Malaquias 3:6 - Kaxinawá Bíblia (BR)

⁶ “Ea ẽ Senhor Deus maei ẽ hawa betsaismaki. Mã Jacó enabuwẽ taeshũ ẽ matu yamawakatsi ismaki.

Malaquias 3:6 Referencias Cruzadas

Gênesis 15:18

habiatiãri Senhor Deusũ Abrão yubakĩ yuikĩ: —Egito anu pashkuwẽ pakea inũ hene ewapa hawẽ kena Eufrates namakis na mai hirabi minabu ẽ hatu inãkĩ ibu wamanũbariaii. Queneu nawabu inũ, Quenezeu nawabu inũ, Cadmoneu nawabu inũ, Heteu nawabu inũ, Ferezeu nawabu inũ, Refain nawabu inũ, Amorreu nawabu inũ, Canaã nawabu inũ, Girgaseu nawabu inũ, Jebuseu nawaburã, habu hiwebiabũ hatu kaĩmakĩ mebĩtã minabu hanu ha mai ẽ hatu ibu wamashanaii— anikiaki.

Gênesis 15:7

ana yuikĩ: —Earã, ẽ Senhor Deuski. Na mai mĩ bĩshanũ mia inãkatsi ikĩ mĩ mae Ur Caldéia mai pakea anua ẽ mia iweniki— aka

Isaías 41:13

Hakia earã, Senhor Deus ẽ matũ mekenikatũ matu metsũtã yuikĩ: ‘Ana hawa dateyamakãwẽ, ẽ matu merabewakubainaiwẽ taearã’ ”, akĩ

Isaías 44:6

Senhor Deus Israelĩ shanẽ ibu inũ hatũ merabenanika dasibi binuatũ yuikĩ: “Earã, ea dukũ ẽ hiweni inũ ẽ hawẽ henea debesekeaki. Tsuã ea binua Deus kayabi betsa hayamaki.

Isaías 46:4

Matu haska wamis shũ heneama mestebui mã buyabis bushka hushubiaya ẽ matu mekeriakubaĩshanaii. Eã matu dami wanishũ hawa matu heneama ẽ matube merabemisrã, eanã, matu tsumakubaĩkĩ ẽ matu piskumashanaii.

Daniel 6:26

Hanira ẽ hatu yunubaũmis anushũ Danielĩ mekenika Deus hawa danãma hau haki mesekĩ unãkubaĩshanũbũ matu dasibi ẽ hãtxa ẽ matu yunuaii. Danielĩ mekenika Deus hiweaki, ikibi ikarã. Shanẽ ibukũkainai tsuã keyukĩ yamawatirumaki, hawẽ kushipa hawa keyutirumarã.

Habacuque 1:12

nĩkatã eã Senhor Deus yuikĩ: “Senhor Deusuũ, ẽ Mekenika Deus meribi mawatiruma mĩ hiwei ikibi ika ẽ unaiĩ. Ẽ Mekenika Senhor Deusuũ, Israelĩ enabu txakabumisbu hau mia hatu kupishũshanũbũ Caldéia nawabu mĩ hatu kushipa waniki.

Números 23:19

Yurabu hiwebia mawamisbu keskama Deus txanitxakaismaki. Ha inũ, hawẽ shinã betsa waismaki. Hawara yuishũ amiski. Hawara yubakashũ akĩ keyumiski.

Romanos 5:10

Haska inũ, Deus dasibi yurabuki sinataya nũ habe haibunameriamabiakẽ hawẽ Epa daewakĩ nukũ kupiti nuku bishuĩ Cristo nuku mawashũkĩ nukũ txakabu bua keyukĩ ana xinãtima watã pepa keskabu nuku waniki. Hawẽ bake hiwekũkaĩkĩ txanima nuku mekeshanikiki, nũ ma Deusũ haibuaibukenã.

Filipenses 1:6

Eã ẽ matukiri xinãnã, haska Deusũ hawẽ daya matu anushũ taewanishũ haska abuai keska mã ikũwaĩ Jesusũ matu hiwemakubaĩkĩ niti akama matu pepa wakubaĩshanikiki, hanu Jesus Cristo txĩtũkiranaitianã.

Hebreus 13:8

Ha inũ, Jesus Cristorã, hawa maei betsaisma habiaskaski, uatiã inũ, natiã ikai inũ, ipakeshanairã.

Hebreus 6:18

Haska Deus yubakamis yubanametã maewai txani txakaismawẽ taea hawẽ nukuwẽ nuishanai nũ haki irushanũbũ ha ikũwãkĩ manakanãkãwẽ, nuku ashũshanikikirã, hawẽ taea yubakaniwenã.

Santiago 1:17

Nukũ Epa Deusũ bari inũ ushe inũ bixi damiwanitũ hawẽ xinã betsa betsapa waisma inũ hakiri hawa huneamawẽ taea haska tibi hawa txakabuma pepa besti hanua huai nuku inãkubainikiki.

Apocalipse 1:8

Hanua mai hayariama nukũ Shanẽ Ibu Deus dasibi kuxipahaira hiwea haya inũ, natiã hiwekũkainai inũ, ana hushanaitũ ea yuikĩ: “Ea dukũ ẽ hiweni inũ ẽ hawẽ henea debesekeaki”, ea washuki.

Apocalipse 22:13

Ea dukũ ẽ tashnini inũ ẽ hawẽ henea debesekeaki. Ha inũ, earã, ea dukũ ẽ ini niti ikama ẽ hawẽ heneaki. Ha inũ, ea dukũ ẽ ini niti ikama ẽ hiwepakeshanaii”, ea washuki.

1 Samuel 15:29

Txanima Deusũ hawẽ kushipawẽ Israelĩ enabu hatu duawakubaĩmis txanitxakaisma inũ hawẽ shinã betsa waismaki, huni betsa betsapabũ hatũ shinã betsa wamisbu keskamarã— aka