Marcos 10:17 - Kaxinawá Bíblia (BR)

¹⁷ Hanua Jesus ana kaĩkainaya huni betsa kuxikirã haki nukutã ha bebũ dãti itã yukakĩ: —Yusĩnã pepaã, Mia yukapa? Hiwea kayabi bikinã, haska kayatã ẽ bitirumẽ? Ea yuiwe— aka

Kashinawa : Diosun Jesúswen taexun yuba bena yiniki

¹⁷ Janua Jesús ana kainkainaya juni betsa kushikidan jaki nukutan ja bebun danti itan yukakin: —Yusinan pepaan, ¿Mia yukapa? Jiwea kayabi bikinan, ¿jaska kayatan en bitidumen? Ea yuiwe— aka

Marcos 10:17 Referencias Cruzadas

Daniel 6:10

hawẽ yunuti hãtxa bena hawẽ kena kenekĩ Dariõ ma mestẽwãshina Daniel nĩkatã hawẽ hiwe anu kai hikishũ hanu ushamis dĩtu anu Jerusalémkiri uiã shui bepẽ keyutã shaba tibi dabe inũ bestiki Deusbe haskakũkaĩmis keskai hãtxanũ ika dãti ishũ hawẽ huiwẽ kẽwãkĩ Deusũ merabewati yukakĩ taewaya

Mateus 17:14

Hanua Pedro inũ, Tiago inũ, João Jesusbe hui hanu yurã kaiãki nukutuxiaya habianuri huni betsa hukirã Jesus bebũ dãti ishũ yuikĩ:

Mateus 25:34

Hanua ẽ shanẽ ibuhairatũ enabu ẽ yusiuri ẽ hatu nitxiã mapuabu hatu yuikĩ: “Ẽ Epã mai damiwakĩ taewakĩ matu habe hiwemakatsi matu katunishũ natiã matu ma kenaikiki. Habe hiweri bekãwẽ, matu duawai benimaikikirã.

Mateus 28:8

aĩbu dabe maiwati tãpe anua uĩtã datei tashnibaini benimatxakayamai kuxibaini hawẽ tsumabu yui buaibũ

Marcos 1:40

Hanua huni hawẽ yuraki txami betsani Jesuski nukutã dãti ishũ yuikĩ: —Ea kayawakatsis ikĩ mĩ ea kayawatiruki— aka

Marcos 10:18

Jesusũ yuikĩ: —Haskakĩ ea kenakĩ: “Pepaã”, mĩ ea wai? Deus bestiki, peparã, mĩ unãmamẽ?

Marcos 12:14

haki beparamebaĩ yuikĩ: —Yusĩnaã, yura betsabu miki sinatabiaya hawa hatuki dateama ikũ hãtxa besti yusĩkĩ haska wakĩ Deus txibãtirubu besti mĩ hatu shabakabi yusĩkubainairã, nũ unaiĩ. Haskawẽ taeshunã, haskara mĩ xinaĩmẽkaĩ mia yukapa? Ha Romano shanẽ ibu Césarn nuku pei yukamisrã, haska wanãshãpa? Pakanãshãpa? Pakatimaraka?— akaibu

Marcos 9:25

yurã kaiã itxabirãbiranaibũ uĩkĩ Jesusũ yushĩ txakabu yuikĩ: —Yushĩ pata wakĩ inũ huyu wamistuũ, ha huni bake meranua kaĩrikaĩtãwẽ. Txĩtũkirã ana haki hikiyamashãwẽ— akaya

Lucas 10:25

mapushũ nĩkaibũ Moisés keneni yusĩnanãmistũ Jesus unãti wanũ ika benikawã yukakĩ: —Yusĩnaã, hiwea kayabi bikatsi ikĩ Deus benimawakĩ haska washãpa?— aka

João 5:39

Haskakẽ matunã, ha txibaĩ hiwei ikibi iti hãtxa kenenibu betxinũ, iwanã, Deusũ hãtxa yuishunikabũ kenenibu anua mã benakubaĩmiski. Hakia habias kenewẽ ekiri yuinibu uĩbiakinã,

