Marcos 10:19 - Kaxinawá Bíblia (BR)

¹⁹ Mianã, Deusũ yunuti inũ hawẽ nematirã, mĩ unãmamẽ? Eska yuinirã: “Aĩbu mĩ aĩma txutatimaki. Huni betsaki sinatakĩ tenãtimaki. Yumetsutimaki. Huni betsaki txanitxakatimaki. Parananãtimaki. Ha inũ, mĩ epa inũ mĩ ewa duawakubaĩtiki”— aka

Kashinawa : Diosun Jesúswen taexun yuba bena yiniki

¹⁹ Mianan, Diosun yunuti inun jawen nematidan, ¿min unanmamen? Eska yuinidan: “Ainbu min ainma chutatimaki. Juni betsaki sinatakin tenantimaki. Yumetsutimaki. Juni betsaki chanichakatimaki. Padananantimaki. Ja inun, min epa inun min ewa duawakubaintiki”— aka

Marcos 10:19 Referencias Cruzadas

Isaías 8:20

haskashanaibu tapĩkinã? Haska hakiri hãtxakĩ yukabiamisburã, habũ yuiairã, patapa unaĩsmapabuki!

Marcos 10:18

Jesusũ yuikĩ: —Haskakĩ ea kenakĩ: “Pepaã”, mĩ ea wai? Deus bestiki, peparã, mĩ unãmamẽ?

Lucas 18:20

Mianã, Deusũ yunuti inũ hawẽ nemati mĩ ma unaĩnã: “Aĩbu mĩ aĩma txutatimaki. Sinatakĩ yura betsa tenãtimaki. Yumetsutimaki. Yura betsaki txanitxakatimaki. Parananãtimaki. Ha inũ, mĩ epa inũ mĩ ewa hatu duawakubaĩtiki”— aka

Romanos 13:9

Haska inũ, yura betsawẽ nuikĩ hatu merabewakĩ Deusũ yunuti inũ hawẽ nemati dasibi mã txibãriakubainaii. Eskaki, matu yusĩnũ nĩkairakãwẽ. Deusũ hawẽ nemati yuikĩ: “Huni aĩyãbia aĩbu betsabe txutanametimaki. Aĩbu beneyabia huni betsabe txutanametimariki. Mimebi pubẽkĩ yura betsa kupikĩ tenãtimaki. Tsuãra hamapai yumetsutimaki. Tsuara hamapai mabu hawẽrua haya kemutapa betxitã hawẽ kemutaskayamashãkãwẽ”. Ana hãtxa huneama shabakabi uĩmatirã, Deusũ yunuti binu keyuarã, eska yuiniki: “Mimebi nui mĩ mekeai keskakĩ yura betsa mibe hiweawẽ nuikĩ mekekĩ hatu xinaĩrakubaĩkãwẽ”, aniki, Moisésnã.

Romanos 3:20

Deusũ hãtxa kenenibu tapĩmisshũ: “Eãnã, ẽ hawa kaneismaki”, ikĩ yui Deus unãti wamai pepatirubumaki. Hakia haska Deusũ hãtxa keneniburã, haska hawẽ nũ txakabuwakubaĩmis dasibibũ nũ hawẽ besti unãtirubuki.

Gálatas 4:21

Moisés yunuti inũ hawẽ nemati mã bemakis txibãmisbuũ, Moisés yusĩa mã nĩkaisbumamẽ?

Gálatas 5:14

Ha inũ, Deusũ hawẽ nemati inũ hawẽ yunuti Moisés nuku yusĩmakĩ itxawani matu yuinũ nĩkairakãwẽ: “Mimebi mĩ nuimis keskawẽ huni betsa nuitapai hawaumawẽ nuikĩ hatu merabewakubaĩkãwẽ”, iwanã, Deusũ Moisés kenema nukũ shenipabu nuku yusĩshuniki.

1 Tesalonicenses 4:6

Hanushũ bebũkiri nemakĩ haska nũ matu yuima ana nĩkairakãwẽ. Tsuabũra huni betsa parãkĩ hawẽ aĩ mekĩ hatu itxakawaibu Deusũ hatu kupishanikiki.

Santiago 2:11

Ha inũ, Deusũ Moisés hawẽ yusĩa kenemakĩ yuikĩ: “Aĩyãbia inũ beneyabia betsabe txutanametimaki”, ani inũ: “Matũmebi pubẽkĩ yura betsa tenãtimaki”, akĩ yuinikẽ hanua mã aĩyã inũ mã beneya yura betsabe mĩ txutanameamarã, haskai mã peaii. Hamẽ haskabiai huni betsa tenãkĩ Deusũ yusĩaki meseama patapakĩ mã kanekubainaii.