Malaquias 1:6 - Kaxinawá Bíblia (BR)

⁶ Senhor Deus kushipahaira dasibi binu keyuatũ habe hawenabu hãtxashunikabu hatu yuikĩ: “Huni bakebũ hatũ epa nĩkakĩ hatu duawakubaĩmisbuki. Hawẽ tsumabũ hawẽ shanẽ ibu nĩkai haki datekubaĩmisbuki. Hakia earã, ẽ matũ Epa kayabiki. Haskakĩ ẽ hãtxa nĩkakĩ mã ea duawaismamẽ? Ha inũ, ẽ matũ shanẽ ibubiakẽ haskai ea nĩkai mã eki datekũkaĩsmamẽ? ẽ ibiaya ea danãbiakubaini hãtxa txakabukĩ yuikĩ: ‘Hawa haska wakĩ nũ mia danãmismẽ?’ mã ikaya

Malaquias 1:6 Referencias Cruzadas

Êxodo 20:12

Ha inũ, betsarã, matũ epa inũ matũ ewa duawakubaĩshãkãwẽ. Mã haska waibũ ha mai pakea anu iyushũ ẽ matu ibuwamashanai anushũ matu inũ matunabu pakubainaibu bari itxapa inãkĩ ẽ hatu duawakĩ pe hiwemapakeshanaii.

Provérbios 17:6

Anibubũ maiti hawẽrua keskarã, hawẽ bababu hayakubaĩmisbuki. Hatũ epabu pepabuwẽ taea hatũ bakebu kẽkubaĩmisbuki.

Isaías 1:2

Nai inũ maiĩ, matũ Senhor Deusũ matu yuiai nĩkakãwẽ. “Matũ bakebu ẽ hatu yumewabia habu huni ewatã hakia habũ ea danaĩ eki sinatakanikiki.

Isaías 43:23

Ea benimawakĩ txashuwã mã ea menushunama inũ ea duawakĩ mã ana ea hawa inãkuĩsmaki. Mã ekiri hakimaya ana matũ inãkuĩ inũ sheni ininipa: ‘Ea inãkãwẽ’, iwanã, matu bika wai: ‘Menã, menã’, ikĩ ẽ matu yukama ikũkainimaki.

Isaías 45:10

Ha inũ, tsuãra huni bake wani hawẽ ibubube ha itirumahairaki, mai anu hiwemaniwẽ taearã.

Isaías 64:7

Tsuã mia shinaĩ mibe hãtxai ana tsua hayabumaki. Hau mĩ hatu merabewanũ hawẽ bika tenekĩ mĩ kushipa benakĩ mia yukabumaki. Nukũ txakabuwẽ taea nuku henei nukuki petxitã ana nuku merabewai hãtxama mĩ huneaki.

Isaías 64:8

Nũ haskabiakenã, Senhor Deusuũ, mĩ nukũ epaki. Nukurã, nũ mapu keskaki. Hamẽ miarã, mĩ mapu dami wanika keskaki. Nuku dasibirã, habia miã mĩ nuku dami waniki.

Malaquias 2:1

“Ebe matunabu hãtxashunikabuũ, ana ea Senhor Deusũ ẽ matu hãtxa wai nĩkakãwẽ.

Malaquias 2:10

Israelĩ enabu huni dasibibuũ, ẽ ea Malaquiasĩ matu yuinũ ea nĩkakãwẽ. Nuku dasibirã, nũ Epa bestitxai hayamamẽ, dasibi dami wanitũ nuku katunirã? Haskai nukubu nukumebi nũ parananãbukũmisbumẽ, haska Deus nukũ shenipabube yubakani danãkĩ txakabuwairã?

Malaquias 2:8

Hakia ebe matunabu hãtxashunikabuũ, hiwea pepa ea anua mã ma ea pashkabuki. Mã hatu yusĩ txakaiwẽ taeshũ yura itxapabu benukanikiki. Haska wakĩ ẽ Levibe yubakani matubũ txakabuwakĩ mã atimapawaii.

