Marcos 6:12 - Kaxinawá Bíblia (BR)

¹² hanua hawẽ tsumabu buake buakeshũ dabe tibi kashũ hatu yusĩ taewakĩ: —Deuskiri mã txakabumis henetã matũ xinã betsa warikãwẽ— hatu wakĩ

Kashinawa : Diosun Jesúswen taexun yuba bena yiniki

¹² janua jawen tsumabu buake buakexun dabe tibi kaxun jatu yusin taewakin: —Dioskidi man chakabumis jenetan matun shinan betsa wadikanwen— jatu wakin

Marcos 6:12 Referencias Cruzadas

Ezequiel 18:30

Mã Israelburã, matu tibi haska mã hiwemiswẽ taea eã ẽ matu unãti watirumamẽ? Ea Senhor Deusũ ẽ hãtxa txanima ẽ mestẽwaiĩ. Ibubis mã ea sinatamabiamis hawẽ taeshũ ẽ matu kupiyamashanũ matũ txakabu dasibi hawaira hene keyurikãwẽ, hamẽ matũ hiwea mã benuyamashanunã.

Mateus 11:1

Hanushũ nũ hawẽ 12 tsuma kuxipayabu yusĩ menetã Jesusũ nuku nitxiã nũ kaya mae betsa betsapa anuari habia dapikeari hatu yusĩriakubaunaya

Mateus 11:20

Hanushũ Jesusũ hatu yusĩkĩ taewaimanu mae betsa betsapa anushũ yurabu uĩmakĩ dami atimaska hatu washũbia hawa hatũ xinã betsa wama ikimabukiri yurã kaiã Jesusũ hatu yuikĩ:

Mateus 4:17

Hanushũ Jesusũ yusĩkĩ taewakĩ hatu yuikĩ: —Nukũ Shanẽ Ibu nai anua matuki bayui ma kemaikiki. Mã Deuskiri txakabumis henetã xinã betsa watã hanũ bekãwẽ— hatu wakubainiki.

Mateus 9:13

Deusũ Oséias yuinirã, mã uĩriamamẽ? Matu yuinũ nĩkairakãwẽ: ‘Ea benimawanũ ishũ txashuwã kuakĩ menu keyuaiwẽ besti akama yurabuwẽ nuikĩ hau ea benimawakubainũbũwẽ’, aka nĩkatã Oséiasĩ keneniki. Haskakẽ: “Ẽ txakabuki”, iwanã, xinaĩbu hatũ huĩti pewakĩ ẽ hatu merabewa xinã betsa watã hau Deus ikũwanũbũ ẽ huniki, huni dauya keskairã. Hakia: “Ẽ txakabumaki”, ikĩ xinaĩbu hatu merabewatanũ ika ẽ huamaki— hatu waniki.

Marcos 1:15

taewakĩ: —Na habiatiã Deus ma nenu shanẽ ibuikiki. Haskakẽ mã Deuskiri txakabumis henetã ẽ kakape ekiri ikũwãkubaĩkãwẽ— hatu wanikiaki.

Lucas 11:32

Ha inũ, Nínive anuabu Jonasĩ Deuskiri hatu yusĩa nĩkakĩ hatũ xinã betsa watã Deus ikũwãnibuki. Hamẽ eãnã, ẽ Jonas binuhairabiakẽ tsuã mã ea nĩkakĩ matũ xinã mã betsa wakatsi ikamawẽ taeshũ hanu kupiaitiã Nínive anu hiwenibũri matu ha ariashãkanikiki— iwanã,

Lucas 13:3

Haskamaki. Hamẽ matũri matũ xinã mã betsa wama mã habiaskariai mawashanaii, Deusũ matu kupiaitianã.

Lucas 13:5

Haskamariki. Hamẽ matũri matũ xinã mã betsa wama mã habiaskariashanaii, niti ikama nuitapakũkainirã— iwanã,

Lucas 15:10

Ikũkĩ habiaskari ẽ matu yuaii. Yura bestitxaitũ hawẽ txakabu atimas henetã hawẽ xinã betsa watã ikũwãyã Deusũ nai tsumabu benimamisbuki— iwanã,

Lucas 15:7

Txanima habiaskari imisbu ẽ matu yuiaii. 99 yura itxapabũ ea ikũwaĩ pepakubaĩmisbuwẽ taea nai anu habu Deusbe hiweabu benimabiamisbũ hakia bestitxai benua keska txakabui hiwekũkaĩmistũ hawẽ txakabu henetã hawẽ xinã betsa wakẽ hawẽ benimatxakayamai xinã txãkãhairamisbuki— iwanã,

Lucas 24:47

Haskawẽ taeshũ hawẽ kuxipawẽ hatu yusĩshãkanikiki, hau hatũ txakabu Deuskiri txakabumisbu hau henetã habũ xinã betsa waibu Deusũ buashũshanikiki. Nawa shukua tibi nĩkashanaibu yuini matũ Jerusalém anushũ taewakĩ

Lucas 9:6

mae tibi anu buake buakeshũ haska Deus shanẽ ibushanaikiri hatu yusĩkĩ isĩ teneaibu shushawakubainaibũ

Hechos 11:18

Deusũ hatu haska waxina Jerusalém anua ikũwaĩbũ nĩkatã ana Pedro ha akama nesetã Deus kẽwãkĩ yuikĩ: —Judeubuma dikabiwẽ nuikĩ hatu xinã betsa wamakĩ txanima Deusũ hatu hiwekuĩa inãriaikiki, ikibi imakinã. Pehairaki— anibukiaki.

Hechos 2:38

Pedrõ hatu kemakĩ: —Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Haska watã mã Jesus Cristo ikũwaĩwẽ taeshũ hawẽ kenawẽ matu tibi nũ matu naximaya matũ txakabu buatã hawẽ Yushĩ Pepa Deusũ matu inã mã bishanairã.

Hechos 20:21

Haska inũ, Deuskiri txakabumisbũ hau xinã betsa watã nukũ Shanẽ Ibu Jesus inũ Deuskiri xinã betsa watã mã ikũwanũbũ judeubu inũ judeubuma ẽ matu yusĩhairaniki.

Hechos 26:20

Harishũ Damasco anushũ dukũ kakape hatu yusĩ taewatã txipu Jerusalém anushũ yusĩriatã Judéia mai pakea hirabi anuabu judeubu inũ judeubuma ẽ hatu yusĩkĩ: “Xinã betsa wakãwẽ”, ẽ hatu wa tsuãra xinã betsa watã Deusũ bake ikũwãkĩ hatũmebi hatũ hiwea bena hayakĩ uĩkubainimabuki, ẽ hatu unãmakubainarã.

Hechos 3:19

Haska xinãma Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ, hau matũ txakabu matu buashununã.