Malaquias 1:10 - Kaxinawá Bíblia (BR)

¹⁰ “Matuwẽ ẽ hawa benimamaki. Inabu tesẽshũ txiwẽ mã ea menushũbia ana benimama ẽ danãkubaĩshanaiwẽ taeshũ ẽ kẽwãti txi tapu anu hanu mã hamẽ ana txi keti wayamashanũbũ eki nukuti Templo hemaĩtĩ mishki kenebaunibu hikiti shui beputi tibi tsuã mã beputirumẽkaĩ? iwanã, ẽ shinaiĩ.

Malaquias 1:10 Referencias Cruzadas

Provérbios 15:8

Huni txakabubũ inabu Deus kuashũkĩ inãkuiaĩbu Senhor Deusũ hatu danãkĩ uĩkatsi ismaki. Hakia huni pepabũ Deusbe hãtxakĩ dayuikĩ yukaibu benimakĩ Senhor Deusũ hatu nĩkamiski.

Jeremias 6:20

Sabá mai pakea anua sheni ininipa inũ mai pakea betsa txaikea mibã hua inĩhaira haskakĩ mã ea beshũmisbumẽ, ea benimawanũ, iwananã? Ea duawanũ, iwanã, ẽ txi tapu anushũ inabu mã ea menushũmisbu inũ hawẽ sheni mã ea kuashũmisburã, eã ẽ ha ana betxipai hawẽ benimamaki”, iwanã,

Miquéias 3:11

Shanẽ ibu beshmas unãti wanikabũ nukũ mae anushũ hune pei bikatsi hatũ txakabu pewakĩ hatu parãmisbuki. Deusbe nukunabu hãtxashunikabũ hatu yusĩkinã, pei binũ ishũ besti hatu yusĩkubaĩmisbuki. Hamẽ Deusũ hãtxa yuishunikabũ Senhor Deusũ haska akaiwẽ benimawai dabanẽ Deusũ unãmashina yuikatsi pei bitã hatu yuikĩ: “Nukũ shanẽ ibu Senhor Deusrã, nukubeki, nuku mekekubainairã. Nuku merabewamiswẽ taea hawa txakabu nuku anu hutirumaki”, iwanã, “hatu yuimisbuki.

Malaquias 1:13

Hakia matũ ana yuikĩ: ‘Ha dasibi Deus nũ ashũmiswẽ taea bika tenekĩ nũ ma hatsãki’, ikĩ mã ea danãmaii. Ea haska wabiakĩ ea benimawatanũ ishũ inabu minama yumetsukirã inũ, ina awa tiribu inũ, ina betsa isĩ teneaibu ea inãnũ, iwanã, mã ea beshũkubainaii.

Malaquias 2:12

Ha nukunabu haskai hiweshũ txakabuaiburã, tsuabũra haska txakabuwakubainaibuwẽ taeshũ hamamaki hau Senhor Deus dasibi binua ewẽ nuinũ ishũ hawẽ inãkuĩwẽ Senhor Deus daewanũ ishũ ina tesẽshũ hatu menumashũbiaibũ habu kupikĩ nukunabu nukũ mai pakea anua Senhor Deusũ hau hatu yamawakĩ keyushanũwẽ.

Malaquias 2:13

Ha dikabi mã txakabu betsa wakubaĩmisbuki, eskairã. Matũ inabu mã hatu menumakubainai benimakĩ Senhor Deusũ ana betxipaiama danãkubainaiwẽ taea bis bis iki kasha txakayamai matũ beũ henewẽ Senhor Deusũ kẽwãti hiwe hemaĩtĩ anu hawẽ txi tapu mã metxahaira wamisbuki.

João 10:12

Hakia dayarũ pei binũ ika dayakĩ txashuwã mekeshunaya hanua kamã inu pubenẽ txashuwã pinũ ika huaya betxitã hawenamawẽ taea txashuwãki petxitã henebaini pashaya inawã bestibu atxikẽ hatiri pashai benumisbuki.

1 Coríntios 9:13

Ha inũ, Templo anushũ ha habu dayanikabũ yura betsabũ inãkuĩ Deus inaĩbu ha nami menushũkĩ hamapai betsa betsapa wakĩ habianushũri hatiri kuakĩ hatiri bikĩ hatũ piti dasibi bishũ hawenabu hatu pimamisbu mã unaiĩ.

Filipenses 2:21

Ha betsabũ Jesus txibãbiai hatunas bestiwẽ nuikĩ xinãkanikiki, haska Jesus Cristõ abuai keska akamarã.

Hebreus 10:38

Tsuabura pepabunã, haska ẽ yubakai xinãkĩ ikũwaĩ hawẽ hiweshãkanikiki. Hamẽ tsuabũra ha ẽ yubakai ikũwãkĩ mestẽwãkatsi ikama txĩtuaĩburã, ẽ ana habuwẽ benimama ishanaii”, aka nĩkashũ nuku keneshuniki.

1 Pedro 5:2

Deusũ enabu txashuwã keska matube hiweabu Deusũ matu yununi hatu mekeirakubaĩkãwẽ, mã haska pe xinãkĩ hatu merabewakatsi ikairã, haska Deusũ abuai keska wakinã. Hatu yunu bestiama inũ pei binũ ika kemuama hakia xinã tibi wama pe bestiwẽ nuikĩ hatu pe mekekĩ ashũkubaĩkãwẽ.