Malaquias 3:5

Senhor Deus kushipa dasibi binu keyuatũ ana matu yuikĩ: “Eã matu unãti watã txakabu inũ pepabu matu kupi ẽ hushanaii, eska hiwemisburã: yushĩ txakabũ kushipa hayabu inũ, hawẽ aĩma inũ hawẽ benemabe txutanamebaũmisbu inũ, yura betsa yubakai txanitxakamisbu inũ, tsuãra dayarubu inũ aĩbuaibu ma hawẽ bene mawabu inũ bakeishta ibuumabu itxakawakubaĩmisbu inũ, nawa betsabu beaibu hatu itxakawamisbu inũ, ewẽ datei ea nĩkaisbuma hatũ txakabuwẽ taeshũ ẽ hatu kupi hushanaii”, iwanã,

Mateus 15:4

Haska Deusũ yuini matu yuikĩ xinãmanũ nĩkakãwẽ. “Matũ epa inũ matũ ewa merabewakĩ hatu duawakubaĩshãkãwẽ. Hakia matũ ibubu mã hatu itxakawaya hau matu tenãshanũbũwẽ”, akĩ yunubianikẽ

Mateus 15:6

ana hatu yusĩkĩ hau hatũ ibubu ana hatu duawakĩ merabewayamanũbũ pepaibu haska nemakĩ mã hatu beshtekubaĩmiski. Haska wakĩ Deusũ yununi danãkĩ matũ beya betsa betsapa besti mã txibãkubainaii— iwanã

Mateus 19:19

Matũ ibubu duawakubaĩtiki. Haska inũ, mĩ habube hiweabu duawariakubaĩkãwẽ, ibubis nui mã mekemis keskairã— aka

Mateus 6:9

Eska watiki, dayuikinã: —Nukũ Epa nai anuatuũ, mĩ kena meribirã, mia duawakĩ hau mia kẽwãkubainũbũwẽ.

Mateus 7:21

—Ha inũ, tsuabũra hatũ kesha bestiwẽ ea kenakĩ: “Shanẽ Ibuũ, Shanẽ Ibuũ”, ea wabiakĩ haska xinaĩsbumarã, habũ ẽ Epã hãtxa txibãma nai anu nukube hiweama ishãkanikiki. Hakia ẽ Epa nai anuatũ hawara yununi inũ abuai txibãkĩ akubaĩmisbu besti nukube hiweshãkanikiki.

Marcos 10:19

Mianã, Deusũ yunuti inũ hawẽ nematirã, mĩ unãmamẽ? Eska yuinirã: “Aĩbu mĩ aĩma txutatimaki. Huni betsaki sinatakĩ tenãtimaki. Yumetsutimaki. Huni betsaki txanitxakatimaki. Parananãtimaki. Ha inũ, mĩ epa inũ mĩ ewa duawakubaĩtiki”— aka

Marcos 7:10

Eska Moisés yununi ana matu xinãmanũ nĩkakãwẽ: “Matũ epa inũ matũ ewa merabewakĩ hatu duawakubaĩkãwẽ. Hakia matũ ibubu mã hatu itxakawaya hau matũ shanẽ ibubũ matu tenãshanũbũwẽ”, abianikẽ

Lucas 10:29

ibubis penũ ishũ Jesus yukakĩ: —Ẽ habube hiwearã, tsuabumẽ?— aka

Lucas 18:20

Mianã, Deusũ yunuti inũ hawẽ nemati mĩ ma unaĩnã: “Aĩbu mĩ aĩma txutatimaki. Sinatakĩ yura betsa tenãtimaki. Yumetsutimaki. Yura betsaki txanitxakatimaki. Parananãtimaki. Ha inũ, mĩ epa inũ mĩ ewa hatu duawakubaĩtiki”— aka

Lucas 6:36

matũ Epa Deus nuikipa keskai nuikipariakubaĩkãwẽ— iwanã,

Lucas 6:46

Jesusũ hatu yusĩkubaĩkĩ yuikĩ: —Shanẽ Ibuũ, Shanẽ Ibuũ, akĩ mã ea kenabiamis haskakĩ ẽ matu yusĩa mã aismamẽ?

Efésios 6:2

Ha dukũ nuku yubakĩ Deusũ yununirã, eska hayaki: “Matũ epa inũ matũ ewa kẽwãkĩ duawakubaĩkãwẽ,

1 Pedro 1:17

Habiaskari wakĩ yurabu betsa betsapa dasibi uĩkĩ hatũ xinã tibi inũ haska wamisbu tibi kaneama Deusũ unãti washanaiwẽ taeshũ Deus dayuikĩ: “Epaã, ea mekewe”, aki bari tibi matũ hiweawẽ duawakĩ kẽwaĩ haki mesekubaĩkãwẽ.