Lucas 6:29 - Kaxinawá Bíblia (BR)

²⁹ Ha inũ, tsuara miki sinatakĩ mia detekĩ ispais aka habebis sinatai kupinameama: “Uke betsari ea awe”, ika dabekeshunai keskakĩ xinãkubaĩshãkãwẽ. Ha inũ, tsuara mĩ deveawẽ taeshũ mĩ dakukuti tari mia biãkĩ buaya mĩ tari manãkiriari yauxiyama hari inãyushãkãwẽ.

Kashinawa : Diosun Jesúswen taexun yuba bena yiniki

²⁹ Ja inun, tsuada miki sinatakin mia detekin ispais aka jabebis sinatai kupinameama: “Uke betsadi ea awe”, ika dabekexunai keskakin shinankubainxankanwen. Ja inun, tsuada min dibiawen taexun min dakukuti tadi mia biankin buaya min tadi manankidiadi yaushiyama jadi inanyuxankanwen.

Lucas 6:29 Referencias Cruzadas

2 Samuel 19:30

haska wabia Mefibosetẽ ana yuikĩ: —Israelĩ enabu dasibi ana yunukubaĩshanũ ika mĩ hiwe anu hawama unanuma mĩ ana txĩtuaĩwẽ taea miwẽ besti ẽ benimahairaiwẽ taeshũ Zibã bai dasibi ibuwatiruki— ikaya

Isaías 50:6

Hau ea kakush kakush anũbũ ẽ petxi ẽ hatu inãkĩ yunumiski. Ẽ keshni ea tseka tseka akaibu ẽ hawa hatu nemaismaki. Habũ ea itxakawakĩ eki kemu mitxuaibũ ẽ besu hunei ẽ hawa tinĩsmaki.

Miquéias 5:1

Hakia detenamenikabũ matu keshebaũshinabũ Israelĩ enabu shanẽ ibuhaira nuitapawakĩ kupihairashanaibuwẽ taeshũ mã Jerusalém anu hiweabuũ, hawẽ hatu nemashanũ, iwanã, dasibi matũ detenameti mabu pewakãwẽ.

Mateus 26:67

itxakawakĩ taewakĩ betsabũ besuki kemu mitxukĩ kuxaibũ betsabũri tãpais akĩ

Lucas 6:30

Hamẽ tsuara nuitapai hushũ mĩ hawara mia yuka merabewakĩ inãyukubaĩshãkãwẽ. Hamẽ betsarã, tsuãra mĩ hawara buxĩshũ ibu wakĩ mia ana inãkatsi ikamakẽ has xinaĩ haki sinatayamakubaĩshãkãwẽ.

João 18:22

hari Jesusũ kemaya Templo mekenika betsa Jesus dapi nishũ mekẽ petxiuri kepais akĩ yuikĩ: —Nukũ shanẽ ibuhaira haska yuiyamawe— aka

Hechos 23:2

ha dapi niabũ hau betsã kepais atanũ Deusbe hawenabu hãtxashunika shanẽ ibuhaira Ananiasĩ hatu yunua betsã kepais aka

1 Coríntios 4:11

Na habia eskatianã, hawa nũ pe hiweriamaki, eska teneirã. Nũ bunimiski. Nũ ũpash manumiski. Nũ tari txuka sawea nimiski. Ha inũ, yura betsabũ nuku itxakawamisbuki. Meribi hiwe hayama nũ hiwemiski.

1 Coríntios 6:7

Ikũwaĩ betsã mia txakabuwaya ikũwãbuma anu mã pewanũ ika kakĩ matũmebi haskakaĩkĩ txakabuhairakĩ mã kanekubainaii. Mia txakabuwabiaya ana habebis manakunama tenekubaĩwẽ, hau ha besti inũnã. Ikũwaĩ betsã mĩ hawara yumetsubiaxĩkẽ ha xinãma ibubis beshtekekãwẽ, ana habebis yumetsuamarã. Mã haskairã, peki.

2 Coríntios 11:20

Haska inũ, habũri matu dayaru watã matu yunuabu mã hatu dayashũmiski. Matu parãbetanã, itxakawakĩ matũ hawara matu biaĩbu mã hatu inãmiski. Habũ matu tãpais akabu mã tenemiski, haskatimabiakenã.

Hebreus 10:34

Jesusunabu betsabu hatuki sinatakĩ bitxiti hiwe merã hatu bitxiabu nuitapaibuki mã batãtanaya matũ mabu inũ matũ hiwe matu biãbũ hawa yuiama benimakĩ matũ hamapai hatu heneshũkĩ Deus kẽwãkĩ hawẽ mae pepa nai anu hawa txapuisma hanu hiwei ikibi iki mã kashanai haska mã xinãkubaĩyamaki.