Malaquias 3:13 - Kaxinawá Bíblia (BR)

¹³ Senhor Deusũ ana hatu yuikĩ: “Hãtxa kushipawẽ shabakabi mã ea yuãkubirãmiski, ẽ matu wa ea kemakĩ: ‘Hawa mikiri hãtxa kushipawẽ nũ mia yuãmismẽ?’ akĩ mã ea yukamisbuki.

Malaquias 3:13 Referencias Cruzadas

Jó 40:8

Miã ea txitekinã, kanekĩ ẽ txakabuwaima miã mĩ ea yuiai? Hanua mia ikirã, dasibibu bebũ hawa txakabuwaisma mĩ kaĩkatsis ikai?

Êxodo 5:2

hatũ hãtxa nĩkabiakĩ hawa hatu tapĩkatsis ikama Faraónẽ hatu yuikĩ: —Matũ mekenika Senhor Deus tsuamẽ? ha nĩkatã eã Israelĩ enabu ẽ nitxinunã. Ha matũ mekenika ẽ unãma inũ matunabu besi buaibu ẽ hatu nitxiãmahairaki— hatu wa

Isaías 46:12

Hunibu huĩti kushibuũ, ea nĩkakãwẽ. Mã haska shinãmabiakẽ nawabu anua ẽ matu tashnimashanai ana txaihairamaki.

Ezequiel 18:25

Ea ẽ pepa bestiwẽ ẽ matu mekebia matũ shinã txakakĩ mã ea txitemisrã, matu yuinũ nĩkakãwẽ. Matũ yuikĩ: ‘Senhor Deusũ nuku pewakubainamaki’, mã ikaii. Hakia mã Israelĩ enaburã, ẽ eamaki, txakaburã. Hakia ea binumakĩ ea nĩkama mã txakabuwamisbuki.

Malaquias 2:14

Hakia: “Haskakĩ nukũ inãkuĩ nami Senhor Deusũ nuku dananaĩ ikimẽkaĩ?” ika mã yuka ikairã. Eskaki, matu yuinũ nĩkakãwẽ. Berunã aĩyãtã hawa heneama habe hiwekũkaĩkatsi mĩ habe yubakabiani mĩ haska habe yubakani habe hiwei ikibi ikama itxakawakĩ putai mimebi mĩ parananaĩ Senhor Deusũ matu uĩkĩ unaĩwẽ taeshũ matu danãkubainikiki.

Malaquias 2:17

Senhor Deusũ matũ hãtxa nĩkai ma matuki txikishi hatsãhairabiakẽ nĩkamas matũ ana yukakĩ: “Nuku nĩkai hau hatsanũ hawa nũ hãtxa txakabu yuiai?” iwanã, mã yukakubainaii. Hakia matũ yuikĩ: “Nũ txakabu wabiaya Senhor Deus nukuwẽ benimaikiki, shinã txãkainã”, iwanã, hãtxakĩ mã yuikubainaii. Hakia matuburã, Deus pepama dabanẽ mã ikũkainaii, hawa ikũwãmarã.

Malaquias 3:12

Matũ mai pakea hawẽruahairawẽ taeshũ uĩkĩ yurabu shukuabu tibi hiwebaunabũ matukiri yuikĩ: ‘Deusũ hatu benimawakĩ hatu duahairawakubainikiki’, akĩ matu yuikubaũshãkanikiki. Eska ea Senhor Deus kushipahaira dasibi binu keyuatũ ẽ matu yuiai nĩkakãwẽ”, itã,

Malaquias 3:14

Eska shinaĩ mã hãtxanamemisbuki: ‘Deus duawai nũ dayashũbiakũkainai nũ hamẽki, hawamarã. Haska nuku yunumis akubaini nukũ txakabuwẽ dakekĩ tari besha sawea Senhor Deus kushipahaira dasibi binu keyua bebũ nũ hiwekũkainairã, hawa nuku manakukĩ inã nũ bishanai?

Malaquias 3:8

eãri matu yukakĩ: ‘Huni parananãkĩ tsuã Deus anua yumetsutirumẽ?’ mã ea wa matu kemakĩ: Txanima mã ea parãkĩ meribi betsa enabiakẽ mã ea yumetsũmisbuki. Haskabia mã ea ana yukakĩ: ‘Hawa mia parãkĩ nũ mia yumetsumismẽ?’ mã ea wa ẽ matu yuiai ea nĩkakãwẽ. Hawara hau ea menushũbũ inũ, matũ bai anushũ ma tseka meribi dízimo ea inãti inũ, ea inãkuĩti enabiakẽ yaushikĩ eskarabes ea inãkĩ mã ea yumetsukubaĩmisbuki.

Romanos 9:20

Ha inũ, matunã, haskakĩ Deusũ hamapai wamis hawẽ xinã unãmabia haska hawara wamiskiri txitekĩ mã yukatirumẽ? Na keskairã, mai kẽti hãtxakĩ mai mabu dami wanika yukakĩ yuikĩ: “Haskakĩ mĩ ea haska waimamẽ?” itirumaki.