Lucas 5:1 - Kaxinawá Bíblia (BR)

¹ Hatu yusĩkubaũtani Galiléia iãnẽwã ketãkubaini kakĩ hawẽ kena betsa iãnẽwã Genesaré anu niti ishũ hatu yusĩayã Deusũ hãtxa nĩka pewakatsis iki haki mirima itxakĩ teshke akabu

Kashinawa : Diosun Jesúswen taexun yuba bena yiniki

¹ Jatu yusinkubauntani Galilea ianenwan ketankubaini kakin jawen kena betsa ian Genesaret anu niti ixun jatu yusianyan Diosun jancha ninka pewakatsis iki jaki midima ichakin texke akabu

Lucas 5:1 Referencias Cruzadas

Mateus 11:12

Naximanika João huriama matũ itxati hiwe tibi anushũ Moisés yusĩa inũ Deusũ hãtxa yuishunikabũ yusĩpauni matu yusĩ bestikubainimabuki. Hakia João hushũ Deus shanẽ ibushanaikiri bebũkiri hawẽ kaka pepa yusĩkubainaya huni pubenẽ detekatsis ikĩ Deus shanẽ ibushanai ewamamakĩ beshtenũ ika ikanikiki.

Mateus 14:34

iãnẽwã pukei nũ besusi kapaya niwẽ hamakiri nuku bukĩ shutua mae betsa Genesaré anu keti itã

Marcos 3:9

isĩ teneaibu itxapa shushawaxĩkẽ habũri hawenabu isĩ teneaiburi iwekĩ Jesus mematanũ ika bei haki itxai keyuabũ habianuri yushĩ txakabu yura merã hiweshũ Jesus uĩtã ha yura Jesus anu dãti imatã hãtxa kuxipawẽ yuimakĩ: —Miarã, mĩ Deusũ bake kayabiki— ibirã ibiranaibu hatu hãtxamamakĩ: —Hanua ekiri haska hãtxama kaĩkãwẽ— hatu wapakekĩ Jesusũ yushĩ txakabu hatu nitxiaĩwẽ taea ana haki itxai teshke ikaibu uĩkĩ hatu dapashkabainũ, iwanã, hawẽ tsumabu yunukĩ: —Ẽ shashũ inai ea shutukãshũ shashu pewai bukãwẽ— hatu wanikiaki.

Marcos 4:1

Iãnẽwã kesha anushũ Jesusũ ana hatu yusĩkĩ taewaya yura itxapabũ nĩkanũ ika beabu iãnẽwã kesha anu dasibi tsaushũ nĩkaibũ iã kesha shashu namaki Jesus tsaushũ miyui betsa betsapawẽ hamapaikiri hatu yuikĩ:

Marcos 5:24

hanua Jesus habe kaya yurã kaiãri haberi bukĩ Jesus naxui akĩ teshke abainaibũ

Marcos 6:53

Hanua iãnẽwã pukei besusi bupanãbũ niwẽ hamakiri hatu bukĩ shutua mae betsa Genesaré anu keti itã hatũ shashu neshatã

Lucas 12:1

Hanushũ Jesus haska waibũ ana mirimahaira haki itxabu hani ni peshũ nĩkatirubumabia nĩkaibũ Jesusũ haki txiti ikabus dukũ yusĩ taewakĩ yuikĩ: —Fariseubu yusĩnanaĩ beparamemisbu misi shasha wati keskabuki. Hatũ yusĩa matuki hikitã matu kanematiruki. Hatũ yusĩa uĩrakãwẽ.

Lucas 5:2

shashu ewapa dabe shaka maxĩ keti ashũ baka neshenikabũ hatũ hisĩ txukaibu Jesusũ uĩkubaini

Lucas 8:22

Ana betsatiã Jesusũ hawẽ tsumabu hatu yuikĩ: —Iãnẽwã besusi pukei kesha betsauri buyunãkãwẽ— hatu wa hawẽ tsumabube shashũ inatã shutubaini buaibũ

Lucas 8:23

hanua iãnẽwã besusi pukeaibũ Jesus ma bika shashu txishukiri daka ushakẽ hanua niwe kuxipahaira besubainaibukiria hene buspu tsaubirãkĩ shashu hene mata wa ma hiki kemaya

Lucas 8:33

ha huni anua kaĩbaini ina yawa merã hikibainaibũ ha ina yawa mirima datei mawa butei niri ibaini iãnẽwãki pukui dasibi hasai keyuaibũ

Lucas 8:45

haska hawẽ kuxipawẽ tsuara shushawa Jesusũ unãkĩ yurã kaiã hatxũ beaibu niti itã uĩbaũkĩ hatu yukakĩ: —Tsuã mã ẽ tari metsashumẽ?— hatu wa —Tsuã mia metsamaki— akaibũ Pedro inũ Jesusũ tsuma betsabũ yuikĩ: —Yusĩnaã, na yurã kaiã bei mitxũ supu ibirãkĩ mia aki ikanikiki. Haskakĩ nuku yukakĩ: “Tsuã mã ẽ tari metsai?” mĩ nuku wai ikai?— akabu

João 1:40

Naximanika Joãonẽ hãtxa nĩkatã Andrẽ Jesus txibãbaina habe hãtxatã hawaira hawẽ betsa Simão Pedro yuinũ ika benabaũkĩ betxitã yuikĩ: —Messias Cristoki nũ nukushuki. Mĩ tsiri uĩ kawe— itã

João 6:1

Hanua haskakaĩkĩ Páscoatiã judeubu besikĩ pishanaibu ma kemaya Galiléia Iãnẽwã, hawẽ kena betsa Tiberíades Iãnẽwã anu Jesus nũ hawẽ tsumabube pukeshũ hatu shushawakĩ Jesusũ hawẽ unãmati dami atimaska betsa betsapa wai uĩxĩshũ ana uĩkatsis iki maĩ bukĩ mirimabũ nuku txibaĩbũ mati mapebaĩ tsauwa nukube hãtxabaikĩ

Hebreus 13:7

Haska inũ, Deusũ hãtxa Cristokiri habũ matu yusĩkĩ matu pe mekekubaĩkĩ matu xinã betsa wamanibuki. Haskawẽ taeshũ habũ Deus ikũwãkĩ txibãkubainibu haska hatũ hiwea pepa akĩ henebainibu xinãkĩ matũri ikũwãriai habiaskariai hiweriakubaĩkãwẽ.