Lucas 4:21 - Kaxinawá Bíblia (BR)

²¹ Jesusũ hatu yusĩkĩ taewakĩ: —Haskakiri Isaíasĩ keneni ẽ matu yuishunai mã nĩkashurã, nukunabu merabewakĩ na habiatiã Deusũ ma meneikiki— iwanã,

Kashinawa : Diosun Jesúswen taexun yuba bena yiniki

²¹ Jesúsun jatu yusinkin taewakin: —Jaskakidi Isaíasin keneni en matu yuixunai man ninkaxudan, nukunabu medabewakin na jabiatian Diosun ma meneikiki— iwanan,

Lucas 4:21 Referencias Cruzadas

Mateus 13:14

—Haskai buaibuwẽ taeshũ bebũkiri hawẽ hãtxa yuishunika Isaías hatukiri Deusũ yuimakĩ: ‘Habũ hãtxa itxapa nĩkabiakubaĩmisbu hawa unãma ishãkanikiki. Itxapa uĩbiakubaĩmisbu hawa uĩsma keska ishãkanikiki. Hau uĩyamanũbũ hatũ beru bekua keskabuki. Hau nĩkayamanũbũ hatũ pabĩki pabepukua keskabuki. Na yurabu bushka kuxibũ hawa tapĩkatsis ikabumaki. Hau ẽ hatu merabewakĩ shushawapanã ea danaĩ ea anu bekatsis ikabumaki’, aka nĩkatã nuku keneshuniki. Habias hatukiri keneni keskai na yurabũ uĩyama inũ nĩka pewabumariki— iwanã

Lucas 4:20

ana sebitã una mekenika inã mebĩtã aruaya ana hatukiri besua tsauwa manibaũshũ beistxakayamaibũ

Lucas 4:22

unãnepakĩ hãtxa pewẽ hatu yusĩaĩ nĩkai e itã hawẽ hãtxa abubiakĩ xinaĩ: “Narã, nukunabuki, Josẽ bakeki. Hanishũ haska tapĩtãxĩshũ nuku yuimẽkaĩ?” iki yuinamebaunaibu

João 5:39

Haskakẽ matunã, ha txibaĩ hiwei ikibi iti hãtxa kenenibu betxinũ, iwanã, Deusũ hãtxa yuishunikabũ kenenibu anua mã benakubaĩmiski. Hakia habias kenewẽ ekiri yuinibu uĩbiakinã,

Hechos 3:18

Ha mã haska waimakirirã, bebũkiri Deusũ hawẽ hãtxa yuishunika dasibibu hakiri txanikĩ nukunabu yuikĩ: “Hawẽ Messiasrã, nuitapatã mawashanikiki”, anirã, haska yuini keska wakĩ Deusũ ma hatu menemaimaki.