Malaquias 3:8 - Kaxinawá Bíblia (BR)

⁸ eãri matu yukakĩ: ‘Huni parananãkĩ tsuã Deus anua yumetsutirumẽ?’ mã ea wa matu kemakĩ: Txanima mã ea parãkĩ meribi betsa enabiakẽ mã ea yumetsũmisbuki. Haskabia mã ea ana yukakĩ: ‘Hawa mia parãkĩ nũ mia yumetsumismẽ?’ mã ea wa ẽ matu yuiai ea nĩkakãwẽ. Hawara hau ea menushũbũ inũ, matũ bai anushũ ma tseka meribi dízimo ea inãti inũ, ea inãkuĩti enabiakẽ yaushikĩ eskarabes ea inãkĩ mã ea yumetsukubaĩmisbuki.

Malaquias 3:8 Referencias Cruzadas

Provérbios 11:24

Tsuabura hawa yaushiama hawẽ hawara pashkatã inananãmisbu hatu inãmisbu binumakĩ itxapa bikubaĩmisbuki. Hakia inananãma yaushimisbu hawa hayamai nuitapamisbuki.

Isaías 43:23

Ea benimawakĩ txashuwã mã ea menushunama inũ ea duawakĩ mã ana ea hawa inãkuĩsmaki. Mã ekiri hakimaya ana matũ inãkuĩ inũ sheni ininipa: ‘Ea inãkãwẽ’, iwanã, matu bika wai: ‘Menã, menã’, ikĩ ẽ matu yukama ikũkainimaki.

Malaquias 1:13

Hakia matũ ana yuikĩ: ‘Ha dasibi Deus nũ ashũmiswẽ taea bika tenekĩ nũ ma hatsãki’, ikĩ mã ea danãmaii. Ea haska wabiakĩ ea benimawatanũ ishũ inabu minama yumetsukirã inũ, ina awa tiribu inũ, ina betsa isĩ teneaibu ea inãnũ, iwanã, mã ea beshũkubainaii.

Mateus 22:21

habũ yuikĩ: —Romano shanẽ ibu Césarnaki— akabu hanushũ Jesusũri hatu yuikĩ: —Césarnawẽ taeshũ matũ shanẽ ibu César duawakĩ hawẽ governo dayashũmisbu pei hatu inãshũkubaĩkãwẽ. Hakia Deusri duawakĩ hawẽ yusĩa txibãkĩ hawara abuai ashũriakubaĩkãwẽ— hatu wa

Marcos 12:17

Jesusũri hatu yuikĩ: —Imperador Césarnawẽ taeshũ matũ shanẽ ibu duawakĩ hawẽ governo dayashũmisbu pei hatu inãshũkubaĩkãwẽ. Hakia Deusri duawakĩ hawẽ yusĩa txibãkĩ hawara abuai ashũriakubaĩkãwẽ— hatu waya —Nũ haska washũ parãtirumaki— iki e itã ana hawa yuitima buaibũ

Lucas 20:25

Jesusũ hatu yuikĩ: —Césarnawẽ taeshũ matũ shanẽ ibu César duawakĩ hawẽ governo dayashũmisbu pei hatu inãshũkubaĩkãwẽ. Hakia Deusri duawakĩ hawẽ yusĩa txibãkĩ hawara abuai ashũriakubaĩkãwẽ— hatu waya

Romanos 13:7

Ha inũ, haska tibi governo shanẽ ibũ daya haya tibi ashũkubaĩkãwẽ. Hawẽ merabewati pei hawara mabu bikĩ inũ mae betsa anu piskumakĩ shanẽ ibu hau imposto pakanũbũwẽ. Shanẽ ibu duawai hau haki mesenũbũwẽ. Ha inũ, shanẽ ibubukiri xinã txakama xinã pewakubaĩkãwẽ.

Romanos 2:22

Haska inũ, hunibu hawẽ aĩmabe hau txutanameyamanũbũ, aĩbuaiburi hawẽ benemabe hau txutanameyamanũbũ, iwanã, nemakĩ hatu yusĩbiamis haskakĩ kanekĩ mã habiaskari akĩ txakabuwamismẽ? Haska inũ, yushĩ dami betsa kẽwãma mã danãhairabiamis dami itsa hawẽ kẽwãti templo anu mabu beabu mania yura betsã bitã hawẽ pei binũ itã inãnãnaĩ mã yumetsumiski.

Josué 7:11

Minabũ txakabuwakĩ ma kaneshinabuki, ẽ hatube yubakabiani ea txibãkĩ ashũkĩ pewama kanekinã. “Ha mae anua mane mabu ena bishũtã mabu betsa kua keyukãwẽ”, mĩ hatu wabia haska txakabu unãbiakĩ ouro inũ pei heshe inũ tari hawẽrua hune yumetsushũ hawena wakĩ bushũ hatũ mae anu hunebaĩ arushinabuki.