Lucas 6:23 - Kaxinawá Bíblia (BR)

²³ Haska inũ, Deusũ hãtxa yuishunikabu itxakawanibu keska wakĩ maturi itxakawaibu nai anushũ Deusũ matu duawashanaiwẽ taea hawa dateama xinã txãkãkubaĩshãkãwẽ— iwanã,

Kashinawa : Diosun Jesúswen taexun yuba bena yiniki

²³ Jaska inun, Diosun jancha yuixunikabu ichakawanibu keska wakin matudi ichakawaibu nai anuxun Diosun matu duawaxanaiwen taea jawa dateama shinan chankankubainxankanwen— iwanan,

Lucas 6:23 Referencias Cruzadas

2 Samuel 6:16

Davĩ mae mishki kenebaunibu anu Senhor Deusũ hãtxa aruni bau iabaini hikiaibũ Saulũ aĩbu bake Mical ha dukũ Davĩ aĩwani hanu niwe hikiti shui anu nishũ haska Senhor Deus bebũ Davi sheke sheke iki nawakũkainai Micalĩ uĩtã haska betxipaiama hawẽ dakekĩ danãtxakayamaya

1 Reis 18:4

Senhor Deusũ hãtxa yuishunikabu hau hatu tenanũbũ Acabẽ aĩ Jezabelĩ hatu yunukĩ taewaitiã 100 Senhor Deusũ hãtxa yuishunikabu Obadiasĩ hune hatu itxawashũ pashkakĩ 50 tibi shuku dabe watã mai kini shui ewapa dabe anu hatu hunekĩ aruimashũ ushe itxapa misi inũ ũpash besti hatu pimakĩ inãkubainaya

1 Reis 19:10

Eliasĩ kemakĩ yuikĩ: “Senhor Deusuũ, ẽ mia yaushihairaii, miwẽ nuihairairã. Mĩ nukũ mekenika Deus kushipahaira dasibi binuawẽ taearã. Haska ẽ shenipabube mĩ hatube yubakabiani Israelĩ enabũ mia henetã mia hanushũ kẽwãti txi tapu di akĩ keyutã hatũ matxatu txaipa kenuhairawẽ mĩ hãtxa yuishunikabu hatu tenãkĩ ma keyuyamabuki. Ea besti ẽ hiwea eari tenanũ ikĩ ea benakanikiki”, aka

1 Reis 19:14

Eliasĩ kemakĩ yuikĩ: “Senhor Deusuũ, ẽ mia yaushihairaii, miwẽ nuihairairã. Mĩ nukũ mekenika Deus kushipahaira dasibi binuawẽ taearã. Haska ẽ shenipabube mĩ hatube yubakabiani Israelĩ enabũ mia henetã mia hanushũ kẽwãti txi tapu di akĩ keyutã hatũ matxatu txaipa kenuhairawẽ mĩ hãtxa yuishunikabu hatu tenãkĩ ma keyuimabuki. Ea besti ẽ hiwea eari tenanũ ishũ ea benakanikiki”, aka

1 Reis 19:2

taeshũ Jezabelĩ nĩkatã hawẽ hãtxa bunika yunukĩ yuikĩ: “Eska Elias ea yuishũtãwẽ: ‘Miarã, mĩ huni Eliaski. Earã, ẽ aĩbu Jezabelki. Haska enabu Baalĩ hãtxa yuishunikabu dasibi mĩ tesẽ keyushu keska wakĩ meshukiri na habia baritiãri ẽ mia habiaskari wariama yushibubũ hau ea kupitxakayashanũbũwẽ!’ iwanã, ‘mia yuishuki’, akĩ ea yuishũtãwẽ”, aka kashũ hawẽ hãtxa Elias yuia,

1 Reis 21:20

kemakĩ Acabẽ yuikĩ: —Nũ sinatai danananãrabeairã, haskakĩ ea benabaũkĩ mĩ ea betxishumẽ?— aka Eliasĩ kemakĩ yuikĩ: —Haa, ẽ miki nukushuki. Senhor Deusũ berubi ha betxipaiama txakabuhaira mĩ akubaĩmiski.

1 Reis 22:27

hatu yuikĩ: “Nukũ shanẽ ibuhairatũ matu yunuikiki. Bitxiti hiwe merã bitxitã pashai unanuma ẽ txĩtũriama misi inũ ũpash eskarabes pimayukubaĩshãkãwẽ”, akĩ hatu ea yuishũtãkãwẽ— ikai nĩkatã

1 Reis 22:8

Israelĩ enabu shanẽ ibuhaira Acabẽ kemakĩ yuikĩ: —Betsa hayaki. Inlá bake Micaíasĩ Senhor Deusũ hãtxa nuku yuitiruki. Hakia hãtxa pepa eki txaniama hãtxa txakabus besti ea yuikubaĩmiswẽ taea ẽ ha betxipaismaki— aka Josafã nemakĩ yuikĩ: —Hari hãtxakĩ yuiyamawe— aka

Isaías 35:6

Mestẽtiya tiri iki mapuabu txashu ishtxumisbu keskai bĩtu bĩtu itã titi ishãkanikiki. Huyubu hãtxa pesei sai sai ishãkanikiki. Hanu tsua hiweabuma anu mai tsusĩ anua hene tuebaini pashkukaini kushibaĩshanikiki.

