Lucas 6:26 - Kaxinawá Bíblia (BR)

²⁶ Tsuara ibubis hawawẽra hawẽruakĩ dasibibu hatu abumakĩ mã hatu kẽwãmatirurã, uĩrashãkãwẽ, mesekirã. Habũ Deus yuishunikapaiaibũ hatu parã paepawa matũ shenipabũ hatu kẽwãpaunibu keska iyamashãkãwẽ— iwanã,

Kashinawa : Diosun Jesúswen taexun yuba bena yiniki

²⁶ Tsuada ibubis jawawenda jawenduakin dasibibu jatu bechipaimakin man jatu kenwanmatidudan, uindaxankanwen, mesekidan. Jabun Dios yuixunikapaiaibun jatu padan paepawa matun xenipabun jatu kenwanpaunibu keska iyamaxankanwen— iwanan,

Lucas 6:26 Referencias Cruzadas

Isaías 30:10

Ha habũ haskashanai bebũkiri unãmisbu habiabũri hatu yuikĩ: “Nama keskakĩ ana uĩyamakãwẽ”, ikĩ hanushũ Deusũ hãtxa yuishunikaburi yuikĩ: “Haska txanima mã uiaĩ ishanai nukuki txaniyamakãwẽ. Hawara nũ ikai hawẽ nuku dake wama nuku hãtxa pe besti wakãwẽ. Nũ kanebiaya haskaira nuku nemayamakãwẽ.

Miquéias 2:11

Tsuara txanitxakakĩ yuikĩ: ‘Vinho inũ shia paepa mã ea inãkubainaya Deuskiri ẽ matu yusĩkubaĩshanaii’, ikaya na yurabũ haska txakabu betxipaikĩ ẽ hãtxa yuishunika hatu wai haska hatũ shinanã, pehairaki, ishãkanikiki”, itã,

Mateus 7:15

—Ha inũ, betsarã, ha parananãmisbu pepa keskakĩ Deuskiri yusĩbiakĩ hawẽ huĩti inu pubẽ keskã txani hãtxa matu yusĩaĩbu ana nĩkama hatu uĩrakubaĩkãwẽ.

Lucas 6:25

Ha inũ, tsuabura yauxikĩ piti yani bestiwatã mã benimakubainaibu ana tsuã matu merabewakĩ matu duawabuma buni tenei mã nuitapahairashanaii. Ha inũ, natiã tsuabũra Deus xinãma matũ hamapai besti xinaĩ mã usãmis ana haskama matũ huĩti nixma kashai mã nuitapahairashanaii.

Romanos 16:18

Haska habu parananãkĩ nukũ Shanẽ Ibu dayashunaiburã, hamẽ ikanikiki. Haska habũ xinaĩ besti abukĩ hatũ hãtxa hawẽrua txẽshwẽ besti hatu hãtxa wakĩ yura betsabu Jesus Cristokiri kakape unãhairariama beparamekanikiki. Haskakẽ hatuki kemama jatu dũkekubaĩkãwẽ.

Santiago 4:4

Haskati kemaĩ yurabũ mã ikũwãkĩ pewabumaã, haskai Deus haibu wabiatã matũmebi hawara Deusũ danaĩ mã akubainai? Haskakẽ tsuabũra hawara Deusũ abuama abukĩ Deus danaĩ ana habe haibunamekatsi ikabumaki, ana txĩtũtã haki sinatamairã.