Malaquias 1:12 - Kaxinawá Bíblia (BR)

¹² Hakia shinã txakakĩ: ‘Senhor Deus kẽwãti txi tapu inũ hanushũ hawara nũ menushũmis meribi wama Moisĩ yunuti hãtxa ana txibãma haska nũ akatsi ikai nũ atiruki’, ikĩ ea berabĩwãkĩ mã ea sinatamamisbuki.

Malaquias 1:12 Referencias Cruzadas

2 Samuel 12:14

Hakia Senhor Deus habi mĩ dakehairawaimawẽ taea mĩ huni bake Bate-Seba dama kaĩshina samama ha mia mawashũshanikiki— atã

Amós 2:7

Haska inũ, ẽ yunuti pepa txibãma habũ kanekĩ huni betsabu nuitapai keĩsbuma babuwakĩ hatu itxakawamisbuki. Ẽ kena pepa meribikiri ea hatu yuãmakĩ hunĩ hawẽ bakebetã habias aĩbu txutamisbuki.

Malaquias 1:13

Hakia matũ ana yuikĩ: ‘Ha dasibi Deus nũ ashũmiswẽ taea bika tenekĩ nũ ma hatsãki’, ikĩ mã ea danãmaii. Ea haska wabiakĩ ea benimawatanũ ishũ inabu minama yumetsukirã inũ, ina awa tiribu inũ, ina betsa isĩ teneaibu ea inãnũ, iwanã, mã ea beshũkubainaii.

Malaquias 2:8

Hakia ebe matunabu hãtxashunikabuũ, hiwea pepa ea anua mã ma ea pashkabuki. Mã hatu yusĩ txakaiwẽ taeshũ yura itxapabu benukanikiki. Haska wakĩ ẽ Levibe yubakani matubũ txakabuwakĩ mã atimapawaii.

Romanos 2:24

Haska Deusũ hãtxa yuishunikatũ kenekĩ yuikĩ: “Mã haska hiwemiswẽ taea judeubuma Deuski meseama ẽ hẽ imakĩ mã hatu kashe paepawamaii”, haska keneni keska habias kanekĩ mã hatu amakubainaii.