Jeremias 2:30

Matũ bakebu ẽ hatu yusĩbia hawa tapiãbumabiakẽ hamẽ ẽ hatu kupimiski. Maturã, pubenepa mã inu betsa leão keskabuki. Ẽ hãtxa yuishunikabu ẽ matu yunua hatuki sinatakĩ mã hatu tenãkubaĩmisbuki.

Malaquias 4:1

Senhor Deus kushipahaira dasibi binu keyuatũ matu ana yuikĩ: “Bai anua hamapai mibã tsekashũ hawẽ shaka itxawakĩ hanus mãtxĩshũ kuamisbu keska wakĩ ibubis kẽmisbu dasibi inũ txakabubu dasibi kupikĩ txi hi ikai anu ẽ hatu menukĩ keyushanai ha shaba txi kushipaya ma tashni kemaikiki. Ha shabatiã hukirã hawa betsa teshewama ẽ hatu menu keyushanaii.

Mateus 5:12

Hanua Deusũ hãtxa yuishunikabu itxakawanibu keska wakĩ maturi itxakawaibu nai anushũ Deusũ matu duawashanaiwẽ taea hawa dateama xinã txãkãkubaĩshãkãwẽ— itã,

Lucas 1:41

Isabelĩ Maria nĩkaya hawẽ pustu meranua hawẽ bake tukuaya Deusũ Yushĩ Pepatũ kuxipa waya

Lucas 6:35

Hakia pepakatsis ikirã, eskatiki. Matuki sinataibuwẽ nuikĩ hatu duawãkĩ matũ pepa hatu uĩmakubaĩkãwẽ. Haskawẽ taeshũ tsuabũra mĩ hamapai biwãxĩshũ mia ana beshũmisbu besti ana ha xinãma mia yane beshuĩsbumari hatu inãriakĩ yura dasibibu hatu duawakubaĩshãkãwẽ. Haska wakĩ mã hatu binumamiskẽ matũ pepawẽ Deus dasibi binuatũ matu manakushanikiki, hawẽ bakebu matu wakinã. Hanũkaĩ habũ Deus kẽwaĩsbuma inũ huni txakabububiakẽ betsa betsapa inãkĩ Deusũ hatu duawamiswẽ taea

Hechos 14:10

Paulõ hui kuxipawẽ yuikĩ: —Ha mĩ tae mĩ habiaska kaĩnirã, beniriwe— aka ha huni dashka iki ixtxutã ti itã nikaunaya

Hechos 3:8

hanua ha huni txãtuni beni ixtxui ti itã ni taekaini Pedro inũ Joãobe Templo hemaĩtĩ anu hikikaini ixtxui ti ti ikaĩkĩ Deus kẽwãkĩ taewabainaya

Hechos 5:41

shanẽ ibubũ besuuria Jesusũ kuxipayabu kaĩbaini yuinamei: “Hawẽ bake Jesus Cristõ kakapekiri nũ yusĩayã Deusũ hawẽ nuku unãti watã nuku duawakatsi hatu yunua habuwẽ datei nũ beshtekẽnũ nuku akanikiki”, iki benimabaini buxĩshũ

Romanos 5:3

Haska bestimaki. Natiã Cristo nũ ikũwaĩwẽ taeshũ hamapai mei nũ bika teneaiwẽri Deusũ hawẽ kuxipa nuku uĩmakubainaiwẽ hawẽ xinã txãkaĩ nũ txĩtuãma nũ kuxipakũkainai nũ unaiĩ.

2 Coríntios 12:10

Haskakẽ babui Cristõ kuxipawẽ ẽ kuxipatiruwẽ taea Cristo duawanũ, ika ẽ xinã txãkãmiski, eska tibiwenã, ẽ babuaiwẽ inũ, eki sinataibuwẽ inũ, ẽ yumaĩ hawaumawẽ inũ, ea tenãnũ ishũ ea itxakawaibuwenã, Cristowẽ dayai ẽ bika tenekubainaiwenã. Hanu ẽ babuhairaitianã, Cristõ kuxipa ẽ mekubaĩmiski.

