatu bebun Jesús dami

Marcos 9:2 Referencias Cruzadas

1 Reis 18:33

karu itxapa mãtxĩ pewabaũkĩ keyutã ina awa bake bene tesẽtã hawẽ bitxiyabi meshte meshte atã karu mamaki mãtxĩkĩ keyutã

1 Reis 18:42

Eliasĩ hãtxa nĩkabaini kashũ pikĩ neshutã Acabe kaya hakia Elias Mati Carmelo keyatapahaira anu ana mapekekaini ka nishũ, Senhor Deus ea anũ ika dãti itã hawẽ betũku xui iki beti itã

Êxodo 24:13

shanẽ ibu beshmasbu Moisĩ yunukĩ: —Nũ kaya nenushũ ea manayushãkãwẽ, hatiãra ẽ txĩtuainã. Ẽ betsa Arão inũ ẽ txai Hur matube ẽ bashiyubainairã, tsuabura txakabui ha ikaibu ea shanẽ ibushũyukĩ Arão inũ Hurĩ hau hatu pewanũbũ ha dabe anu hatu iyushãkãwẽ— hatu watã hawẽ merabewanika Josué iyui Deusũ mati nai kuĩwẽ atximakẽ namakis anu mapekea

Isaías 33:17

Isaíasĩ ana hatu yuikĩ: Dasibibũ ha shanẽ ibuhaira hawẽ kushipa txasha txasha ikai matũ beruwẽ mã ana uĩshanaii. Txaihaira hiwebiabaũshũ hawẽ mai pakea ana sheka ibubis mã uĩshanaii.

Isaías 53:2

Mai tsusĩhaira anu mibã tatxa uke merãhaira ka hawẽ pei benei pekaũmis keskai Senhor Deusũ hawẽ tsuma yumeai uĩkatsis ikikiki. Hawẽ yurarã, hawa hawẽruakĩ hatu hawẽ kemumakĩ betxipaimatiruma ishanikiki.

Mateus 14:13

Hanushũ João haska waxinabu Jesus banabimabu nĩkatã nũ hawẽ tsumabu nuku yuikĩ: —Hanu tsua hiweabuma anu benãta huĩrukuĩ buyunãkãwẽ— nuku wa hanua Jesus nukubes shashuwẽ kai hanu tsua hiweabuma anu Jesus kai yurabu tsuã hatu yuiamabia nĩkabaini txibaĩ hatũ mae anua maĩ buaibũ Jesus hikiriama habu dukũ hikia maniabũ

Marcos 14:33

Pedro inũ Tiago inũ João besti iyui kai punu nuka hawẽtxaĩs huĩti meteshekei niti itã

Marcos 16:12

hanua Jesusũ tsumabu dabe bai tanabainaibu haska uĩmisbu keskama hatuki Jesus nukua uĩbirani

Marcos 5:37

hanua Pedro inũ Tiago inũ hawẽ betsa João besti Jesusũ hatu iyukĩ

Lucas 6:12

Hanua shaba betsa bari kaya Jesus ha mesti kai mati mapetã ushama Deusbe hãtxaxini

João 1:14

Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.

Romanos 12:2

Haska habũ ikũwãbuma natiã mai anu hiwe bestishũ hamapai tibi akĩ xinãmisbu keskakĩ ana xinãma hakia xinã betsa watã haska Deusũ matu hiwemakatsi ikai haska abuai besti tapĩkubaĩkãwẽ. Eska hiweirã, haska Deusũ abumis mã tapĩkubaĩshanaii, pepakinã, Deus benimawai kemutapakinã, kanei hawa txĩtuãmarã.

2 Coríntios 13:1

Yurabu mai hirabi anu mekẽnũ ika Jesus babuyunikẽ hunibũ atxishũ cruzki netãtã tenaĩbu Jesusũ hatu nemamakẽ hanua ma tenãbu Deusũ hawẽ kuxipawẽ ana bestẽwaniki. Haskakẽ nukũ Shanẽ Ibu keska babuyui hawẽ kuxipa Deusũ nukuwẽ matu unãmamiswẽ taea niti ikama Cristobe nũ hiwekuĩkũkaĩshanaii. Habiaskabiakẽ Cristõ kuxipawẽ ẽ matu yunumismẽkaĩ mã unãkatsis ikaibu matu anu ana kashũ Cristõ hãtxa txanima kuxipawẽ ẽ matu ha atiru ẽ matu uĩmai kashanaii. Ẽ matu yusĩtani ana matu yusĩ matube ana ka hiwea ẽ yubakayama keska txai hiwebia matu dapishũ ẽ yuiai keska ana ẽ matu banabimai nĩkairakãwẽ. Haratubũra ikũwaĩbũ txakabuwakĩ hatũ huĩti ana pewariabuma ẽ ana hatuwẽ nuiama iki kashanaii. Eska Deusũ yunua Moisés hatu yununiwẽ besti nũ hatu unãti watiruki: “Tsuãra txakabuwai hawẽ hãtxa unãkĩ yura dabe kasmai dabe inũ bestitũ hakiri txanii pikuaibũ habũ hãtxa ikũwãtirubuki”, ini ha yusĩa txibaĩ matũ itxati anu itxashũ habu txakabumẽkaĩ haska unãtinaĩ txitenamei penamebukũkãwẽ.

Filipenses 3:21

Hanua hushũ habiaskari kuxipawẽ hamapai dasibi meke keyumistũ nukũ yura babu atimapa betsa wakĩ benawashanikiki, hawẽ yura txasha keska nuku wariakinã.

Apocalipse 20:11

Hanushũ Shanẽ Ibu haki tsauti hushupa hawẽruahaira nukũ Shanẽ Ibu haki tsauwa ẽ uĩshuki. Tsaukẽ bari inũ, ushe inũ, bixi inũ, mai keyu tsekebaini nixmai yamakainaya