Malaquias 1:14 - Kaxinawá Bíblia (BR)

¹⁴ Hawẽ txashuwã shukuabu anua txashuwã bene pepa hawa isĩ teneama mã tsuara haya ea yubabiaimashũ hakia txipu txashuwã txakabu beshũ ea inãkĩ matu menumakĩ ea matu parãmaibu ha huni txakabuwamanikarã, kupikĩ ẽ yupushanaii. Hanua betsarã, nawa shukua betsa betsapa ewẽ datekubaĩkanikiki, matu keskamarã. Shanẽ ibuhairatũ shanẽ ibu dasibi binu keyuarã, ẽ eaki. Ea paranũ, iwanã, hau shinãyamakubainũbũwẽ”, akĩ Senhor Deus kushipahaira dasibi binu keyuatũ haska matu yuikiki.

Malaquias 1:14 Referencias Cruzadas

Daniel 4:37

Ibubis kẽkubainaibu hatu nese wakĩ pepa wamis inũ txanima akubaĩmiswẽ taeshũ nai anu shanẽ ibu Deus duawakĩ hawẽ hãtxa nĩkakĩ ea ẽ Nabucodonosorĩ pepawakĩ shabakabi ẽ kẽwãkubainaii”, hatu wani unanuma hiwekũkaini mawanikiaki.

Malaquias 1:11

Yura shukuabu tibi matunabuma mai hirabi anu manibauna ewẽ datekĩ hanira hiwebaunabu anushũ ea kẽwãkĩ sheni inĩti ea inãkuĩkĩ kuakubaĩkĩ hawara pepa besti ea menushũriamisbuki.

Malaquias 2:1

“Ebe matunabu hãtxashunikabuũ, ana ea Senhor Deusũ ẽ matu hãtxa wai nĩkakãwẽ.

Malaquias 3:9

Txanima dasibi matũ mai pakea anua matunabu dasibibu yaushikĩ ea parãkĩ yumetsukubainaibuwẽ taeshũ ẽ matu txakabuwakĩ yupushanaii. Ẽ haska hãtxabiai ea Senhor Deus kushipahaira dasibi binu keyuatũ ana ẽ matu yuiaii. Nĩkakãwẽ.

Mateus 24:51

manaka txakabube kupihairashanikiki, beparamemisbubetã hau bika tenehairai kashai sheta yẽsh yẽsh anunã— iwanã,

Mateus 5:35

Mairi xinaĩ hawẽri yubakayamashãkãwẽ, na maikirã, Deusũ hawẽ tae kẽyãkirã. Ha inũ, mae ewapa Jerusalém xinaĩ hawẽri yubakayamashãkãwẽ, hanuri shanẽ ibuhaira hiweakirã.

Marcos 14:8

Haskakẽ eki sheni ininipa maukakĩ na aĩbũ ẽ mawariama bebũkiri ẽ yura ea pewashuki, hau hawama ea maiwaxarashanũbunã.

Lucas 12:46

hatiã huai manama ha shanẽ ibu hikituxitã hawẽ yunua ashũamawẽ taeshũ manaka txakaibube kupihairashanikiki.

2 Coríntios 8:12

Hanushũ tsuabũra txanima kayabi yura betsa merabewakatsis ikaibu Deusũ hatũ xinã nuima unãkĩ hatuwẽ Deus benimamiski. Hawara haya inũ hawara hayama xinãma hakia haska hawara pepa nũ haya nũ inãtirubu Deusũ nukukiri xinãmiski.

1 Timóteo 6:15

Hanushũ Deus dasibi binu keyuatũ hatũ besti pepa meke keyua hatũ yununika shanẽ ibubu dasibi inũ shanẽ ibu beshmasbu dasibiri binu keyuatũ hanu nukũ Shanẽ Ibu ana nuku anu tashnimakatsis ikĩ ma hanu yubakani meneaya nitxĩshanikiki.

Hebreus 12:29

Nukũ Deus kuxiparã, txi keskaki, dasibi yamawakĩ keyutirurã.

Apocalipse 15:4

Mia besti meribi hiwea mĩ kaneisma unãkĩ yurabu betsa betsapa dasibibũ mia yui mesewai datebetanã duawakĩ mia kẽwãshãkanikiki, mĩ pepawẽ kaneama mĩ akubaĩmiswẽ taeshunã”, akaibũ

Apocalipse 21:8

Hakia hamẽ ekiri hãtxabiai eki dakemis inũ, eki petxia hawa xinaĩsbuma inũ, yura betsabe danãnanãmisbu inũ, yura betsa tenãmisbu inũ, txutanamebaũmisbu inũ, mukayakĩ Satanásã kuxipa yukamisbu inũ, yushĩ dami betsa kẽwãmisbu inũ, txani txakabaũmisbu habu dasibi ẽ kupia hanu buirã, ha iã hanu enxofre menui here hi hi ikai anu ha hatũ dabeki mawa meshãkanikiki”, ea wa ẽ matu keneshunaii.