Marcos 8:34 - Kaxinawá Bíblia (BR)

³⁴ hanushũ Jesusũ hawẽ tsumabu inũ yurabu habe buaibu kenashũ yuikĩ: —Tsuabura eki txiti ikatsis ikirã, hamebi haska xinãmis hakimatã: “Bika tenei ẽ hawẽ taea mawatiruki”, ikĩ hau ea txibãkubainũbũwẽ.

Kashinawa : Diosun Jesúswen taexun yuba bena yiniki

³⁴ januxun Jesúsun jawen tsumabu inun yudabu jabe buaibu kenaxun yuikin: —Tsuabuda eki chiti ikatsis ikidan, jamebi jaska shinanmis jakimatan: “Bika tenei en jawen taea mawatiduki”, ikin jau ea chibankubainunbunwen.

Marcos 8:34 Referencias Cruzadas

Números 14:24

Hatũ shinã keskama ẽ tsuma Calebe bestitũ shinãkĩ txanimahaira ẽ hãtxa nĩkakĩ ea ashũkubaĩmiski. Haskawẽ taeshũ hanu hatubetã uĩbaũtanimanu Calebe hau hikinũ ẽ nemama hikishanikiki. Hanua hawenabu pai hiwekubaĩshãkanikiki.

Mateus 16:24

hanua Jesusũ nũ hawẽ tsumabu nuku yuikĩ: —Tsuara eki txiti ikatsis ikirã, haska hamebi xinãmis hakimatã: “Ẽ habe mawatiruki”, ikĩ hau ea txibãkubainũbũwẽ.

Mateus 27:32

hanua huni betsa Simão hawẽ mae Cirene anua huaiki nukushũ Jesusũ cruz hau iashũyubainũ soldadobũ yunua iashũbainaya

Marcos 10:21

Jesusũ uĩ hawẽ nuikĩ ana yuikĩ: —Mĩ pe ea yuiaii. Na besti mĩ xinãriamaki. Mia yuinũ nĩkawe. Nai anua Deusũ manakuti pepa bikatsis ikĩ mĩ hawara dasibi mĩ haya hatu inã keyutã ha pei mĩ bixiã ha nuitapaibu inãkuĩtã txĩtuãma ebe kakĩ ea txibãkubaĩshãwẽ. Mĩ haskakũkainaiwẽ taeshũ hiwekuĩa mĩ bishanaii— aka

Marcos 7:14

ana Jesusũ yurã kaiã kenashũ hatu yuikĩ: —Mã pabĩkiyabuki. Matu yusĩnũ nĩkakĩ peirawakãwẽ. Piti tibi yurabũ piabu hawa hatu hawẽ txakabuwaismaki. Hakia yurabũ huĩti meranua besti hawara txakabu tashnikĩ Deus hatu danãmamiski, yurabuki sinatamakinã— hatu watã

Lucas 13:24

—Haa. Txanimaki. Ea txibãkatsis iki menã xinã mestẽwãtã hanu hikiti shui haxu anu hikikãwẽ, txipu itxapa hikikatsis ibiai hikitubuma ishãkanikiki. Haska ẽ matu yuiaii.

Lucas 14:33

Haska keskari wakĩ tsuabũra matũ hamapai tibi ana xinãma hawara dasibi mã haya ana hawẽ nuiama bestibu mã eki txiti ikubaĩtirubuki.

Lucas 18:22

nĩkatã Jesusũ uĩ hawẽ nuikĩ ana yuikĩ: —Mĩ pe ea yuiaii. Na besti mĩ xinãriamaki. Mia yuinũ nĩkawe. Nai anua Deusũ manakuti pepa bikatsis ikĩ mĩ hawara dasibi mĩ haya hatu inã keyutã ha pei mĩ bixiã ha nuitapaibu inãkuĩtã txĩtuãma ebe kakĩ ea txibãkubaĩshãwẽ. Mĩ haskakũkainaiwẽ taeshũ hiwekuĩa mĩ bishanaii— aka

Lucas 20:45

yurã kaiãnẽ Jesus nĩkariaibũ hawẽ tsumabu Jesusũ yuikĩ:

Lucas 9:23

hanushũ yurã kaiã hatu itxawashũ hatu yusĩkĩ yuikĩ: —Tsuabũra ea txibãkatsis iki ibubis hawenakiri haska xinãmis hau ana haska xinãyamakubainũbũwẽ. Haska inũ, “Bika tenei Jesuswẽ hawa dakeama ha keskai ẽ habe mawatiruki”, hau ikubainũbũwẽ.

