Malaquias 4:3 - Kaxinawá Bíblia (BR)

³ Ha shabatiã ẽ matu pewashũkubainai huni txakabubu mã pema pema akubaĩshanaii, mai mishpu pema keska wakinã.

Malaquias 4:3 Referencias Cruzadas

Jó 40:12

Tsuabura ibubis keĩ hãtxamisbu hatu uĩ bestikĩ di akawakĩ hatu beshtewe. Hanira hunibu txakabu mĩ hatuki nukuairã, hatu txusha keska wakĩ dake wakĩ hatu beshtewe.

Salmos 91:13

Inu betsa leão anu inũ, yuinaka mese atimapa anu inũ, dunu pianãbu anu mĩ nibiakauanai mia habũ meama ishãkanikiki.

Miquéias 5:8

Haskabiaibũ yuinaka shukua inu betsa leãonẽ hatu atxitiruki. Ina txashuwã shukuaburi hatu atxiriakĩ hawa betsa heneama tetsã akĩ tenãmisbu keskai yurabu shukuabu betsa betsapa mirima anu Jacó enabu hiwebaunabu habiaskariai kushipariashãkanikiki.

Miquéias 7:10

Eki sinataibũ ea bika wakĩ yukakĩ: “Mĩ Mekenika Senhor Deusrã, hanimẽ? Huama daka? mia merabewairã”, ea akubainimabũ Senhor Deusũ hatu maemai uĩriashãkanikiki, haska hãtxa txakabu kaĩkaĩkĩ hatu dakewarã. Baiwẽ kakĩ pupus pema pema aka keska wakĩ hatu kupiaya hatu haska wai uĩ ẽ shinã txãkãshanaii.

Malaquias 3:17

Haskawẽ taeshũ Senhor Deus kushipahaira dasibi binu keyuatũ matu banabimakĩ yuikĩ: “Israelĩ enabu hau ea anu ana txĩtũshanũbũ shaba betsa ẽ hatu pewashũkubainaii. Huni betsa hawẽ huni bakẽ hawẽ epa dayai merabewakubainai hawẽ epa hawẽ nuimis keskai eari enabuwẽ ẽ ana nuishanaii, matũ txakabu ana shinãmarã.

Romanos 16:20

Mã haskai hiweawẽ taeshũ nukũ Epa Deusũ nuku unãnuma hiwemamistũ matu merabewaya mã Satanás txitekĩ ha aka hawaira babutã matũ mae anua kaĩkaĩshanikiki. Mã haska waya nukũ Shanẽ Ibu Jesus Cristõ hawẽ pepawẽ hau matu unãnuma hiwemakubainũwẽ.

Apocalipse 11:15

Ha sete nai tsumabu hawẽ heneatũ trombeta txã akai ẽ nĩkaya nai anua hui kuxipawẽ habũ kẽwãkĩ yuikĩ: “Nukũ Shanẽ Ibu Deus inũ hawẽ bake Messias Jesus Cristo besti natiã mai hirabi anu ha besti shanẽ ibukĩ hatu mekekubaĩshanikiki, niti ikamarã”, ikaibũ

Apocalipse 14:20

Hanushũ mae benãta uva bimiki paikĩ hawẽ hene bimisbu keska wakĩ Deusũ habũ himi habamakĩ bai mata keska wakĩ cavalo hawẽ kui anu kesũbaĩkĩ 300 quilômetro habamabaĩshanai ẽ uĩshuki.