Marcos 12:31 - Kaxinawá Bíblia (BR)

³¹ Ha katxu yunua betsarã, habe ketashnirã, nĩkawe: “Mĩ habube hiweabu duawariakubaĩkãwẽ, ibubis mã nui mekemis keska wakinã”, akĩ yuini ha yunuti dabe txibaĩ mã haki txiti ikaiwẽ taea matuwẽ Deus benimashanikiki— aka

Kashinawa : Diosun Jesúswen taexun yuba bena yiniki

³¹ Ja kachu yunua betsadan, jabe ketaxnidan, ninkawe: “Min jabube jiweabu duawadiakubainkanwen, ibubis man nui mekemis keska wakinan”, akin yuini ja yunuti dabe chibain man jaki chiti ikaiwen taea matuwen Dios benimaxanikiki— aka

Marcos 12:31 Referencias Cruzadas

Mateus 22:39

Ha inũ, ana ha katxu yunua betsarã, habiaska dabeski. Nĩkawe: “Mĩ habube hiweabu duawariakubaĩkãwẽ, ibubis mã nui mekemis keskairã”,

Mateus 7:12

Haska inũ, betsarã, tsuara miwẽ nuikĩ hau mia merabewashanũbũ matũ dukũ haska xinãkĩ uĩmakĩ hatu merabewakubaĩshãkãwẽ, haska wai nuikipakĩ mã kaneamakirã. Habias xinãwẽ Deusũ hãtxa yuishunikabubetã Moisés hatu yusĩnirã, haki dasi watã na habias yununi hakimama xinaĩ mã hatube merabenãkũkaĩshanaii— iwanã,

Marcos 12:32

Deusũ hãtxa kenenibu yusĩnanãmistũ Jesus yuikĩ: —Yusĩnaã, mĩ yusĩanã, peki. Txanima mĩ yui kayabiaii. Nũ abuhairaii. Txanima Epa Deus bestitũ nuku mekekubaĩtiruki, betsã nuku mekeamarã.

Lucas 10:27

yusĩmistũ Jesus yuikĩ: —Eska nuku keneshuniki: “Matũ xinã hirabiwẽ inũ, matũ kuxipa hirabiwẽ inũ, matũ yura hirabiwẽ matũ Shanẽ Ibu Deus duawakubaĩkãwẽ. Ha inũ, mĩ habube hiweabu duawariakubaĩkãwẽ, ibubis mã nui mekemis keskairã”, nuku waniki— aka

Gálatas 5:14

Ha inũ, Deusũ hawẽ nemati inũ hawẽ yunuti Moisés nuku yusĩmakĩ itxawani matu yuinũ nĩkairakãwẽ: “Mimebi mĩ nuimis keskawẽ huni betsa nuitapai hawaumawẽ nuikĩ hatu merabewakubaĩkãwẽ”, iwanã, Deusũ Moisés kenema nukũ shenipabu nuku yusĩshuniki.

1 João 4:21

Jesus Cristõ nuku yunukinã, eska yuiniki: “Tsuãra Deus abukinã, matubetã ikũwaĩburi hatuwẽ nuikĩ aburiakubaĩkãwẽ”, nuku waniki.