João 10:27

Ẽ txashuwanẽ ea unãkĩ ẽ hui nĩkakĩ ea txibãbainaibu eãri ẽ hatu unaiĩ.

João 19:17

hanushũ haki mastakatsi cruz Jesus iamatã sharamabaĩkĩ Jerusalém mae ewapanua kaĩmabaĩkĩ ha mati hawẽ kena Bushka Shau Mati anu mapematã, Hebreu hãtxawenã, Gólgota anurã,

Hechos 14:22

mae tibi anushũ hau habũ hatu yusĩshanũbũ ikũwaĩbu yusĩkĩ hatu mestẽwãkĩ yuikĩ: —Eskaki, nĩkakãwẽ. Deus shanẽ ibuaiki nũ dasishanaibu nuku itxakawakubaĩshãkanikiki. Habiaskaki. Habiaskabiakẽ hawa datei txĩtuãma Jesus ikũwãpakeshãkãwẽ— akĩ menetã

Romanos 6:6

Ha dukũ nũ hawẽ hiwetxakani sheni Cristobe cruzki netãtã nũ habe mawani keskaki. Nũ haskaya nukũ xinã sheni Deusũ nuku betsa wamakẽ txakabũ nuku beshetã hawẽ tsumawakĩ ana nuku yunutirumaki.

Romanos 8:17

Haskakẽ Cristoki nũ ma dasiabuwẽ taea nũ ma Deusũ bakebuki. Haska inũ, yura betsabũ hawara bika nuku tenemaibu Cristõ tenekubaini keska wakĩ hawa yuiama nũ tenekubainaii. Haskawẽ taea naiuri hawa ana bika teneama nũ habe hiweshanaii.

1 Coríntios 15:31

Ẽ betsabu inũ ẽ puibuũ, nukũ Shanẽ Ibu Jesus Cristo mã ikũwãyã txanima benimahairakĩ hãtxa kayabi matu yui: “Bari tibi ẽ mawakeãkũkainaii”, ika ẽ txanitxakamaki, haska ẽ ikũkainairã.

1 Coríntios 8:13

Haskakenã, eãnã, ha nami betsa pikĩ ẽ betsabu ẽ kanematiru xinãkinã, ana hatu kanemakatsi ikama ha nami ẽ ana metirumahairaki, hatu txakabuwakatsi ikamarã.

1 Coríntios 9:19

Ẽ tsuã escravo dayarumabia itxapabu Jesus hatu ikũwãmanũ ika dasibibũ escravo dayaru hikini keskakĩ yura tibi ẽ hatu dayashũkũkainaii.

Gálatas 2:20

Natiã na ẽ yurawẽ ẽ hiweyuairã, Deusũ bakẽ ea abui ewẽ taea mawanishũ ea xinã betsa wamani ha ikũwaĩ ẽ hiweyuaii. Haskawẽ taea earã, ẽ ana emebi yunui ẽ hiweamaki. Hakia Cristo bestitũ ea yunui ewẽ hiweyuikiki.

Gálatas 5:24

Hakia Jesus Cristo cruzki mastabu mawani keska wakĩ nũ Jesus ikũwaĩbu nukũ txakabu itxawatã Jesusbe cruzki nuku mastashunibu keskaki, ana txakabu nũ meyamanunã.

Gálatas 6:14

Hanua tsuabũra hau Deusũ ea duawanũ, iwanã, hatũ hina kubitxi meshtekinã hamẽ akanikiki. Haska inũ, tsuabũra meshteama hamẽri ikanikiki. Hakia nukurã, Deus duawanũ ika xinã betsa watã besti Deus nũ benimawakubainaii. Jesus ea mawashuniwẽ taeshũ xinã benawatã: “Mabu itxapa besti binũ”, iwanã, ana ẽ xinãmakẽ txakabũ ea ana atxiamariki. Haskakẽ keãma nukũ Shanẽ Ibu Jesus Cristo hi cruzkia mawashũ hawara ea ashunikiri besti yuikubaĩkĩ Deus ẽ kẽwaiĩ. Ẽ hawauma iniwẽ taea ẽ hawa kẽtirumaki. Hakia Jesuswẽ taea besti ẽ kẽtiruki.

Filipenses 3:10

Haskakĩ Cristo ana ẽ unãhairakatsis ikaii. Haska inũ, hawẽ Epa Deusũ mawabu ana bestẽwãti kuxipa ẽ hayakatsis iriaii. Haska inũ, ana haki dasihairanũ ika ha nuitapawanibu keska eari dateama mei mawakĩ ẽ txibãkatsis ikaii.

