Marcos 2:8 - Kaxinawá Bíblia (BR)

^8-10 hanushũ tsuã Jesus yuiamabia hatũ xinã unãkĩ Jesusũ hatu yuikĩ: —Matunã, haskakĩ mã xinã txakai ikai? Haratu bikamamẽ, hawẽ txakabu buashunaraka? Hawẽ yura beniaraka? Ha dabe bikakẽ Deusũ besti atiruwẽ taeshũ haskakĩ mã xinãtxakai? Ẽ matũ Hutxi Kayabi Iuwa na mai anua ea ẽ hawẽ kuxipa hayatũ hawẽ txakabu ẽ buashũtiru mã unãnũ ẽ akai uĩkãwẽ— iwanã, huni yura babuni kaya wakĩ yuikĩ:

Kashinawa : Diosun Jesúswen taexun yuba bena yiniki

^8-10 januxun tsuan Jesús yuiamabia jatun shinan unankin Jesúsun jatu yuikin: —Matunan, ¿jaskakin man shinan chakai ikai? ¿Jadatu bikamamen, jawen chakabu buaxunadaka? ¿Jawen yuda beniadaka? Ja dabe bikaken Diosun besti atiduwen taexun ¿jaskakin man shinanchakai? En matun Juchi Kayabi Iyua na mai anua ea en jawen kushipa jayatun jawen chakabu en buaxuntidu man unanun en akai uinkanwen— iwanan, juni yuda babuni kaya wakin yuikin:

Marcos 2:8 Referencias Cruzadas

Salmos 139:2

Dasibi ẽ ikũkainai mĩ ma ea unã keyuaii. Txaihairabiashũ haska ẽ shinaĩ shũska mĩ tanaii.

Provérbios 15:26

Huni txakabubu yubakaibu Senhor Deusũ hawa betxipaiama hatu danãmiski. Hakia habũ hãtxa txakabu yuisbuma hatũ hãtxa pe bestiwẽ Senhor Deus benimakũkaĩmiski.

Isaías 55:7

Huni txakabubũ hau hatũ hiwea txakabu inũ hatũ shinã txakabu henetã hau Senhor Deus anu benũbũwẽ. Mã haskaibuwẽ taea Senhor Deus matuwẽ nuishanikiki. Matũ txakabu henetã Deus anu txĩtũribirãkãwẽ. Harã, matuwẽ dabanã ikĩ matũ txakabu matu buashũshanikiki.”

Mateus 12:15

Hanushũ hatũ xinã unãtã Jesus kaĩkainaya yurã kaiãnẽ txibaĩbũ isĩ teneaibu itxapa Jesusũ hatu shushawakĩ

Mateus 16:7

xinã pewama nũ hawẽ tsumabu yuinamei: —Nũ misi beama ishukẽ nuku haska yuikiki— nũ ikaya

Mateus 9:4

tsuã Jesus yuiamabia hatũ xinã unãkĩ Jesusũ hatu yukakĩ: —Matunã, haskakĩ mã xinã txakai ikai?

Marcos 2:7

“Ha huni txakabuki. Nuku paraĩ Deus keskakatsi ikikiki. Deusũ besti hawẽ txakabu buatiruki”, ikaibũ

Marcos 7:21

Haska inũ, eska yurabu haya hatũ xinã uke merã aruabu txakabu xinãkĩ shabakabi tashnimamisbuki. Eska tibi shabakabi xinãwẽ kaĩkinã, kemukĩ hamapai tibi shebi hayabu txutabaũmisbuki. Ha inũ, yumetsumisbuki. Ha inũ, yura betsaki yubakatã tenãmisbuki.

Lucas 24:38

Jesusũ ana hatu yuikĩ: —Haskai mesei datei mã e ikanai? Mã huĩti kuximẽ?— iwanã,

Lucas 5:22

hanushũ tsuã Jesus yuiamabia hatũ xinã unãkĩ Jesusũ hatu yukakĩ: —Matunã, haskakĩ mã xinã txakai ikai?

Lucas 6:8

haskaibu Jesusũ hatũ xinã unãkĩ huni mekẽ meyuxkini yuikĩ: —Benikirã ha maniabu namakis niwe— aka hawenabu maniabu namakis benia nikẽ

João 21:17

ana hawẽ henekĩ Pedro yukakĩ: —Jonasĩ bake Simãoneẽ, mĩ ea abuhairai?— aka dabe inũ bestiki habias yukaiwẽ taea Pedro huĩti nixmai punu nukatã abuaiwẽ taeshũ yuikĩ: —Shanẽ Ibuũ, ẽ xinã dasibi unãkĩ ẽ mia abuhairairã, mĩ unaiĩ— aka —Habiaskari wakĩ enabu txashuwã keska hatu yusĩkĩ hatu ea mekeshuĩrakubaĩshãwẽ— iwanã,

João 6:64

yusĩkĩ taewabirãshuwẽ hawẽ hãtxa ikũwãbuma inũ tsuãra atximashanai unaĩwẽ taeshũ Jesusũ ana yuikĩ: —Hamẽ matunã, betsa betsapabũ mã ea ikũwãbumaki. Haskakẽ: “Epa Deusũ matu kenama mã ea ikũwãtirubumaki”, akĩ ẽ matu yuishuki— ikaya

Hechos 5:3

hanushũ Pedrõ yuikĩ: —Ananiasiĩ, mĩ bai inãtã pei bitã pashkashũ dabukũ arutã haskakĩ Satanásã mia txakabuwamaya nuku yui Deusũ Yushĩ Pepaki mĩ txani txakai?

Hechos 8:22

Eã haska ẽ mia unãiĩ. Haska yushĩ txakabũ muka mĩ bini mĩ heneriamakẽ mia merãshũ ha mĩ txakabũ mia neshayuaki. Hakia xinã betsa watã mĩ txakabu mĩ putaya hau Deusũ mia buashunũ mĩ yuka mĩ txakabu mia buashũtirumẽkaĩ— aka

Hebreus 4:13

Dasibi Deusũ hatu damiwanirã, unãti waya tsuã hani hũtaĩ hunetirubumaki. Dasibi nukũ akarã, hirabi nuku unãti washanikiki, nukuki kenemis bepẽtã manakukĩ pewakinã.

Apocalipse 2:23

Ha inũ, ha aĩbũ hãtxa nĩkamisbu tenãkĩ ẽ hatu yamawashanaii. Ẽ hatu haska waya dasibibũ xinã inũ habũ huĩti ẽ unãhairamis habũ ea ikũwãkĩ txibãmisbũ txanima unãshãkanikiki. Ha inũ, hatiribũ haska hiwea abumisbu unãtã pepabu pepawẽ hatu kupikĩ txakabubu txakabuwẽ ẽ hatu kupishanaii.