Marcos 15:14 - Kaxinawá Bíblia (BR)

¹⁴ ana Pilatõs hatu yukakĩ: —Natunã, hawa txakabuwaxinamẽ?— hatu waya ana unãshubima hãtxa kuxipawẽ yuikĩ: —Cruzki nuku mastashũwẽ —aki hawẽtxaĩs ikaibũ

Kashinawa : Diosun Jesúswen taexun yuba bena yiniki

¹⁴ ana Pilaton jatu yukakin: —¿Natunan, jawa chakabuwashinamen?— jatu waya ana unanxubima jancha kushipawen yuikin: —Cruzki nuku mastaxunwen —aki jawenchains ikaibun

Marcos 15:14 Referencias Cruzadas

Salmos 69:4

Eska tibiwẽ taearã, ẽ hawa hatu txakabuwamabia hamẽ ea danãkĩ ẽ bu itxapa binumai eki sinatakanikiki. Tsuabura eki sinataibu ana itxapahaira hayaki. Ẽ hatu hawa wamahairabia ea yamawakatsis ikanikiki. Hatũ hamapai ẽ hatu yumetsuĩsmabia hamẽmẽs ea yunutxakakĩ: “Ea ana inãwẽ”, amisbuki.

Isaías 53:3

Yurabũ hakiri txakabu shinãkĩ danãshãkanikiki, ha hunĩ isĩ betsa betsapa mekĩ beyawai nuitapairã. Tsua dabanẽ hawa unãma uĩsma akawakĩ nukubũ nũ danãshanaii.

Isaías 53:9

Huni txakabu mawa hatu maiwamisbu anu habu dapi maiwashãkanikiki. Hawa kanei txakabuisma inũ hawa txanitxakai hãtxaismabiakẽ ha huni txakabubube maiwashãkanikiki.

Mateus 27:19

hanu Pilatos governador tsauti anu tsauriakẽ hawẽ aĩnẽ hãtxa bumakĩ yuikĩ: —Jesuswẽ taea ẽ nama txakaxinaii. Haskawẽ taeshũ ha huni pepa hawa hatubetãs hakiri txakabu yuikĩ hawa yunuyamawe— aka hushũ hawẽ tsumapã yuishũbiaya

Mateus 27:4

hatu yuikĩ: —Jesus huni pepabiakẽ hau mã tenãnũ txakabu xinãkĩ ẽ matu atximaxinaki. Na pei mã ea inãxinarã, ẽ ana haska hayakatsi ikamaki— hatu wa hawẽ pei ana bikatsi ikama habũ Judas yuikĩ: —Mĩ txakabuxina nũ hawẽ nuiamaki. Mĩ nuku haska wamaxinarã, minaki— akabu

Mateus 27:54

Hanua Romano capitão inũ habũ Jesus mekekĩ mai patxa sakui betsa betsai uĩ datehairakĩ yuikĩ: —Ikũ kayaki. Na hunirã, Deusũ bakeki— ikaibũ

Marcos 15:13

hãtxa kuxipawẽ ana yuikĩ: —Cruzki nuku mastashũwẽ— ikaibũ

Marcos 15:15

haskaibũ Pilatõs yurã kaiã daewakĩ Barrabás hatu kaĩmashũtã Jesus hatu kakux kakux amatã hau cruzki hatu mastashũtanũbũ hatu yunua

Lucas 23:21

nĩkakatsi ikama unãshubimahaira ana yunukĩ: —Cruzki hatu mastamawe! Cruzki hatu mastamawe!— akeakeabu

Lucas 23:4

hanushũ judeubu Deusbe hawenabu hãtxashunika shanẽ ibubu inũ yurã kaiã Pilatõs hatu yuikĩ: —Hawa txakabu akamaki. Hawawẽ taeshũ kupiti hayamaki— hatu wabia

Lucas 23:47

hanushũ Romano soldado capitão Jesus haskai uĩtã Deus kẽwãkĩ yuikĩ: —Ikũki. Na huni txakabumaki— akaya

João 18:38

Romano shanẽ ibu Pilatõs yuikĩ: —Txanima hãtxarã, hawamẽ?— itã haska wa hanu judeu shanẽ ibubũ manaibu anu ana kaĩkirã Pilatõs hatu yuikĩ: —Ha huni ẽ unãti washurã, hawa txakabu hayamaki.

João 19:6

uĩkĩ Deusbe nukunabu hãtxashunika shanẽ ibubu inũ Templo mekenikabũ hui kuxipawẽ Pilatos yuikĩ: —Cruzki mastawe! Cruzki mastawe!— akeakeabu haska washũ atirubuma unãbiakĩ Pilatõs hatu kashe wakĩ ana yuikĩ: —Hawa txakabu hayamaki. Matũmebi iyushũ aritãkãwẽ— hatu wa

Hechos 13:28

Hanushũ hawawẽ taeshũ tenãtirubumabia haska watima hau tenãnũbũ Romano shanẽ ibu Pilatos yunuabu

Hechos 19:34

hakia Alexandre judeu uĩkĩ hatunabuma unãtã danãkĩ hawẽ hãtxa nĩkakatsi ikama hãtxa kuxipawẽ bis ikĩ yuikĩ: —Éfeso anu nukũ yushĩ Diana pepahairaki!— ikĩ yui yane heneama duas hora habias hãtxa kuxipawẽ yuiaibũ

Hebreus 7:26

Hanua Jesus Deusbe nuku hãtxashunika binua nũ haska keskariai hiwetiru ha hawa txakabu hayama inũ hawa detsis hayama meribi pepa besti haska yurabu txakabukĩ Deus sinatamamisbu keskama pepakĩ keyu hatu binutã naiuri pepahairai hauri nuku hiwei kashuniki.

1 Pedro 1:19

hamẽ haskama txashuwã bake pepa hawa txami hayama deteshũ menu keyukĩ Deus daewapaunibu keska wakĩ hawẽ bake Cristo mawakĩ hawẽ himi pepahaira dasibi betsana binuawẽ Deus hawena nuku wati wamakĩ hawẽ daewati waniki.