Filipenses 3:7

Na haska tibi Moisés yusĩa txibaĩnã, ẽ haki txiti ikarã, enarã, ewapa benuisma ẽ xinãniki. Hakia natiã Cristowẽ taearã, ẽ ana hawẽ teatirumaki.

Colosenses 1:24

Natiã matuwẽ taea nuitapairã, ẽ benimaii. Hau hawẽ taea nũ bika tenekũkaĩshanũ Cristõ nuku yunutã ha dukũ txanima hawẽ yurawẽ ha ikũwãshanaibu merabewanũ ika hatu bika teneshũkĩ haskawẽ taea eari ibubis ẽ yurawẽ menei ẽ ishũriaii, mã ha ikũwaĩbuwẽ taearã.

Colosenses 3:5

Haskakẽ na mai anua matũ kemurã, tenãkĩ akawarikãwẽ, eska tibi Deusũ nemani heneirã. Ana aĩbu betsa tibiwẽ kemuama inũ, ana hamapai tibibe txutanamebaunama inũ, hawara kemu atimapa betsa betsapa mã akatsis ikai inũ, ana pei inũ mabu betsa itxawanũ, iwanã, yauxikĩ kẽwãti betsa keska wakĩ pei inũ mabuwẽ kemukĩ kẽwãyamakubaĩkãwẽ.

2 Tesalonicenses 3:11

Hakia matukiria txani huai nũ nĩkaxinarã, hatirirã, mã txikix dayama hawawakatsi ikama kaka betsa betsapa besti nĩkatã betsabu yui mã yuãnanã bestikubaĩkanikiaki.

Tito 2:12

Haska Deus nukuwẽ nuikĩ pashati nuku unãmakĩ yusĩaĩnã, hawẽ txakabu atimapa tibi inũ hawẽ kemuti tibi na mai anushũ nũ amis hawẽ kuxipa pepawẽ nũ txitetirubuki, natiã hiwea bena bestiwẽ hiwekatsis ikĩ hawa ana xinã txakabuwẽ xinãma pe besti akĩ haska Deusũ nuku hiwemakatsi ikai hawẽ pepati akirã.

Hebreus 13:13

Haskakẽ Jesus anibu keska wakĩ nukuri nuitapa wakĩ dakewaibu ha bai Jesusũ nuku tatesshũbaini txibãkĩ judeubũ beya ana xinãma nuitapabiai dakeama ikubainãkãwẽ.

1 Pedro 4:1

Na mai anua hawẽ yurawẽ Cristo nuitapai yumani keskai ha ini keskariakĩ matũri txibãkubaĩkãwẽ, tsuãra hawẽ yurawẽ bika betsa betsapa txakabu tibi mebiai ha txakabu Cristõ binuni mã maemariatirubukirã.

1 Pedro 4:13

Haska matu memabiabu Cristo ani keska wakĩ habiaskarianiwẽ taeshũ matu tenemariakanikiki. Haskawẽ taea Cristo shanẽ ibuhairai ana tashnikirã matu benimahairawashanai xinaĩ natiã haskawẽ benimatimabiakẽ Cristowẽ taea benimayukubaĩkãwẽ.

2 Pedro 1:14

Nukũ Shanẽ Ibu Jesus Cristõ ma hanu ea yuini ma ẽ mawashanairã, ma kemaikiki.

1 João 3:16

Nũ nui kayabi haya nũ tapĩtirurã, haska Jesus Cristo nukuwẽ dabanã hawẽ hiwea nuku inãni nũ xinãtirubuki. Haskawẽ taea nukubũri nukũ betsabu nũ hatu abukayabiai nũ hatu uĩmatirubuki.

Apocalipse 2:10

Matu bika memashanaibuwẽ taea dateyamakãwẽ. Eska wakĩ diabõ bestibu matu hatu atximatã bitxiti hiwe anu matu bitximashanikiki. Haska wakĩ dasibi mã ea ikũwaĩbu matu bika tenemaibu hawẽ matu unãti wakeakeshãkanikiki. Haskawẽ taea dez dia besti haska matu tenemaibuwẽ taea txĩtũyamashãkãwẽ. Matu itxakawakĩ matu tenãbiaibũ tenekubaĩshãkãwẽ. Matu haska waibuwẽ taeshunã, eãnã, matũ manakuti inãkinã, hiwea kayabi ẽ matu inãshanaii.