Malaquias 4:6 - Kaxinawá Bíblia (BR)

⁶ Elias hushũ epabu inũ habũ huni bakebu sinatanameaibu pewakĩ hatu daenamemakubaĩshanikiki, hatũ shinã betsa wamakinã. Hamẽ Elias hushũ matunabu yusĩkĩ pewamakẽ hakia ea kayabis hushũ matũ mai pakea dasibi kupikĩ ẽ matu yamawakĩ keyui hushanaii”, akĩ Senhor Deusũ hatu yui txani keyunikiaki.

Malaquias 4:6 Referencias Cruzadas

Isaías 11:4

Hakia nuitapai babubu hatu merabewakinã, yunuti pepa kushipawẽ hatu unãti wakĩ haska betsabũ hatu itxakawaibu hatu nemashũkĩ ha nuitapaibu hatũ mai pakea anua hatu pewashũshanikiki. Hawẽ hãtxa mestẽti kushipa keskawẽ mai anushũ habũ hatu detenamemaibu hatu kupishanikiki. Hawẽ hãtxa kushipawẽ huni txakabubu hatu tenãshanikiki.

Isaías 40:3

haniara hui tashni sai ikĩ yuikĩ: “Hanu tsua hiweabumanu bai pewakĩ Shanẽ Ibũ bai pesashũshãkãwẽ. Hanu hawa hayamahaira anu bai yushtuma wakĩ kayatapĩbaĩkĩ nukũ Deus bai pewashũshãkãwẽ.

Isaías 43:28

Ẽ Templo shanẽ ibu mekenikabũ atimapa wakĩ ea txibã pewabumakẽ ẽ hatu beshtekubainiki. Na haska tibiwẽ taeshũ Jacó enabu mã Israelbu hau matuki kashekĩ nuitapa wayunũbũ hatu yunukĩ ẽ matu heneniki”, itã,

Isaías 61:2

Ea ẽ Senhor Deus ha baritiã ẽ hatuwẽ nuikĩ ẽ hatu merabewashanai hatuki txanitãwẽ. Ha shabatianã, nukũ Deus ha nukuki sinatamisbu nuku hatu kupishũshanikiki, iki hatuki txanirã. Dasibi punu nukabu hatu merabewakĩ ea hatu daewashũtãwẽ.

Mateus 22:7

hanua shanẽ ibu sinatahairakĩ hau hawẽ soldadobũ ha sinatapabu tenãtã hatũ mae tibi hau kuabaũtanũbũ hatu yunutã

Marcos 11:21

Jesusũ haska yuiai nĩkaxĩshũ Pedrõ xinãkĩ Jesus yuikĩ: —Uĩa. Yusĩnaã, ha hi bimiuma mĩ yupuxinarã, ma shanaxinabĩ— akaya

Lucas 1:76

hanua epaã, miarã, ‘Deus dasibi binu keyuatũ yuishunikaki’, iwanã, mia kenashãkanikiki. Hanu nukũ Shanẽ Ibu Messias hushanai bebũkiri hawẽ bai mĩ hatu pewamashũshanaii,

Hebreus 6:8

Hakia mai betsa anu Deusũ ui imabia yurabũ yunu banaimabu maĩ yumewama txaka inũ musha bestikẽ ha mai txakabu Deusũ danãkĩ yupumisshũ hawẽ henekĩ kuashanikiki. Jesus ikũwãkĩ henetã Deus dayashũtxakaiburã, ha mai keskabuki.

Apocalipse 19:15

Ha Shanẽ Ibu kairã, shanẽ ibu yununika mane kuxatia inũ hawẽ hashpa anu nupe txaipa kenuhaira kaĩa tukũwã hawẽ habũ Deus nĩkaisbuma mai hirabi anuabube hatube detenamei kairã, haskawẽ taea ha Shanẽ Ibu kayabistũ hamebi ha hatuki Deus sinatai hatu uĩmakĩ haska uva vinho tsinikĩ pema pema amisbu keska wakĩ Deus kuxipa binu keyuatũ hawẽ pubẽ pae hatu memai kaikiki.

Apocalipse 22:3

Ha inũ, Deusũ mae anu hawa yupukunãti hayamaki. Ha inũ, shanẽ ibu haki tsauti anua Deus inũ hawẽ bake txashuwã bake tsauwabũ ha mae merãshũ Deusunabũ habũ hatu kẽwãkubaĩshãkanikiki.