João 6:40

Dasibibũ Deusũ bake xinãkubaĩkĩ ikũwaĩ hiwekuĩa ma hayabuwẽ taeshũ hawẽ heneai shabatiã ẽ hatu bestẽwãshanaii, haska ẽ Epã xinaĩ yubakani keska meneshũkinã— hatu wakĩ

Hechos 16:30

hanushũ kaĩmatã hatu yukakĩ: —Shanẽ ibubuũ, hanu kupiaitiã ẽ Deus daewakatsis ikaii. Haskapa, hau ea mekeshanunã?— hatu wa

Hechos 2:37

hanu hatube itxabũ nĩkai haskatimẽ? ika hatũ huĩti nixmahairai bika tenekĩ xinãkĩ Pedro inũ Jesusũ tsuma kuxipaya betsabu hatu yukakĩ: —Betsabuũ, haskatã nũ haskatirumẽ?— hatu wabu

Hechos 20:32

—Ẽ betsabu inũ ẽ puibuũ, ẽ matu hãtxa wai ma hatishũ ẽ matu keyuai nĩkakãwẽ. Natiã Deus ẽ matu yukashunaii. Hawẽ hãtxa pepa nuimis mã unãyã haska dasibi yubakani Deus matuwẽ dayakĩ hawẽ kuxipawẽ matu amashanikiki, mã hawenabu meribi ewai unãnepanũbunã— itã

Hechos 9:6

Benikaini kai Damasco anu karitãwẽ, harishũ mĩ haskakũkaĩshanai tsuãra mia yuishanikikirã— akaya

Romanos 2:7

Deusũ hau nuku kẽwãshanũ hiwekuĩkatsi nũ hatiritũ hawẽ hãtxa txibãkĩ heneama pepawakubainaibu pepawẽ manakukĩ mekekĩ nai anu Jesusbe Deusũ nuku hiwekuĩmashanikiki, ikibi imakinã, nũ habu haska hiwekatsi benamisburã.

Romanos 6:23

Haskakẽ tsuabũra txakabuwakubaĩmisbu hatũ kupitirã, Deusũ meketi hayama mawa kayabi bishãkanikiki. Hakia nukũ Shanẽ Ibu Jesus Cristo nũ ikũwaĩ nũ haki dasikẽ hawẽ taeshũ Deusũ nukũ hiwekuĩti pepa inã nukũ Shanẽ Ibube dasitã nũ habe hiwei ikibi ishanaii.

Efésios 1:18

Deus matu yukashũkinã, Deusũ hau matũ xinã hunemawatã shabakabi nĩkamakĩ manakamanũ inũ, hau tsuabura hawenabu kayabi katutã hawẽ pepawẽ duahairawakĩ matu unãmashanũ ẽ matu yukashũmiski.

Tito 3:7

Nukũmebi nũ Deus hawa pepa ashũtirumabiakẽ duapa nukuwẽ nuikĩ nukũ txakabu nuku buashũtã hawẽ pepawẽ hawẽ hiwekuĩti nũ bishanai nũ hawẽ manakanũ hawẽ Yushĩ Pepa nukuki dasiwaniki.

Hebreus 1:14

Ha inũ, Deusũ hawenabu kayabi habũ hiwea ikibi ika bitã nũ pashashanaibu nuku yauxikĩ hawẽ nai tsumabũ hau nuku mekekubainũbũ Epa Deusũ hatu yunukubaĩmiski. Dasibi Deusũ nai tsumaburã, yushĩki, habũ Deusũ daya ashũmisburã.

1 Pedro 1:4

Nai anu hawa yamatiruma inũ, mexu tsamitiruma inũ, hawa txapui niri itiruma Deus matuki tanatã hawara pepa aruni Jesus Cristõ hawẽ manakukĩ matu inãkeakeshanikiki, mã hawẽ hiweshanũbunã.

1 João 2:25

Haska Jesus Cristõ ma nuku yubabaini nũ ma haya hawẽ taea hiwei ikibi ika nũ ipashanaii.