Colosenses 1:24

Natiã matuwẽ taea nuitapairã, ẽ benimaii. Hau hawẽ taea nũ bika tenekũkaĩshanũ Cristõ nuku yunutã ha dukũ txanima hawẽ yurawẽ ha ikũwãshanaibu merabewanũ ika hatu bika teneshũkĩ haskawẽ taea eari ibubis ẽ yurawẽ menei ẽ ishũriaii, mã ha ikũwaĩbuwẽ taearã.

2 Timóteo 2:12

Tsuabura Cristowẽ taea nuitapabiai babuama kuxipakĩ nũ binukubainaiburã, txanima hanu shanẽ ibuai anu habe nũ shanẽ ibushanaii. Hamẽ tsuabũra hakiri txani peama yui keyaĩsbumarã, habiaskari Cristo hatukiri Epa Deus txanikĩ hatuki dakeriashanikiki.

Hebreus 11:26

Hanushũ Deus ikũwãkĩ hawara Deus yubakani manakĩ Egitonawabũ mabu pepa betsa betsapa Moisés inaĩbuwẽ taea Messias Cristo ha kẽwãma shanẽ ibu wabu hawẽ kẽtiru unãbiai shanẽ ibũ hiwe anua kaĩkaini Deus kẽwaĩ hatũ merabenã Messias Cristo hawenabubetã manakai bika tenei yumãbiai manakuti pepa Deus anua hawa benuama inãshanai Moisés haska katunikiaki.

Hebreus 11:6

Ha inũ, tsuabũra Deusũ hãtxa ikũwãbumarã, haskatã Deus benimawatirubumaki. Hakia tsuabũra Deus hiwea haya inũ hatũ hatu manakushanai benakĩ hau ikũ besti wakubainũbũwẽ.

Santiago 1:2

Ẽ betsabu inũ ẽ puibuũ, hawara bika betsa betsapa mã mekĩ tenebiai Deusũ benimati mã hayawẽ xinã txãkãkãwẽ.

1 Pedro 4:13

Haska matu memabiabu Cristo ani keska wakĩ habiaskarianiwẽ taeshũ matu tenemariakanikiki. Haskawẽ taea Cristo shanẽ ibuhairai ana tashnikirã matu benimahairawashanai xinaĩ natiã haskawẽ benimatimabiakẽ Cristowẽ taea benimayukubaĩkãwẽ.

Apocalipse 2:17

Mã pabĩkiyabunã, Yushĩ Pepatũ ha mã itxamisbu matu yuiai nĩkakãwẽ: Tsuabũra ea danãma habũ maemakĩ binumisburã, pewẽ kupikĩ misi naiuria Deusũ hunemis ẽ hatu pimashanaii, nai anu unãnuma ebe hatu hiwemakinã. Ha inũ, kena bena nẽkati hushupaki hatũ kena nea ẽ hatu inãriashanaii. Ha habũ biaibũ besti ha kena unãshãkanikiki, tsua betsã unãtirumarã’”, ea washu ẽ matu keneshunaii.

Apocalipse 2:26

Tsuabũra ea danãma txakabu maemakĩ binumisburã, hawa heneama haska ẽ abuai apakemisburã, hanu ẽ ana huai anu ẽ hatu shanẽ ibu wakĩ kuxipa washanaii, hau nawa shukuabu mekenũbunã.

Apocalipse 2:7

Mã pabĩkiyabunã, Yushĩ Pepatũ ha mã itxamisbu matu yuiai nĩkakãwẽ: Tsuabũra ea danãma habũ maemakĩ binumisburã, mae pepa naiuri hanu Deus hiwea anua hawẽ benimai hiweti hi bimi ẽ matu pimashanaii, niti ikamarã’, ikĩ”, ea washu ẽ matu keneshunaii.

Apocalipse 21:7

Ha inũ, tsuabũra ea danãma habũ maemakĩ binumisburã, ea ẽ hatũ mekenika Deus ikaya habu ẽ bakebu na mae bena anu hawa benuama ebe hiwei ikibi ipakeshãkanikiki.

Apocalipse 3:12

Tsuabũra ea danãma habũ maemakĩ binumisburã, hanu ẽ Epa Deusũ hiwe anu hawẽ txibu betsa keska tsuã betsetiruma keska ẽ matu washanaii. Hanua mã hani ana kaĩbaĩnama inũbariaii. Haska inũ, ẽ Epa Deusũ kena matuki kenekĩ netãkĩ hawẽ mae Jerusalém Bena ha mae nai anua butushanai hawẽri matuki kenekĩ netãkĩ ẽ kena benari ẽ matuki netãshanaii.

Apocalipse 3:5

Tsuabũra ea danãma habũ maemakĩ binumisburã, tari hushupa saweshãkanikiki. Ha dikabi hatũ kena Deusũ hiwemati una anua ẽ tere akama ishanaii. Hanushũ ẽ Epa inũ hawẽ nai tsumabu bebũ hatu nitxĩtã ẽ habu hatu unãmashanaii.